Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 372

सिरिमुनिसुव्वयजिणिदचरियं जस्सुत्तिमट्ठगहणं सोऊणं गरुयखेयभरियमणा । परतित्थिया वि पइदिणमुवेंति पासे सजलनयणा ।१९०१०।। गज्जरनरिदनयरे सो कोवि न न अस्थि रायपभिइजणो। अणसणठियाण जो तेसिमागओ नेयपासम्मि।१०९११। सिरिसालिभद्दसूरिप्पमुहेहि गरुयरूपसूरीहिं । जस्स समीवे गंतूण कूरियं बहु ससोएहि ॥१०९१२।। मासम्मि य भद्दवए वट्टते तेरसम्मि उववासे । सोहियवसायवरभवणमज्झओ नीहरेऊण ॥१९०१३।। पाययलेहि लीलाए डंडहत्थेहिं अक्खलियगईहिं । कस्स वि अन्नस्स करे अविलग्गंत्तेहिं सयमेव ॥१०९१४।। नरनाहमाणणिज्जो निवनयरनिवासिनेगमगणाण। सव्वेसि पि पहाणो सगिहट्ठिओ सीयओ सेट्ठी।।१०९१५।। जस्स पयपउमदंसणकयाहिलासो समाहिमलहंतो । दक्खिन्नमहोयहिणा परोवयारेक्करसिएण ।।१०९१६।। गंतूण जेण वंदावियुण विहिओ समाहिसंपन्नो । धम्मवए दम्माणं कराविओ वीससहस्साई ॥१०९१७।। गुज्जरदेसम्मि समग्गगामनगराइवासि सड्ढजणो । जस्सुत्तिमट्ठसवणे पाएण समागओ तत्थ ।।१०९१८।। अह सग चालीसदिणाई पालेऊणं समाहिणाणसणं । धम्मज्झाणपरायणचित्तो जो परभवं पत्तो ॥१०९१९।। बहुभूमिगबहुकलसं अणेगसियधयवडेहि रमणिज्ज । वरसिरिखंडविणिम्मियविमाणमारोहिऊण तओ ॥२०॥ नीहारियं सरीरं जस्स बहि सयलमिलियसंघेण । एक्केक्कं गिहरक्खगमणुयं मोत्तूण सेसजणो ॥२०॥१०९२१।। नीसेसो निवनयरस्स निग्गओ जस्स दंसणनिमित्तं । भत्तीए कोउगेण य मग्गेसु अलद्धसंचारो ।।१०९२२।। सव्वपमयाउलेहिं सव्वाउज्जेहिं बंदिविदेहि । सव्वेहि वियंभियसद्दवहिरिए अंबराभोए ॥१०९२३।। पायारपच्छिमट्टालए ठिओ परियणेण सहराया । जयसिंहो पेक्खंतो जस्सिड्ढि नीहरंतस्स ।।१०९२४।। तं अच्छरियं दद्रु नरिंदपुरिसा परोप्परं बेंति । मरणमणिटुं पि हु इट्ठमम्ह एवं विभूईए ॥१०९२५।। रविउदयाओ आरब्भ निग्गयं तं विमाणमवरन्हे । पत्तं सक्कारपए समणुपयं लोयकयपूयं ।।१०९२६।। पूइज्जते जम्मि उ पढ़ेसुयपमुहपवरवत्थाणं । मिलियाई कोडियाणं तया सयाइं अणेगाइं ।।१०९२७।। सिरिखंडविमाणेणं (तणेव) समं सरीरसक्कारो । जस्स कओ लोएणं तह उवरि पुणो वि खित्ताई ॥१०९२८।। कट्ठाइं अगरसिरिखंडसंतियाइं घणो य घणसारो। निव्वाणाए चियाए जणेण गहिया तओ रक्खा ॥१०९२९।। रक्खाए वि अभावे गहिया तट्ठाणमट्टिया तत्तो । ता जाव तत्थ जाया जाणुपमाणावियडखड्डा ।।१०९३० ।। तीसे रक्खाए मट्टियाए अणुभावओ सिरोबाहा । वेलाजरएगंतरजराइरोगा पणस्संता ॥१०९३१।। भत्तिवसेणं न मये मणं पि इह भासियं मुसा किपि । जं पच्चक्खं दिळें तस्स वि लेसो इमो भणिओ ॥१०९३२॥ नियतेयविसेसेणं पुरिसोत्तिमहिययरं जणो जाओ। कोत्थुहमणि व्व तत्तो सूरि सिरिहेमचंदो त्ति ॥१०९३३।। जुगवड्ढमाणपवयणपारगओ वयणसत्तिसंपन्नो । नियनामं व भगवई जीहग्गगया कया जेण ॥१०९३४।। मूलग्गंथविसेसावस्सयलक्खणपमाणपमुहाण । सेसाण वि गंथाणं पढियं जेणद्धलक्खं च ॥१०९३५।। रायामच्चाईण वि महिड्ढियाणं जणाण आयेज्जो । जिणसासणप्पभावणपरायणोपरमकारुणिओ॥१०९३६।। नवजलहरगहिरसरे धम्मुवएसंच दितए जम्मि । जिणभवणाउ बहिम्मि वि ठिओ जणो सुणइ फुडसइं ।।९३७।। वक्खाणलद्धिजुत्ते जम्मि कुणंतम्मि सत्थवखाणं । पाएण जडमईण वि जणाण बोहो समुप्पन्नो ॥१०९३८॥ उवमियभवप्पपंचा वेरग्गकरी कहा कया आसि । वक्खाणियसिद्धणं जा पुव्वं सा कढोरत्ति ।।१०९३९।। वक्खाणिया सहाए पाएण न केणई चिरं कालं । जस्स मुहनिग्गयत्था मुद्धाण वि सा तह कहं चि ॥१०९४०॥ जाया हिययगयत्था अब्भत्थेऊण तेहिं जह एसा । उवरुवरि तिन्नि वरिसे निसुया तस्सेव य मुहाओ ॥१०९४१।।