Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 352

'३१६
सिरिमुनिसुव्वजिणिदचरिय ता इह लोगनिमित्तं हारइ विबुहो न को वि परलोयं । किंतु मए निवभावं मणोगयं अमुणिऊण तओ।१०२७७। सयमेव उच्छहेउं आएसो पत्थिओ नरिंदाओ । ता नियवयणविरोहो इन्हि पि न काउमुचिओ मे ॥१०२७८।। संपाडिज्जउ संपइ ता एयं जंपियं नरिदस्स। पच्छा वि जमुचियं मे इह अट्ठ तं करिस्सामि ।।१०२७९।। इय चितिऊण पभणइ सेट्ठी जह देव ! एत्थ विसम्मि । जावज्जीवं पिं मए अभिग्गहो चिट्ठए गहिओ।१०२८०। जह जिणसासणबज्झाण इयरतित्थीण पणमणाईओ। विणओ न को वि कज्जो सो भज्जइ संपयं मज्झ।१०२८१। परिवायगस्स परिवेसणेण परमेत्थ देवआएसो। मज्झ अविलंघणिज्जो करणिज्जो चेव सो तम्हा ।।१०२८२।। तो आह तं नरिदो चिट्ठामि अहं पि एरिसं अट्ठ । सेट्टि ! सयं पि मुणतो जं किर तुह दुक्करं एयं ।।१०२८३।। किंतु परं धम्मत्थित्तणेण काऊण तुज्झ आसंघ । पडिवन्नो कह वि असग्गहो वि एसो मए तस्स ।।१०२८४।। पायच्छित्तमिहट्रे तुम करिज्जासि कि पि ता उचियं । तो सेट्ठिणा पभणियं जं देवो आणवेइ त्ति ।।१०२८५।। सेट्ठि अणुन्नवेउं अह तत्तो उट्ठिऊण जियसत्तू । नरनाहो नियभवणे संपत्तो तत्थ समयम्मि ।।१०२८६।। जाए भोयणहेउं हक्कारेऊण तम्मि नीयम्मि । परिवायगम्मि पच्छा रायाएसेण सेट्ठी वि ।।१०२८७।। तत्थ गओ परिवेसइ भत्तं परिवायगस्स सो उ पुणो । तज्जेइ अंगुलीए अभिक्खणं सेट्ठिमइहिट्ठो ।।१०२८८।। किर एस तस्स भावो चित्ते परिवायगस्स जह पुव्वं । आसि तुमं अइथड्ढो समुहं पि न मे पलोयंतो ।।१०२८९।। इन्हि पुण परिवेससि तुमं सि ता लट्ठओ मए दमिओ। सेट्ठी वि तस्स भावं इमं मुणंतो वि नो बेइ ।।१०२९०।। चितइ इमं सचित्ते कि चोज्जं जमिहगिद्धचित्ताण । भोगेसु विवागसुदारुणेसु जीवाण मूढाण ।।१०२९१।। गेहम्मि वसंताणं एवंविहपरिभवो समुभवइ । सम्मत्तमइलणाए जणओ माणसियदुहहेऊ ।।१०२९२।। ता धिद्धी गिहवासे संवसणं लद्धवरविवेयाण । सो चेव गंगदत्तो पसंसणिज्जो परं भुवणे ॥१०२९३।। जो चइऊण कलत्तं पुत्तं मित्तं समग्गघरसारं । तइया सिरिमुणिसुव्वयसामिसमीवम्मि पव्वइओ ।।१०२९४।। जइ एवमहं पि तया कह वि कुणतो तओ न एयस्स । एवंविहस्स परपरिभवस्स इह भायणं होतो ।।१०२९५।। इय चितंतो भुंजाविऊण परिवायगं तयं तत्तो । निग्गंतूण गओ जियसत्तुनरिदस्स पासम्मि ।।१०२९६।। पव्वज्जागहणत्थं अणुजाणावइ इमं तओ राया । कत्तियसेट्टि पभणइ पवज्ज वज्जिऊणेक्कं ।।१०२९७।। अन्नं विन्नवसु तुम जं कि पि मणस्स तुज्झ पडिहाइ । भुवणम्मि विज्जमाणं तु दुलहं पि तहा तयं झत्ति ।।१०२९८।। संपाडेमि अहं तुह विन्नवइ पुणो वि तं निवं सेट्ठी । पव्वज्ज मोत्तूणं पडिहाइ न कि पि मह अन्नं ॥१०२९९।। तो भणइ तं नरिंदो मए वि पडिसेहिया इमा पढमं । आह निवं पुण सेट्ठी नियपडिवन्नं पि कह देवो ।।१०३०० नो संपाडइ इन्हि पडिसेहइ जाव इय पयत्तेण । तो आह निवो सेट्टि कि पडिवन्नं मए कहसू ।।१०३०१।। तो विनवेइ सेट्टी गएण मह मंदिरम्मि देवेण । परिवायगपरिवेसणविसए देंतेण आएसं ।।१०३०२।। पायच्छित्तनिसेवणमणुनायं मज्झ नियमुहेणेव । तो आह निवो सेट्टि चर पायच्छित्तमिच्छाए ॥१०३०३।। तत्थ न पडिसेहमहं थेवं पि करेमि तुज्झ वरसेट्टि ! । अह सेट्ठी आह निवं इमस्स मे नियमभंगस्स ।।१०३०४।। पव्वज्जा चेव भवे पायच्छित्तं न कि पि अन्नयरं । तो राया निब्बंधं नाऊण इमं विसज्जेइ ।।१०३०५।। अह रन्नाणुनाओ कत्तियसेट्ठी समुट्ठिउं तत्तो । हिट्ठमणो नमिऊणं निवइं नियमंदिरे वयइ ।।१०३०६।। आपुच्छइ सकुडुबं तयणुन्नाओ तओ कुबम्मि । ठावेइ जेट्टपुत्तं कारइ जिणमंदिरेसु तओ ॥१०३०७।। सव्वेसु पवरपूयं दीणाणाहाइयाण दाणाइं । दावेइ जहिच्छाए पभावणं कुणइ जिणधम्मे ।।१०३०८।। सम्माणइ सुहिसयणं आहारेणं चउविहेणावि । वत्थेहि य पडिलाभइ भत्तिजुओ सयलसंघ पि ।।१०३०९।।
,