Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 360

सिरिमुनिसुव्वयजिणिदचरियं
निग्गच्छइ नयराओ सव्वविभूईए सव्वबलकलिओ । वंदणहेउ सूरिस्स तस्स बहु गुणनिहाणस्स ।। १०५३५ ।। तत्थ गओ नरनाहो ओयरिऊणं करिदखधाओ । सपरियणो तं सूरि पणमइ तिपयाहिणा-पुव्वं ॥ १०५३६।। उवविसइ जोडियकरो उचियपएसम्मि सावहाणमणो । सूरी वि कहइ धम्मं तीसे रायाइ - परिसाए ।। १०५३७।।
भो भव्वा भीमो भवोयही एस पारपरिहीणो । जम्म- जरामरण-पभिइ भूरि दुहवारि - पडहच्छो । । १०५३८ ।। पजलंतकोहवडवानलो य विलसंतमाणगरुसेलो । मायावेगभमंतावत्तमहाभीसणायारो ।। १०५३९ ।। लोहलहरी कराल नाणाविहवाहिजलयररउद्दो । उट्टंतपरोप्परकलह-सद्दजायंतगज्जिरवो ।। १०५४० ।। ता गया तुम्हं थे पि दुहस्स अंतरं नत्थि । घोलिज्जताण इओ तओ य नियकम्मलहरीहिं ॥ १०५४१ ।। चारित्तजाणवत्तं सम्मदंसणगुणेहिं दढबद्धं । नाणवरकन्नधारं संवरकिल्लेण हयछिडुं ।। १०५४२।। विमलतवो-कम्मसमीरसंगसंजणिय - जइणतरवेगं । आरुहह तओ तुम्भे सिग्धं जह लंघिऊणेयं ।। १०५४३।। पाव निव्वाणपुरं लद्धण अनंतसुहधणसमिद्धि । इयरस्स न कस्सइ जत्थ वत्थुणो पत्थणं कुणह ॥ १०५४४ ।।
३२७
धम्मदेसणं तस्स सूरिणो निसुणिऊण संविग्गो । विन्नवइ विणयपणयम्मि मत्थए ठविय नियहत्थो । । १०५४५ ।। पउमुत्तरो नरिंदो सूरि पहु जाव अप्पणी ठाणे । रज्जम्मि विन्हुकुमरं ठवेमि ता इह समागंतुं । । २०५४६ ।। तुम्हास मट्ठेमि जंपए पत्थिवं तओ सूरी। जुत्तं निव ! तुम्ह इमं काउंन खणं पि पडिबंध ।। १०५४७ ।। अह पण मऊण सूरि नरेसरो नियगिहम्मि गंतूण | हक्कारइ मंतियणं समं पहाणेहिं पुरिसेहि ॥ १०५४८ ।। तह विण्डुकुमारेणं तेसि पुरओ तओ पयंपेइ । तुम्हेहि वि तं निसुयं जं सुव्वयसूरिणा कहिये ।। १०५४९ ।। अज्जभवस्स सरूवं एयम्मि तहा महादुहनिहिम्मि । कह जुज्जइ संवसिउं लद्धविवेयाण जीवाण ।। १०५५० ।। ता तु अणुमन्नह मं इन्हि दिक्खगहणवितयम्मि । विण्डुकुमारम्मि जहा आरोवेऊण रज्जभरं ॥ १०५५१ ।। साहेमि नियस भीहियमह ते सव्वे वि विन्नवेति निवं । देवं परलोयहियं कुणमाणं कह निहेमो ।। १०५५२ ।। तो भइ निवो विष्णुं वच्छ तुमं गिन्ह रज्जभरमिन्हि । अह विण्डु वयइ निवं देवस्स न वल्लहो किमहं । । १०५५३ ।। असारे नरफले बहुकिलेसनिलयम्मि । मं निक्खिवह सयं पुण मोक्खफलं कुणह जिणदिक्खं । । ५४ ।। तामवि विसयाणं मुहमहुराणं विवागकडुयाण । अइनिव्विण्णो तुम्हेहि सहवयं गिन्हइस्सामि ।। १०५५५।। विमुचितं अह विन्दुं नरवरो मुणेऊण । हक्कारेऊण महापउमकुमारं समाइसइ ।। १०५५६।। रज्जगहणमि तत्तो एसो विन्नवइ विन्हुकुमरम्मि । आरोवह रज्जभरं तस्स जहा अणुचरो होमि ।। १०५५७।। अह तक रायाविन्दुकुमारो मए समं चेव । गिन्हिस्सइ जिणदिक्खं तेण मए तं सि आइट्ठो ॥ १०५५८। तो महामो जइ एवं तो जमाइसइ देवो । तं चिय मज्झ पमाणं इय भणिए तेण नरनाहो ।। १०५५९ ।। तं रज्जे अहिसिइ सयं तु चारगविमोयणा पुव्वं । दीणाणाहाईणं दावेऊणं च दाणाई ।। १०५६० ।। जिमंदिरेसु पूयं कारावेऊण सव्वसंधं च । सम्माणिऊण तत्तो स विन्दुकुमरो विभूईए ।। १०५६१ ।। अणुमंतोय महापउमनरिंदेण वच्चइ समीवे । सुव्वयसूरिस्स तओ सो विविहाणेण दोन्हं पि ।। १०५६२ ।। सिपिइपुत्ताणं दिक्खं दाऊण देसणं कुणइ । जह परमंगचउक्कं जीवाण इमं भवे दुलहं ॥ १०५६३।। पढमं चिय मणुयत्तं सुधम्मसवणं दुइज्जयं अंगं । तस्सद्दहणं तइयं संजमविरियं चउत्थं तु ।। १०५६४।। इच्चाइदेसणं विरइऊण सूरिम्मि उवरए संते । रायाइ जणो सव्वो सूरि नमिउं सपरिवारं ।। १०५६५ ।। for for ठाणम्मि गओ एवं रायाइ सव्वलोएण । वंदिज्जतो निच्चं कइ वि दिणे तत्थ ठाऊण ।। १०५६६।।