Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 354

सिरिमुनिसुव्वयजिणिदचरियं
३२१
आणंदपूरियमणो जाओ ऊसवियरोमकूवतणू । धाराहयं व कुसुमं कयंबविडविस्स वासासु ।।१०३४३।। पहरिसपगलंतजलप्पवाहनयणो निमीलियच्छिजओ। निक्कंपकन्नजुयलो कंचि वि कालं ठिओ तुरओ।।१०३४४॥ तत्तो धम्मायन्नणदिण्णुवओगो समागओ सणियं । समवसरणस्स तोरणसमीवदेसम्मि तत्थ तओ॥१०३४५।। अणुहवमाणो कंचि वि नवविम्हयरसविसेसमणुसमयं । गंभीरेण महुरस्सरेण हेसारवं काउं ॥१०३४६।। अग्गिमजंघाजुयलं निवेसिऊणं वसुधरावोढे। तह सह सिरोहराए धरिऊण सिरं महियलद्धे ॥१०३४७।। तत्तो कयप्पणामो तहट्ठिओ चेव एस अच्छेउ । आढत्तो साहंतो व्व भावं मन्नग्गयं निययं ॥१०३४८।। तं तारिसस्सरूवं ताहे अम्हे पलोइउं महया । कोऊहलेण पूरियहियया इह आगया झ त्ति ॥१०३४९॥ तुम्ह पयज्यलपासे साहउ भयवं तओकिमयं? ति । तो भगवया पभणियं सोम! समायन्नसु सचित्तो॥१०३५०।। सागरदत्तसेटि कहाएत्थेव भरहवासे पोमिणिसंडं ति अत्थि वरनयरं। तत्थ जिणधम्मनामो सड्ढो परिवसइ विहवड्ढो।।१०३५१।। तस्स य मित्तो सागरदत्तो नामेण तस्स नयरस्स । सव्वस्स पहाणयरो सविहवजियवेसमणसामी ॥१०३५२।। सरलो परोवयारी दीणाणाहाइवच्छलो निच्चं । जिणधम्मसावएणं सह जाइ जिणालए एसो ।।१०३५३।। तत्थ समुवागए साहुणो य भत्तीए पज्जुवासेइ । धम्मं आयन्नइ अन्नया य निसुणइ इमं गाहं ।।१०३५४।। जो कारवेइ पडिमं जिणाण जियरागदोसमोहाण । सो पावइ अन्नभवे भवमहणं धम्मवररयणं ।।१०३५५।। एयं गाहं सवणंतरालसंपत्तमेत्तमेवेसो । नियहियए संठावइ गिन्हइ परमत्थबुद्धीए ॥१०३५६।। अक्खेवेण तओ सो कारइ कंचणमयं जिणप्पडिमं । निव्वत्तेइ पइट्ठावणं च तीसे विभूईए ।।१०३५७।। तेण य बाहिं नयरस्स तस्स पूव्वं पि कारियं अत्थि । रुडाययणं एगं तत्थ पवित्तारुहणदियहे॥१०३५८।। पव्वइएहि पुव्वं पि संचिया घयघडा मढाहितो। कड्ढेउं आढत्ता पूरणकज्जेण लिंगस्स ॥१०३५९।। तेसु य घडेसु घयसंतिएसु चिट्ठति हेटुओ लग्गा । पिंडीभूया उद्देहिया बहू ताओ तेहितो ।।१०३६०।। निवडंति मेइणितले तत्तो पडियाओ ताओ मग्गम्मि। चंपंति संचरंता ते पव्वइया सपाएहि ।।१०३६१। निहणं नेति य तत्तो सागरदत्तो दयारसियचित्तो । वत्थंचलेण मग्गाओ दूरमोसारिउं नेइ ॥१०३६२।। तो एगो जडहारी तं तह उद्देहियाओ रक्खंतं । पेक्खेऊणं रोसारुणाणणो करणघाएहि ॥१०३६३॥ उद्देहियाण पुंजं एगं दलिऊण जपए एवं । इन्हि सेयवडो इव दयावरो तं सि संवुत्तो ॥१०३६४।। ताहे सो वाणियगो सागरदत्तो विलक्खओ जाओ। परमायरियस्स मुहाभिमुहं पेक्खेउमाढत्तो ।।१०३६५।। तेण वि तं तव्वयणं सुणमाणेण वि न कि पि सो भणिओ । एमेव अवन्नाए गमिऊणं संठिओ मोणं ॥१०३६६।। सागरदत्तेण तओ विचितियं नत्थि नूणमेएसि । जीवदयापरिणामो न सोहणं धम्मऽणुट्ठाणं ॥१०३६७॥ तप्पभिइ तस्स तेसि पव्वइयाणुवरि सव्वहाभत्ती । उत्तिन्ना किंतु परं चिरपरिचयजायदक्खिन्नो ॥१०३६८।। एमेवुवरोहेणं दाणपणामाइयम्मि ववहारे । तेसिं पइट्ठइ इमो सागरदत्तो पवरवणिओ ॥१०३५९।। सम्मत्तमपत्तो वि हु पयईए दाणसीलयाकलिओ। अइगरुयारंभपरिग्गहेसु सययं पसत्तमणो ।।१०३७०॥ नियघरसारपवित्थरसुहिसयणकलत्तपुत्तमित्तेसु । पडिबद्धमाणसो अइसएण मुच्छापरवसप्पा ॥१०३७१॥ कइया वच्चइ सत्थो कि भंडं कत्थ केत्तिया भूमी। को कयविक्कयकालो निव्विसई किं कहि केण ॥१०३७२।। इच्चाइअसुहअज्झवसायपरो आउयक्खए मरिउं । तुरयत्तेणुववन्नो तुह वाहणमेस संजाओ ॥१०३७३।। तुमए सहागओ इह सोऊणं धम्मदेसणं मज्झ । एयस्स मोहगंठी गलिओ सम्मत्तमुप्पन्नं ।।१०३७४।। पच्चक्खाणं थूलगपाणवहाईण विहियमेएण । जावज्जीवं पि सचित्तवत्थुनियमो तहा गहिओ ॥१०३७५।।