Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिमुनिसुव्वयजिणिदचरियं
३४१ भाणिज्जतो वि दिणे दिणे वि सो संघसंति य जणस्स । नो देइ दंसणं अन्नया य सयणो मओ तस्स ॥१०९७४।। तो देक्खणयमिसेणं जेण मुणिदेण तत्थ गंतूण । पडिबोहिऊण एवं संघो मोयाविओ सव्वो ।।१०९७५।। तो उज्जयंतसत्तुंजएसु तित्थेसु दोसु वि जिणिंदा। सिरिनेमि उसहनाहे वंदइ संघो विभूईए ॥१०९७६।। तत्थुज्जयंततित्थे पारुत्थयअद्धलक्खमुप्पन्नं । सत्तुंजयम्मि तित्थे तीससहस्सा समुप्पन्ना ।।१०९७७।। जेण पडिबोहिऊणं भवियजणो ठाविओ बहुधम्मे । जिणभणिए सम्मत्ते देसे सव्वे य विरईए ॥१०९७८।। पज्जते तेसि पि हु ठाणंतरसंकमाइया नेया । आराहणा गुरूण व सत्तदिणे अणसणं नवरं ॥१०९७९।। नीहारणाइमहिमा देहस्स तहेव जाव सक्कारो। किंतु सयमेव राया समागओ केत्तियं पि पहं ।।१०९८०।। तेसि सीसो सिरिविजयसिंहसूरीगणायरो जाओ। तहय दुइज्जो सूरी सिरि सिरिचंदो त्ति नामेण ॥१०९८१॥ देसेसु विहरमाणो कमेण धवलक्कयम्मि वरनयरे । संपत्तो तत्थ तओ भरुयच्छय नाम जिणभवणे ॥१०९८२।। उत्तुंगम्मि विसाले रूवगरमणिज्जमंडवसणाहे । सिरिमुणिसुव्वयजिणवरपडिमासमहिट्ठिए रम्मे ।।१०९८३।। सड्ढो अत्थि गुणड्ढो धवलो नामेण पोरुवाडकुले । तेण जिणचंदसूरिप्पमुहो संघो समग्गो वि ।।१०९८४।। मेलेउं विन्नत्तो सिरिमुणिसुव्वयजिणिदचरियस्स । करणत्थं संघेण वि सिरिचंदो पभणिओ सूरी ।।१०९८५।। सो तं संघाएसं पडिवज्जेउं विणिग्गओ तत्तो । आसावल्लिपुरीए आगंतुणं ठिओ गेहे ।।१०९८६।। सिरिमालकुलसमुब्भववरसावयसेट्ठिनागिलसुयाण । अंबहरिभंडसालियसरणयपमुहाण सगुणाण ॥१०९८७।। तत्थ ट्ठिएण सिरिचंदसूरिणा विरइयं इमं चरियं । सिरि मुणिसुव्वयतित्थंकरस्स समयाणुसारेण ।।१०९८८।। जं किंपि इह अजुत्तं उत्तं मइमोहओ मए अत्थि । तं सुयहरा कय किवा मज्झ विसोहेंतु सव्वं पि ॥१०९८९।। पट्टियपोत्थियलिहणे गणिणा कयमेत्थ पासदेवेण । बहुसाहेज्जं उज्जमपरेण वरमइनिहाणेण ॥१०९९०।। अंबहरिसरणयाणं कणिट्ठभाया तहेव जसराओ। साहिज्जकरो उच्छाहगो य जाओ विसेसेण ।।१०९९१।। विक्कमकालाओ गए वाससहस्से सए सतेण उए । तयणंतरदीवूसवदिणम्मि एवं परिसमत्तं ॥१०९९२।। एत्थ य पढमं पुत्थयमभिलिहियं देवरायनामेण । दियवरकेसवतणएण लेहएणं विणीएण ।।१०९९३।। गाहाईणं संखा सहस्स दस होंति नवसयाइं च । चउणउइ समहियाइं नेयाइं एत्थ गंथम्मि ।।९३।१०९९४।। वासे जाविह भारहम्मि विमलं सव्वण्णुणो सासणं,
कुज्जा भव्वजणोहमोहतिमिरुक्केरस्स निन्नासणं ।। तावेयं मुणिसुव्वयस्स चरियं साणुग्गहा साहुणो,
वक्खाणं तु सुणंतु भव्वनिवहा एगग्गचित्तासया ।।९४।।१०९९५।।
श्रीमुणिसुब्वयसामिचरितं समाप्तम् ।। ग्रंथाग्रं.
संवत् ११९८ अश्विन वदि १ गुरौ । अद्येह श्रीमदणहिल्लपाटके समस्तराजावलीसमलंकृतमहाराजाधिराजत्रिभुवनगंडसिद्धचक्रवत्ति श्रीमज्जयसिंहदेवकल्याणविजयराज्ये । तस्मिन् काले प्रवर्त्तमाने श्री श्री चंद्राचार्याणामादेशेन ऊमता ग्रामावस्थो' . . . . . . . . 'श्रीमुनिसुव्रतस्वामिचरितं पुस्तकमलेखि ।।छ।।
Jain Education International
For Private & Personal Use Only
www.jainelibrary.org
Loading... Page Navigation 1 ... 372 373 374 375 376 