Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 368

सिरिमुनिसुव्वयजिणिदचरियं
विष्णुं भणेइ महापउमनरिदस्स समणसंघेण । खमियं ता तुममिन्हि उवसम साहरय कयरूवं ।। १०७८१।। मा चालेह सचलणं तवतेयपभावओ जओ सयलं । संचलइ पुहइवलयं पविसइ व रसायलं घोरं ।। १०७८२ ।। चिट्ठ पुरद्विओ तुह चलणभासम्मि एस सयलो वि । भो ! विन्दु समणसंघो अभिक्खणं एरिसं वयणं । १०७८३ । साहूहि भणिज्जंतं जाहे निसुणे नेय विन्हमणी । ताहे पयंपियं महयरेहि एवं सुयहरेहिं ।। १०७८४ ।। न सुइ सहं नूणं दुवालसन्हं पि जोयणाण ठियं । परओ कत्थइ गयणंतरम्मि सोइंदियमिमस्स ।। १०७८५ ।। सुइविसयमइक्कतं उक्कोसविउव्वणा सयसहस्सं । जं जोयणाण जायइ तेत्तियदूरं गओ तम्हा ।। १०७८६।। स्ववियम्मि वट्टइ तो अप्फालेह पायमेयस्स । इय कीरते एसो अवलोइस्सर धुवं हेट्ठा १०७८७ ।। दण समणसंघ कुणमाणं पज्जुवासणं तत्तो । उवसममुवागमिस्स विन्दुकुमारो मुणी एसो ।। १०७८८ ।। जमगसमगं पि तत्तो चलणो अप्फालिओ मुणिजणेहिं । तो तेण विन्हमुणिणा फासिदियलद्धसन्नेण ।। १०७८९।। अवलोइयमवणिलं ोि एएण तो महापउमो । नरनाहो सो रोहो सपरियणो सरणमावतो ।। १०७९०।। संघस्स भगवओ तह कयंजलिउडा य साहुणो दिट्ठा | वाहरमाणा एवं उवसम विन्हू उवसम ति ।। १०७९१ ।। तो चितियमिणं मुणिणो नवणीयमिव मिउसहावा । चंदणमिव सीयलया तेण महापउमनरव इणो । १०७९२ ॥ सपरियणस्स वि पीडं परिहरमाणेहिं खमिय मे एहिं । नीसंसयमेव तओ न जुज्जए मज्झ वइकमिउं ।। १०७९३॥ सिरिसंघं भयवंतं इय चितेउं तहा सुराणं च । वयणेहिं पुव्वं चिय मउई कयमाणसो विन्हू ।। १०७९४ ।। तं वेउब्वियरूवं उवसंहरिऊण नियसरूवेण । साहाविएण सारयससि व्व सुहदंसणो होउं ।। १०७९५।। पुहईए ओ तत्तो सखेrरा देवदाणवा तस्स । विन्हुस्स महामुणिणो पणया पाएसु पीईए ।। १०७९६।। काऊणं कुसुमाणं दसद्धवन्नाण सुरहिगंधाण । वासं गंधुदयस्स य ठाणेसु गया नियनिसु ।। १०७९७।। अह विन्दुकुमारेण राया निब्भच्छिओ महापउमो । अरिहसि न रज्जलच्छि विसयसुहे मुच्छिओ सि तुमं ॥ अह झत्ति महापउमो महीवई लज्जिओ स-चरिएण | विन्दुचलणेसु खिविडं नियसीसं खामए एयं ।। १०७९९।। अन्ने वि साहू हि विन्हुमणी वारिओ खरंटेंतो । चक्कहरमहापउमं जह इमिणा खामिओ संघो ।। १०८०० ।। चिट्ठ नियदुच्चरियं सुबहु पुव्वं पिता पुणो वि तुमं । मा लज्जावह एयं तो निवपट्ठीए नियहत्थं ।। १०८०१ ।। देंतेण विन्हुमुणिणा भणियं संघेण भगवया खमिए । खमियं चिय अम्हेहिं किंतु पुणो मा इय करिज्जा ।। १०८०२ ।
भणि कमो विन्दुकुमारे ठियम्मि अणगारे । आइसइ महापउमो राया कुविओ नियमणुस्से ।। १०८०३ ।। पावाण वि पावयरं अगिज्झ - नामं अदंसणिज्ज मुहं । नमुइं बाहिं नेउं सुदुक्खमारेण मारेह ।। १०८०४ ।। करुणा - रसिएहि तओ साहूहिं निवारिओ महापउमो । मा मारावेह इमं नमुई जीवंतयं मुयह ।। १०८०५ ।। निव्विसओ काऊणं रन्ना निव्वासिओ तओ एसो । विन्दुकुमारो वि मुणी पायच्छित्तं गुरु समीवे ॥। १०८०६ ।। अनुचरिऊण विसुद्ध निविऊणं समग्गमवि कम्मं । एएणेव भवेणं पाविस्सइ अक्खयं सोक्खं ।। १०८०७।। जं आसित पुट्ठे नरवरभूकंपकारणं इन्हि । तं एयं तुह कहियं इय जिणवयणं सुणेऊण ।। १०८०८।। परसा विम्यरसपरव्वसा झत्ति । पणया य विन्हुमुणिणो सिरग्गसंघडियकरजुयला । १०८०९। कइवयदिणपज्जंते भरुयच्छाओ पुराओ नीहरिउं । बहिया जणवयमज्झे विहरइ मुणिसुव्वयजिणिदो । १०८१०। इय विहरिऊण सुइरं बहुयं पडिबोहिऊण भवियजणं । अट्टमा सहस्सा वासाणं सव्वपरियायं ।। १०८११ ।। तं चिय एक्कारसहिं मासेहिं विरहियं सपक्खेहिं । केवलिणो परियायं अणुपालेऊण कि चूणं ।। १०८१२ ।। नियआउयपज्जंतं नाऊणं नियडमागयं तत्तो । सम्मेयसेलसमुहो चलिओ तेलोक्कनयचलणो ।।१०८१३।।
३३५