Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
कत्तियसेट्ठिकहा
इच्चाइधम्मकिच्चे तेण विणिम्मावियम्मि सव्वम्मि । मुणिसुव्वओ वि अरहा समोसढो तत्थ आगंतुं । १०३१०। नाऊण जिणागमणं कत्तियसेट्ठी पमोयपडहच्छो । निग्गच्छइ नयराओ निययाए सव्वइड्ढीए || १०३११।। गंतूण समोसरणे पविसेउं पंचविहअभिगमेण । तिपयाहिणीकडं नमिऊण जिणं सपरिवारं ।। १०३१२ ।। उचिट्ठानिवि धम्मुवएसं तओ निसामेउं । नेगमसहस्ससहिओ पडिबुद्धो गिन्ह दिक्खं ।। १०३१३ ।। सिरिमुणिसुव्वयपहृणो पासे किरियं जईण सिक्खेउं । थेराण अंतिए पढइ आगमं परमविणण ।। १०३१४ ।। कवइवयदिणपज्जंते हत्थिणउरनयरओ तिजयनाहो । बहिया जणवयमज्झे विहरइ भविए विबोहंतो ।। १०३१५ । अह गंगदत्तसाहू पढिउं एक्कारसेव अंगाई । मासं विहियाणसणी समाहिसहिओ मरेऊण ।। १०३१६।। सुक्कम्मि देवलोए जाओ देवो महिड्डिसंपन्न । कत्तियसाहू सह जिणवरेण देसेसु विहरतो ।। १०३१७ ।। अंगाई समग्गाई वि अहिज्जिऊणं वियाणियतयत्थो । संजाओ गीयत्थो अह बारसवासपरियाओ ।। १०३१८।।
३२०
विहितवोकम्मो संलिहियप्पा तओ कयाणसणो । कालं काऊण समाहिसंजुओ पढमकप्पम्मि ।। १०३१९।। कप्पाहिवई जाओ बत्तीसविमाणसय सहस्स पहू । दो सागरोवमाऊ कुलिसकरो तियसगणपणओ ।। १०३२० ।। जेण परिवायगेणं निवई भणिऊण कत्तिओ सेट्ठी । भत्तपरिवेसणं कारिओ बला अप्पणो पुव्वि ।। १०३२१ ।। आवज्जियाभिओगियकम्मो मरिऊण सो समुप्पन्नो | अभिओगियदेवेसुं तस्सेव य वाहणत्ताए ।। १०३२२ ।। लीलाए विलसंतो इंदनिओगियसुरेहिं सो भणिओ । भो एरावण ! पवरं करिणो रूवं विउब्वेहि ।।१०३२३ ।। जह आरुहइ सुरिंदो ताहे नाऊण सो विभंगेण । नाणेण देवरायं तं कत्तियसेट्टिणो जीवं ।। १०३२४ ।। न विउव्वइ करिरूवं हढेण भणिओ तओ विउव्वेइ । दो कुंजररूवाई तओ सुरिदो वियाणेउं ।। १०३२५ ।। रावणमनभावं सयं पि काऊण दोन्नि रुवाई | दोसु वि कुंजररूवेसु तेसु आरुहइ सिग्धं पि ।। १०३२६।। एवं जावइयाई कुंजररूवाई सो विउव्वेइ । सक्को वि तेत्तियाई नियरूवाई विउब्वे ।। १०३२७।। आरोहइ सव्वेसु वि तेसु तओ तस्स अइसयप्पसरं । दट्ठूण किंचि रुट्ठो ताडइ वज्जेण तं सीसे ।।१०३२८ ।। तग्घायवेयणाए भीओ पच्छा समुज्झियवियारो । साहावियख्वेणं ठिओ परिन्नायपरमत्थो ।। १०३२९ ।। भयवंपिं विहरमाणो कमेण पत्तो पुरम्मि भरुयच्छे । रेवानइतीरठिए तस्स य नयरस्स बाहिम्मि ।। १०३३०।। पुव्वुत्तरदिसिभाए सुरेहिं निम्माविए समोसरणे । मज्झम्मि तत्थ ठविए मणिमयसीहासणे रुइरे ।। १०३३१ ।। उवविट्ठो भुवणगुरू धम्मं वागरइ महरवाणीए । सुरनरतिरियाणं जुगवमेव मोहं हरंतीए || १०३३२।। एत्यंतर म्म पत्तो राया जाणियजिणेसरागमणो । तत्थ जियसत्तुनामो सव्वाए नियविभूईए ||१०३३३ ।। सो उचियविहाणेणं नमिऊण जिणेसरं पुरो तस्स । उवविसइ जोडियकरो उवउत्तो सुणइ तव्वयणं ।। १०३३४।। अह जेट्ठो गणहारी मल्लीनामेण अवसरं लहिउं । आपुच्छइ तित्थयरं जह भयवं इह समोसरणे ।। १०३३५ ।। सुरनरतिरियगणाणं अणेगक्रोडीसएहिं पडिपु । सम्मत्तमब्भुवगयं किं परिमाणेहिं जीवेहिं ।। १०३३६।। संसारमहाजलहीसंखित्तो केहि अत्तणो विहिओ । केहि व भायणमप्पा जहुत्तराणं सुहाण कओ ।। १०३३७।। तो आह भुवनाहो तहाविहेणं अउव्वजीवेण । नो केणइ एगं चिय मोत्तुं जियसत्तुनिवतुरयं ।। १०३३८।। तो जियसत्तू राया जंपर जह भुवणनाह! अच्छरियं । पुच्छेयव्वं चिट्ठइ तुम्ह समीवे मए एयं ।। १०३३९ आसरयणे विलग्गो नीहरिऊणं अहं नियगिहाओ । एतो महिड्ढिकलियं दट्ठूण पुरो समोसरणं ।। १०३४० ।। ओरुहिउं तुरयाओ पयचारेणं पयट्टओ एत्थ । आगंतुं जाव तओ सयलजणानंदसंजणणि ॥ १०३४१ ।। महुरं फुडक्खरत्थं सजलमहामे हगज्जिररवसरिसं । निसुणतो तुम्ह गिरं सो अम्ह तुरंगमो झत्ति ।। १०३४२।।
Jain Education International
For Private & Personal Use Only
www.jainelibrary.org
Loading... Page Navigation 1 ... 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 