Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिमुनिसुव्वय जिणिदचरियं
अह
भणसि वेयविहियं एयं जीवोवघायजणयंपि । सग्गनिमित्तं जायइ कीरंतं तं न जं भणियं ।। १०४७० ।। कण्डनी पीषणी चुल्ली उदकुम्भः प्रमार्जनी । पञ्च सूना गृहस्थस्य तेन स्वर्गं न यात्यसौ ।। १०४७१।। यूपं छित्वा पशून् हत्वा कृत्वा रुधिरकर्दमं । यद्येवं गम्यते स्वर्गे नरके केन गम्यते ? ॥। १०४७२।। जं च त जिम्मे दियदाणाभावदूसणं भणियं । तं पि हु उम्मत्तगजंपियं व दूरं असारयरं ।। १०४७३ ।। जं मोक्खकए दाणं देयं नाऊण सगुणपत्तम्मि । न उणो जहा तहा वि य तं पुण नेयं भवसुहाओ ।। १०४७४ ।। एगंतेण विरत्तं वित्तकलत्ताइसंगपरिचत्तं । समसत्तमित्तभावं मुक्कममत्तं सदेहे वि ।। १०४७५ ।। एवंविहं चिय जओ पत्तं भवसायरे पडताण | जीवाण रक्खणखमं भणियं च जओ परेपि पि ।। १०४७६।। विषयी विषयासक्तं सधनः सधनं गृही गृहिणमेव । सारम्भः सारम्भं न तुल्यदोषस्तु तारयति ।। १०४७७ ।। विषयी विषयविरक्तं सधनोऽस्तधनं गृही गृहविमुक्तम् । सारम्भो नारम्भं संश्रित्य भवार्णवं तरति ।।१०४७८।। एए दुजाइणो विसयविसावेसनद्वचेयन्ना । मन्निज्जंति सयन्नेहिं कह तओ पत्तबुद्धीए ॥१०४७९।।
जुत्तित्वहन इमंती निरुत्तरो तेण । विहिओ विलक्खहियओ जाओ उल्लसियसेयजलो ।। १०४८० ।। पच्चक्खं नरवइणो नायरलोयाणगलियमाहप्पो । सप्पो व्व मंतमउलंतलोयणो झत्तिसंवृत्तो ॥ १०४८१ ।। तुट्ठो विसिलोओ सव्वो जो आसि तत्थ उवविट्ठो । राया वि उट्ठिओ पणमिऊण सूरि सपरिवारो ।। १०४८२ ।। नई विणीवर गरु पओसं मणम्मि वहमाणो । उट्ठेऊण नरिदेण सह गओ निययमावासं ।। १०४८३॥ साहूण मारणकए विविहोवाए मणे विमरिसंतो । चितइ पव्वइयाणं जइ तेसि मारणनिमित्तं ।। १०४८४ ।। अन्नं कंपि निरूवेमि कज्जेसिद्धी न होइ तो मज्झ । जं ते मुणिवहपावाऽभिसंकिओ को वि न हणेज्जा ।। १०४८५। कवि पट्टिज्जन एत्थ निवपरिन्नाणसंकियत्तेण । को वि पयट्टंतो विहु न होज्ज निहुओ तओ अन्नो ।। १०४८६ ।। नाऊण कहेज्ज नरेसरस्स पुरओ विवक्खभूओ णे । इच्चाइकारणेहिं न पयडियव्वं परस्सेयं ।। १०४८७ ।। यमेव मए तम्हा निसीह समयम्मि अंगमेत्तेण । गंतूण तत्थ सव्वे ते हणियव्वा दुरप्पाणो ।। १०४८८ ।। एवं चि मज्झ मणे सहत्थ हणणेण होइ परितुट्ठी । इय चितिऊण दियहं सेसं कह कहवि सोगमइ ।। १०४८९ ।। अह रयणीए चितियसमयम्मि समुट्ठिऊण सगिहाओ । नमुईखग्गकरग्गो विणिग्गओ सो महा पावो ।। १०४९०।। अगणिय परलोभओ लज्जविणो विमुक्कमज्जाओ । नरयपुरमग्गपहिओ निच्छयओ अत्तणो अहिओ | ११ | गंतूण मुणिसमीवे करवालं कड्ढिऊणऽइकरालं । उप्पाडइ हणणत्थं जाव तओ झत्ति देवीए || १०४९२।। जिणसासणभत्ता तह ठिओ चेव थंभिओ एसो । कटु घडिओ व्व चिट्ठइ निच्चेट्ठो जाव गोसग्गो ।। १०४९३ ।। दिट्ठो तहट्टिओ तो सो तत्थ जणेण संचरंतेण । विम्हियमणेण तत्तो कहिओ अन्त्रेण अन्नस्स ।। १०४९४।। मिलिओ नायरलोओ कुऊहलेणं निवाइलोओ य । दट्ठूण तेण तह सो ठियओ धिक्कारिओ धणियं ।। १०४९५। अह तं तावत्तं ाऊण समग्गलोय मज्झम्मि । उत्थंभिऊण सासणदेवी मुंबइ नमुइमंति ।। १०४९६।। एसो वि लज्जिओ छड्डिऊण नयरिं विणिग्गओ तत्तो । अन्ननिवदेस समुह संचलिओ गरुयखेण ।। १०४९७ ।। पत्तो य हत्थिणउरे नयरे पउमुत्तरो त्ति अत्थि निवो। तस्स य जालानामेण भारिया अत्थिगुणकलिया।। १०४९८।। तसे जेठो पुत्तो केसरिसुमिणेण सूइओ जाओ । विन्दुकुमारो नामेण सव्वकलापारसंपत्तो ।। १०४९९ ॥ दुइओ य महापउम चउदससुमिणेहि सूइओ जाओ । सो वि कलापारगओ तारुन्नं मणहरं पत्तो ।। १०५००।। जेठो विसयपिवासा विवज्जिओ रज्जलच्छिविमुहो य । सजिगीसो य कणिट्ठो ठविओ जणएण जुवरज्जे मुई आगंतु महापउमकुमारस्स सेवओ तस्स । संजाओ तेण इमो मंतिपयठाविओ नियए ।। १०५०२ ।।
Jain Education International
For Private & Personal Use Only
३२५
www.jainelibrary.org
Loading... Page Navigation 1 ... 356 357 358 359 360 361 362 363 364 365 366 367 368 369 370 371 372 373 374 375 376 