Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
३२२
आसावबोहतित्थवण्णर्ण
अप्पा जहुत्तराणं कल्लाणपरंपराणमेएण। विहिओ भायणमहणा विमोइओ दुक्खलक्खाण ।।१०३७६।। एयस्स चेव पडिबोहणत्थमहमागओ इह पुरम्मि । नरवर! तुरयसरुवं जमासि पुढें तए तमिमं ।।१०३७७।। एस पएसो होही नीसेसाणं पि भवियलोयाणं । आसावबोहतित्थत्तणेण भुवणम्मि विक्खाओ॥१०३७८।। इह सवालयाविहारा नामण भविस्सए जिणाययणं । आगामियम्मि काले सुदंसणाविहियसन्निज्झं ॥१०३७९।। इय क (हि) यम्मि भगवया सदेवमणुयासुराए परिसाए । धन्नो त्ति कयत्थो त्ति य सलाहिओ सो बहुं आसो । अवलोइओय विम्हयपरव्वसाए सिणिद्धदिट्ठीए। रन्ना भणियं भयवं! एसोच्चिय सुकयमालाहि ॥१०३८१॥ आलिागआ समग्गाहि सपय ज सयं समागंतु । एयस्सुवरि पसाओ सामि! तए एत्तिओ विहिओ ॥१०३८२।। इय भणिऊणं रन्ना इन्हि साइम्मिओ ममेसो त्ति । चितेउं तुरयाओ तत्तो पल्लाणकवियाई ।।१०३८३।। ऊसारावेऊणं नियावराहे खमाविऊणं च । पुग्विल्ले सव्वे वि हु बंधणआरोहणाईए ।।१०३८४।। सेच्छाए वियरंतो मुक्को घोसावियं च नयरम्मि। जह एस देसविरओ तुरओ अच्चित्तभोई य ।।१०३८५।। ता पडिसेहेयव्वो न एस केणावि सगिहमणपत्तो। ढोएयव्वं पूरओ एयस्स विसेसओ चेव ॥१०३८६।। फासुयजलतणपमुहं तस्स तओ नयरवासिसव्वजणो। तुरयस्स आसि भत्तो पुव्वं पि जिणिंदवयणाओ।।१०३८७।। नरवइणो आणाए सविसेसं चेव तं तहा कुणइ । सो वि तुरंगो तन्हाछुहाभिभूओ जया हवइ।।१०३८८।। आहारकए तइया पविसइ भवणेसु नायरजणस्स' । सो वि जणो तस्स नियं ढोयइ पुरओ जलतणाई ।।१०३८९।। एवं जियसत्तुनिवस्स संतिओ सो तुरंगमो गमइ । नियजम्मं जिणधम्म सम्म पालंतओ तत्थ ।।१०३९०॥ अन्नम्मि दिणे तत्थट्ठियस्स मुणिसुव्वयस्स जयपहुणो । मेइणिकंपो जाओ भीओ रायाइओ लोओ।।१०३९१॥ तो तइयपहरअंते संजाए चरमजामसमयम्मि । धम्म वागरमाणे जिणेसरो राइणा पुट्ठो ।।१०३९२।। नियपासायठियाणं तइए जामम्मि अज्ज अम्हाणं । दोलाइया वसुमई कम्हा जयनाह! साहेसु ॥१०३९३।। तो आह भुवणनाहो एगग्गमणो नरिंद! निसुणेसु । पुहईकंपस्स मए कारणमक्खायमाणं ति ।।१०३९४।। विण्हुकुमारमुनिकहा-- अणुओगमणुन्नविउं सूरिपए सुव्वओ नियविणेओ। ठविऊणं नयराओ रायगिहाओ मए जइया ।१०३९५ ।। बाहि विसज्जिओ भवियलोयपडिबोहणत्थमेस तया । विहरंतो संपत्तो कमेण उज्जेणिनयरीए ।।१०३९६।। नाऊण भवियलोओ तमागयं तत्थ वंदणनिमित्तं । नयरीए नीहरंतो नियनिय' विदेण हिट्ठमणो ॥१०३९७।। दिट्ठो उज्जेणिपुरीपहुणा सिरिवम्मनामनरवइणा । तो तेण नमुइमंती पुट्ठो पासट्ठिओ एवं ।।१०३९८।। कत्थ इमो जाइ जणो अकालजत्ताए निग्गओ एत्तो । तो आह नमइमंती देव! मए वाहियालीए ।।१०३९९।। बाहिं गएण निसुयं गोसग्गे जणमुहाओ एरिसयं । जह के वि इमे समणा समागया एत्थ चिट्ठति ।१०४००।। ताहे रन्ना भणियं जामो तेसिं समीवमम्हे वि। तो भणइ नमइमंती कि तत्थ पओयणं तुम्ह ।।१०४०१॥ जइ धम्मसवणकज्ज तुम्हाण अह पि त कहिस्सामि । वएस जहा भणिय सुसम्मय सव्वलायाण ॥१०४०२।। तो जंपइ नरनाहो अत्थि इमं मंति! कहसि मे धम्म। वेयभणियं तुमं पि ह कितु परं ते वि वरसमणा।।१०४०३।। दट्टे जोग्गा अम्हाण संति तह केरिसं पवेति । ते नियधम्म एवं अम्हेहि वियाणियव्वं ति ॥१०४०४।। तो आह नमुइमंती जइ एवं तो पयाउ तेसि पि । पासे देवो कि पुण देवेण गएण तत्थ सयं ।।१०४०५।। होयव्वं मज्झत्थेण जंपियव्वं न कि पि सुहमसुहं । पव्वइयगं तहा तं धम्मवियारम्मि पुच्छेउं ॥१०४०६॥ काउं निरुत्तरं तुम्ह अग्गओ पायडेमि तन्नाणं । तो मंतिवयणमेयं पडिवज्जेऊण नरनाहो ।।१०४०७।। १. निय निय ठाणाओ हिट्ठ० पा. ।
Jain Education International
For Private & Personal Use Only
www.jainelibrary.org
Loading... Page Navigation 1 ... 353 354 355 356 357 358 359 360 361 362 363 364 365 366 367 368 369 370 371 372 373 374 375 376 