Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 357

३२४
विण्हुकुमारमुनिकहा एयं पि विसयसोक्खं रागाविठ्ठत्तणेण तह चेव । देइ दुहमिहेव भवे भवंतरेसु य निरवसाणं ।।१०४३८।। जं च तए इय भणियं समग्गपासंडिदूसिओ एसो । जिणधम्मो त्ति इमं पि हु अच्चतमसंगयं चेव ॥१०४३९।। जम्हा पासंडीणं सयलाण वि पाणरक्खणाईओ। धम्मो सुसम्मओ च्चिय एत्थ न कस्स वि विसंवाओ।।१०४४०।। उक्तं च-पञ्चैतानि पवित्राणि सर्वेषां धर्मचारिणाम् । अहिंसा सत्यमस्तेयं त्यागो मैथुनवर्जनम् ॥१०४४१।। जं पि य जंपियमेवं तए विसिठेहिं एस परिचत्तो । एयं पि सव्वहा वि य अरन्नरुन्नं व तुह विहलं ।।१०४४२।। जं जीवदयामइओ धम्मो तेसि पि अभिमओ चेव । सा जीवदया सम्मं जिणधम्मे चेव नन्नत्थ ॥१०४४३।। जीवाणं परमत्थो सम्म एत्थेव नज्जए जम्हा । ता एसो च्चिय तेसिं अईवइट्ठो विसिट्ठाणं ।।१०४४४।। उक्तं च--श्रूयतां धर्मसर्वस्वं श्रुत्वा चैवावधार्यताम् । आत्मनः प्रतिकूलानि परेषां न समाचरेत् ।।१०४४५।। जं च सविहवं चइऊणिच्चाइ पयंपियं तए तं तु । नो होइ दूसणं चिय जम्हा सयलाण वि जईण ।।१०४४६।। लच्छीचा भक्खाभमणं उभयं पि सम्मयं चेव । भणियं च तेहिं लच्छी मूलमणत्थाण सव्वाण ||१०४४७।। जं लच्छिजुओ पुरिसो गव्वुद्धरकंधरो गुरुजणं पि । पासट्ठियं न पासइ न बेइ न सुणेइ परवयणं ।।१०४४८।। भणियं च--सुइवाइदिट्ठिहरणे नराण लच्छीए को विसंवाओ । जन्न जणइ गरलसहोयरा वि मरणं तमच्छरियं निद्दक्खिन्ना य इमा वच्चइ चिरपरिचियं पि चइऊण । रक्खिज्जंती विखणं पि चिट्ठए नेय निल्लज्जा।।१०४५० ।। लच्छीसंगोवणगुत्तमाणसो माणुसो न कस्स वि य । विस्संभइ पुत्तस्स वि सव्वत्थ अणिव्वुओ भमइ ॥१०४५१।। भिक्खापरिभमणं पि हु विमुक्कसंगाण संगयं चेव । ठाणे ठाणम्मि पसंसियं इमं तुम्ह वि मयम्मि ।।१०४५२।। तथा चोक्त्तम्-अवधूतां च पूतां च मूर्खाद्यैः परिनिन्दिताम् । चरेन्माधुकरीवृत्ति सर्वपापप्रणाशनीम्।।१०४५३।। एकान्नं नैव भुञ्जीत बृहस्पतिसमादपि । चरेन्माधुकरीमेव वृत्ति म्लेच्छकुलादपि ॥१०४५४।। मलिणत्तदूसणं पि हु तुमए उत्तं अजुत्तमेवेयं । धम्माणुट्ठाणपरायणाण तं भूसणं जम्हा ॥१०४५५।। तथोक्तम्-स्नानं मददर्पकरं कामाङ्गं प्रथमं स्मृतम् । तस्मात् कामं परित्यज्य न स्नान्तीह दमे रताः।१०४५६। अह पभणसि सुरसरिपभिइयासु सरियासु मज्जणं भणियं। पावपमज्जणमेयं पि दूसियं कस्सई वयणं।।१०४५७।। यत उक्तम्--आत्मा नदी संयमतोयपूर्णा, सत्यावहा शीलतटा दयोमिः।
____ तत्राभिषेकं कुरु राजपुत्र! , न वारिणा शुद्धयति चान्तरात्मा ।।१०४५८।। तुम्ह मए वि निसिद्धं असुइत्तं बंभचेरजुत्ताण । एएणं वयणेणं सयासुई बंभयारि त्ति ।।१०४५९।। सिरतुंडमुंडणं पिहु विरूवकारि त्ति जं तए हसियं। तं बालविलसियं पिव थेवं पि हु खमइ न वियारं ॥१०४५०।। जं न्हाणविरहियाणं जईण सीसम्मि लंबकेसम्मि । जूयाओ होंति तओ कंडूयणओ विणस्संति ।।१०४६१। जइ वि सहिज्जइ जूया परीसहो कीरए न कंडुयणं । जग्गंतेहिं तहा वि हु निद्दावसगाण तं होइ ।।१०४६२। एवं च होइ न कया जीवदया किंच केसधरणेण । होइ विभूसा जम्हा चउहा भणिओ अलंकारो।।१०४६३।। केसाण अलंकारो पढमो बीओ य वत्थलंकारो । मल्लाणं सो तइओ आहरणाणं चउत्थो य ।।१०४६४।। सा य विहूसा जुत्ता न होइ परिचत्तकामभोगाण । स विहूसम्मि मणुस्से कामित्तं संकए लोओ।।१०४६५।। उक्तं च-निःस्पृहो नाधिकारी स्यान्नाकामी मण्डनप्रियः । नाविदग्धः प्रियं ब्रूयात् स्फुटवक्ता न वञ्चकः। ६६ । जं पुरिसतियं तुम्हाण अभिमयं पूयमरिहइ न तं तु । रागाइदोससंगित्तणेण इयरो जहा पुरिसो॥१०४६७।। रागो य अंगणासंगमेण दोसो उ पहरणगहेण । मोहो उ अक्खमालाढालणओ नज्जए तस्स ॥१०४६८।। अग्गिहुणणं पि पाणाइवायहेउत्तणेण कीरंतं । न हु होइ धम्मजणगं तम्हा एयं न करणिज्जं ॥१०४६९।।