Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 361

३२८
विण्हुकुमारमुनिकहा निवइं अणुनवेउं बहिया अन्नत्थ वच्चइ विहारे । अहिणवमुणिणो उ दुहा सिक्खं गहिऊण गुरुपासे ।।१०५६७।। विहियाणुढाणपरा विणयरया आगमं अहिज्जंता। विहरंति गुरूहि समं गामाइसु परमसंविग्गा ॥१०५६८।। पन्नाए उज्जमेण य जाओ थेवेहिं चेव दियहेहि । गीयत्थो पउमुत्तरमुणी पवड्ढंतसुहभावो ॥१०५६९॥ सुक्कज्झाणारूढो कमेण चउरो वि घाइकम्माइं । खविऊणं उप्पाडइ लोयालोयप्पयासयरं ।।१०५७०।। सव्वेसु वि दव्वेसुं खेत्ते सव्वम्मि सव्वकालेसु । सव्वेसु वि भावेसुं अप्पडिहयमपरिवडियं च ॥१०५७१।। विमलमणंतं नाणं तहा महापउममेइणीवइणो । आउहसालाए चक्करयणमुप्पन्नमइपवरं ॥१०५७२।। तं पूइऊण विहिणा तेणेव य दंसिएण मग्गेण । गंतूण सयलभरहं साहेउं कुणइ अप्पवसं ।।१०५७३।। तो एइ हत्थिणउरे पउमुत्तररायवारियाण पुरा । जिणरहबंभरहाणं मज्झाओ जिणरहं एसो ।।१०५७४।। भामेइ तम्मि नयरे सयलम्मि तओ महाविभूईए । जणणी मणोरहेणं सह वुड्ढि नेइ जिणधम्मं ॥१०५७५।। तत्तो बहुओ वि जणो तं पडिवज्जइ जिणिंदवरधम्मं । चक्की वि कारइ महिं सव्वं जिणभवणरमणिज्जं । पउमुत्तरो वि साहू कालं केवइयमेव पालेउं । केवलिणो परियायं भवोवगाहीणि कम्माइं ॥१०५७७॥ चत्तारि वि जुगवं चिय खविऊणेगेण चेव समएण । सिवमयलमरूवमणंतमक्खयं वच्चए ठाणं ।।१०५७८।। विण्हुकुमारो उ मुणी नाऊण असासयं बलं जीयं । अणुजाणावेइ गुरुं उग्गतवो कम्मकरणत्थं ।।१०५७९।। सुव्वयगुरुणा वि इमो होही आराहगो त्ति नाऊण । अणुन्नाओ कुणइ तवं अंगा मंदरनगे गंतुं ॥१०५८०।। जे के वि तवविसेसा विणिम्मिया तेण विन्हुणा तइया । तेसि मज्झाओ कइवयाण नामाइं वोच्छामि ।।१०५८१।। कणगावलि रयणावलि मुत्तावलि सीह कीलियं दुविहं । भद्दा य महाभद्दा पडिमा भदृ त्तरा तह य ॥१०५८२।। नेओ आयंबिलवडढमाणनामो तहा तवविसेसो । गणरयणसहपुव्वो संवच्छरनामधज्जो य ।।१०५८३॥ बारसभिक्खुप्पडिमा इंदियविजओ कसायमहणो य । तह अट्ठकम्मसूडण पमुहा नेया तवविसेसा ॥१०५८४।। कणगावलिनामस्स उ तवो विसेसस्स भन्नइ सरुवं । काऊण चउत्थतवं पारिज्जइ तयणुछद्रुतवं ॥१०५८५॥ तत्तो य अट्ठमतवं एवं एगा य होइ काहलिया । छट्ठाइं अट्ठतत्तो एएहि होइ दाडिमगं ॥१०५८६॥ दाडिमगस्स उ हेट्ठा पढमलया होइ सा य एवं तु । कीरइ चउत्थछटै अट्ठमयं दसमबारसमं ।।१०५८७।। एवं एगेगदिणस्स ताव वुड्ढी इमम्मि नेयव्वा । सोलसउववासा जाव होंति अंते निरंतरिया ।।१०५८८।। एसा लया इमीए हेट्ठापयगं इमम्मि जायंति । छठ्ठाइं चउत्तीसं तओ दुइज्जा लया होइ ।।१०५८९।। एसा पढमलयाए विवरीया सोलसाइ हायंता । एगेगेणुववासा नेया जावेग उववासो॥१०५९०।। एईए उवरि तवो अट्ठहिं छठेहि होइ दाडिमगं । दाडिमगस्स उ उरि काहलिया सा पुणो एवं ॥१०५९१।। कायव्वमट्ठमं तयणु छट्ठमंते तवं चउत्थं तु। एवं दो काहलिया दो दाडिमगाइं दोन्नि लया ॥१०५९२।। मज्झम्मि पयगमेगं एवं कणगावली इमा होइ । एईए तवसंखा पत्तेयं भन्नए इन्हि ।।१०५९३।। चत्तारि चउत्थाई चउपन्नं होति तह य छाइं । चत्तारि अट्टमाइं दो दसमे दो दुवालसमे ।।१०५९४।। दो चउदसमे दो दो सोलसमाईणि होति नेयाइं । जाव चउतीसमाइं पज्जते होंति दोन्नेव ।।१०५९५॥ तवदियह सव्वसंखा तिन्नि सयाई दिणाण चुलसीई। अट्टासीई पारणगदिणाइं उभयम्मि मिलियम्मि।।१०५९६।। एगं च होइ वासं तिन्नि उ मासादिणाई बावीसं । कणगावली य एसा चउहा पारणगभेएण ।।१०५९७।। पढमाए पारणगं संजायइ सव्वविगइसंजुत्तं । बीयाए निविगइयं तइयाए अलेवदव्वजुयं ।।१०५९८।।