Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 291

२५८
सिरिमुनिसुव्वयजिनबण्णणं सिग्धं पवेसिया सा तिक्खा असिधेणुय व्व मह हियए। वयणमुप्पायंती सव्वसरीरम्मि वणमाला ।।८३१२।। तयणंतरं पि मयणो निरूविओ तेण पहरिउ मज्झ । तेण वि नियबाणेहि एयावत्थं अहं नीओ।'८३१३।। अह मंती भणइ निवं देव! वियाणामि तं अहं बालं। वीरयकुविधरिणी सया वि नामेण वणमालं ॥८३१४।। मा कुणउ कं पि खेयं देवो एयम्मि वइयरे तम्हा । तह कह वि करिस्समहं जह सा देवस्स वसमेइ ।।८३१५।। तो आह सुमुहनिवई मा मा जंपेह एरिसं सचिव ! । तुह पुच्छंतस्स मए जहट्ठिओ साहिओ एसो ॥८३१६।। नियचित्तस्स विगप्पो काउं इच्छामि न उण काएण । जम्हा मणम्मि वि इमं अचितणिज्ज कुले अम्ह।।८३१७।। जइ वि हु दिव्ववसेण मणोवियारो इमो समुप्पन्नो । तह वि न कुले कलंक नियम्मि आणेमि ससिविमले।८३१८। जइ वि कुविओ विही मे हरिस्सए तह वि जीवियं चेव । इह परलोयविरुद्धं में कारेउ न सो सक्को ।।८३१९।। विनवइ तओ मंती देवो जाणेइ नीइसत्थाई । सव्वपुरिसत्थमूलं तत्थ वि रक्खाविओ अप्पा ।।८३२०।। आह तओ सुमुहनिवो सेयं मरणं पि विमलसीलस्स । मइलियसीलस्स पुणो न सुहं चिरजीवियव्वं पि ।। जइ ता तुम मम हिओ तो मा मह देसु एयमुवएसं । अज्जेऊणं पावं जेण अहं दुग्गइं जामि ।।८३२२।। मइसागरो पयंपइ न भायणं तमिह जस्स न पिहाणं । पावं पि तं न भुवणे पायच्छित्तं न जस्सत्थि ।।८३२३॥ ता अत्ताणमियाणिं कहमवि विसमाउहाउ रक्खेउ। पावस्स तस्स पच्छा पायच्छित्तं चरेज्जासि ।।८३२४।। आह तओ नरनाहो पायच्छित्तेण पावकम्मस्स । होज्ज विणासो अयसस्स मज्जणं कह विहेयव्वं ।।८३२५।। मतिसागरेण भणियं तहा करिस्सामि देव ! जह अन्नो । को वि न याणइ एयं तुज्झ रहस्सं नयरमज्झे।।८३२६।। किं च निरवच्चयाणं जइ तुम्ह हवेज्ज कह वि परलोए । गमणमियाणि एएण वइयरेणं तओ देव ! ॥८३२७।। रज्ज रट्ट च पयाउ धम्मठाणाई पुवपुरिसाणं । एगसमएण सव्वं पावेज्ज विणासमवियप्प ।।८३२८।। इय जंपियम्मि राया न पयच्छइ जाव कि पि पडिवयणं । तो मंतिणा पभणियं गम्मउ सिग्घ पि देव! इओ।८३२९। नयरीमज्झम्मि नियम्मि मंदिरे ताव संपय तत्तो । कालोचियं भविस्सइ जं कि पि तयं करिस्सामि ।।८३३०।। सिबियं आरुहिऊणं उज्जाणवणाओ अह नराहिवई । नियपरिवारसमेओ पविसइ कोसंबिनयरीए ।।८३३१।। गंतुणं पासाए विसज्जिऊणं च सव्वपरिवारं। वासहरे पविसेउं सयणिज्जे ठाइ तं बालं ।।८३३२।। अणवरयं झायंतो एगग्गमणो सुदीहनीसासे । उण्हुन्हे विमुयंतो मणं नियत्तेउमतरतो ।।८३३३।। मतिसागरसचिवेणं एस पघोसो पयासिओ बाहिं। जह नरवइणों सीसं बाहइ चिरचक्खु दोसेण ।।८३३४।। सयमागंतूण गिहे हक्कारावेइ पुरिसपासाओ। अत्तेइयाहिहाणं परिवायलिगिणि निउणं ।।८३३५।। पेसेइ तओं एवं वणमालाए वसीकरणहेउं । गंतूण तग्गिहे सा तीए सह दंसणं कुणइ ।।८३३६।। कयसमुचियपडिवत्ती जंपइ आसणपरिग्गहं काउं । पुत्ति ! अहं तुह गेहे निच्चं पि उवेमि पाएण ॥८३३७।। कितु वियसंतवयणा दीसंती अन्नया सया वि तुमं । अज्ज पुण मउलियमुही कह दीससि सुन्नहियया य ।। अन्नं च सव्वकालं नियसुह-दुक्खं तुमं पुरो मज्झ । आसि पुरा साहेती ता सुयणु ! कहेसु इन्हि पि ।।८३३९।। जं कि पि तुज्झ बाहइ मज्झे देहस्स तयणु वणमाला। जंपइ अज्जे! बाला का वि जहा मंडलं ससिणो ।। गयणंगणाओ गहिउं इच्छइ जह वा खरी वरतुरंगं । सीहकिसोरं व सिवा कलहंसं वायसवहु व्व ।।८३४१।। मयणत्ता परिभोत्तुं वंछेइ अहं पि अज्ज तह मूढा । दुल्लहजणसंजोयं देव्योवहया अहिलसामि ॥८३४२।। अज्ज वि पुवुत्ताणं संजोओ होइ कह वि दिव्ववसा। जं पुण पत्थेमि अहं सुमिणे वि हु दुल्लहो मज्झ ।। तेण समं संजोगो तेणहं मयणदाहजरगहिया । न लहामि खणं पि रई चिट्ठामि विमुक्कजीयासा ॥८३४४।।