Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 364

सिरिमुनिसुव्वयजिणिदचरियं
एत्तो सुव्वयसूरी नियमुणिवग्गेण सह समग्गेण । गामनगरागराइसु विहरंतो मासकप्पेण ॥१०६५९।। हत्थिणउरम्मि पत्तो समोसढो बाहिरम्मि उज्जाणे । नाऊण महापउमो चक्की तं आगयं तत्थ ।।१०६६०।। अइगरुयविभूईए वच्चइ तव्वंदणत्थ मइहिट्ठो । विणएण वंदिऊणं उवविसइ जहोचिए ठाणे ।।१०६६१।। सूरी वि कहइ धम्मं तीसे रायाइयाए परिसाए । जह कह वि महामिच्छत्तमोहिया बद्धघणकम्मा ।।१०६६२।। चउगइगहणम्मि भवे भमंति जह लद्धविमलसम्मत्ता। चरिऊण चारुचरणं कम्म खविऊण सिझंति।।१०६६३।। सोऊण सूरिवयणं एयं गिण्हंति के वि पव्वज्ज । केइ वि हु देसविरई केइ वि संमत्तमेत्तं तु ।।१०६६४।। नमुई पुण सो मंती सूरि दळूण सपरिवारं पि। उज्जेणीए जायं नियवृत्तंतं सुमरिऊण ॥१०६६५ ।। कोवेणं पज्जलिओ मणम्मि छिड्डाइं मग्गए तेसि । निच्चं पि न लहइ परं तो कइवय दियहपज्जते ।।१०६६६।। पत्तो वासारत्तो सूरी तत्थेव कुणइ चउमासं । नमुई वि महापउमस्स चक्किणो सन्निहाणम्मि ।।१०६६७।। सिंहबलदुट्ठसामंतगहणतुळेण तेण जो दिनो। आसि पुरा तं मग्गइ वरं तया गुरुपयत्तेण ॥१०६६८।। चक्की वि तं पयंपइ जं कि पि समीहियं तुह इयाणि । तं मग्गसु नीसंको अह नमुई चक्किणं भणइ ।।१०६६९।। जह देव करिस्समहं विहिणा वेओइएण जन्नविहिं । तो जाव सो समप्पइ ताव नियं देहि मे रज्ज ।।१०६७०।। दाऊण चक्कवट्टी तं तस्स सयं तु चिट्ठए गंतुं । अंतेउरस्स मज्झे अहासुहं पालियपइन्नो ॥१०६७१।। अह तं रज्जनिविट्ठ नमुइं नाऊण सेसपासंडा। वद्धावणयंति कुणंति दसणं तेण सह गंतुं ।।१०६७२।। सुव्वयसूरी एक्को समागओ नेव सपरिवारो वि । नमुइनिवस्स समीवे तं चिय तो दूसणं तेसि ।।१०६७३।। अब्भाविऊण एए हक्कारावेइ नमुइनरनाहो । जं पइ जह तुब्भे महदेसं छड्डेह सिग्धं पि ॥१०६७४।। अटुव्वा तुब्भे समग्गजणसम्मयं पि ववहारं । जं लोइयं समुचियं लंघह निल्लज्जसेहरया ॥१०६७५।। तुम्हं आयारो सयलनीइसत्थेसु एस पडिसिद्धो । तेसु वि जम्हा एवं कहिज्जए ठाणठाणम्मि ।।१०६७५६॥ जइ वि हु निउणो जोई पासइ सयलं पि महीयलं छिड्डं। लोइयमायारं तह वि नेव लंघेज्ज मणसा वि।।१०६७७।। उक्तं च-- यद्यपि निपुणो योगी छिद्रां पश्यति मेदिनीम् । तथापि लौकिकाचारं मनसाऽपि न लंघयेत् ।।१०६७८।। न य दंसणिणं अन्नेसि पासओ कि पि सुंदरा तुब्भे । सव्वेहिं वि तेहिं अहं अहिणवसंपत्तरज्जसिरी ॥१०६७९।। आगंतुणं वद्धाविओ म्हि तुब्भेउ दप्पिया थद्धा। लोयववहारबज्झा समागया नेय मह पासे ।।१०६८०।। तो आह तं मुणिदो अम्हं नरनाह नत्थि थेवो वि । दप्पस्स लवो चित्ते निरहंकाराण साहण ॥१०६८१।। किन्तु परं परिचत्तो पुत्तकलत्ताइसंगमो जेहिं । ताण न कप्पइ एवं तेणम्हे आगया नेह ।।१०६८२।। उक्तं च भवदागमे-- तिथि पर्वोत्सवाः सर्वे त्यक्ता येन महात्मना । अतिथि तं विजानीयाच्छेषमभ्यागतं विदुः १०६८३।। लोयववहारबाहा वि का वि अम्हेहि न विहिया इन्हि । रायविरुद्धाईयं जम्हा नासेवियं किंचि ।।१०६८४।। जं तए भणियमिणं देसं अम्हाण मुयह सिग्छ पि । तं पि हु दूरमजुत्तं सत्थेसु जओ भणियमेवं ॥१०६८५।। व्रतिनो जंगम तीर्थं सदाचारपरायणाः । न सन्ति येषु देशेषु कुतस्तेषां पवित्रता ॥१०६८६।। यमुपार्जयन्ति धर्म कायक्लेशं विधाय मुनयोऽमी। साधयति तमवलेशेन नरपतिः पालनात्तेषाम् ।।१०६८७।। किं च अणारियजणपरिभविज्जमाणाण इह तवस्सीणं । सब्वेसि पि सरणं संजायइ पत्थिवो चेव ।।१०६८८।।