Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 336

सिरिमुनिसुव्वजिणिदचरियं
३०३ समुदाओ जो सो गोलओ त्ति तत्थट्ठिया निगोयम्मि । समकालमणताऊ ससंति तह नीससंति समं ।।९७५४।। समगं आहारेति य परिणामेति य तहेव ते समगं । समगं उप्पज्जति य समगं चिय तह विवज्जति ।९७५५।। थीणद्धि महानिद्दानाणावरणाइतिव्वउदएण। वेयंति न अप्पाणं न मुणंति परं पि तह चेव ।९७५६।। निसुणंति नेय सई नेव य पेच्छंति कि पि ते रूवं । अग्घायंति न गंधं न रसं विदंति न य फासं ॥९७५७।। न सरंति कयं अकयं नो मइपुव्वं चलंति फंदति । न य अणुसरंति सीयं नायवदेसं च गच्छंति ।।९७५८।। तिव्वविसवेयणाघारियस्स घणमज्जपाणमत्तस्स । आगयमुच्छस्स व माणवस्स धारेति चेयन्नं ।।९७५९।। तेसु जहुत्तं कालं वसिउं भवियव्वयानिओगेण । तत्तो निग्गंतूणं केत्तियमेत्ता वि ते जीवा ।।९७६०।। साहारणाण मज्झे ववहारवणस्सईण जायंति । अल्लयसूरणगज्जरपिंडालुयकंदमाईसु ॥९७६१।। छिज्जति तत्थ नाणाविहेहि सत्थेहि तिक्खधारेहिं । चुन्निज्जति सिलासु य पीसिज्जति य घरट्टेसु ॥९७६२।। मीसिज्जति य दव्वंतरेहि कडुएहि तिक्खखारेहिं । पच्चंति हुयवहेहि य उज्झंति दवग्गिणा तह य ।।९७६३।। रसगिद्धेहिं भुज्जति ते तओ कि पि खवियकम्मंसा । पुढवीकाएसु समुन्भवंति तो आउकाएसु ॥९७६४॥ तो अगणिकाइएसुं तत्तो वि य वाउकाइयजिएसु । तत्तो पत्तेयवणस्सइत्तणं कह वि पावेति ।।९७६५।। एत्थ य पुढवीसु गया ते फोडिज्जति मोग्गराईहिं । भित्तीसु वि णिज्जंति य कोद्दालेहिं खणिज्जति ॥९७६६।। चलणाईहिं मलिज्जति सीयवायायवाइसत्येहिं । उवहम्मति जलेसु य गोमणुयाईहिं पिज्जति ।।९७६७।। ताविज्जति य जलणे घोलिज्जति य पयंडपवणेण । सोसिज्जति य मायंडचंडकिरणाइसत्थेहिं ॥९७६८।। उवहम्मति य तह खारखत्ततिक्खाइसत्थनिवहेहिं । अगणीसु समुप्पन्ना ते खोरिज्जंति कठेहिं ।।९७६९।। खोट्टिज्जति उलुम्मुगमाईहिं तह य विज्झविज्जति । सलिलारनालधूलीपमुहेहि विविहसत्थेहि ।।९७७०।। अन्नपडिपुन्नथालीबंधप्पभिईहिं अक्कमिज्जति । अनिलेसु समुब्भूया उसिणानिलवीयणाईहिं ।।९७७१॥ निहणं निज्जति तओं पत्तेयवणस्सइत्तणं पत्ता । छिज्जति परसुमाईहिं आयवेणं च सुस्संति ।।९७७२।। गिह छायणतोरणमाइएसु कज्जेसु केहिं वि नरेहिं । मोडिज्जति अ संधीसु कुंजराईहिं भज्जति ।।९७७३।। खंडिज्जंति य मुसलुक्खलाइणा मुग्गजुन्नलाईया । पीसिज्जंति घरट्टाइणा मलिज्जति चलणेहिं ।।९७७४।। उल्लूरिज्जति य ओसहाइकज्जम्मि वेज्जमाईहिं । उम्मूलिज्जति तहा पयंडपवणाइणा के वि ॥९७७५।। गो-महिसतुरयकरिकरहरासहाईहिं के वि खज्जति । डझंति दवग्गीहिं दूमिज्जंति य हिमाईहिं ॥९७७६६।। पुढवाइएसु एवं संसरिऊणं पुणो पुणो दुहिया। कालमसंखोसप्पिणि उस्सप्पिणिपरिमीयं जीवा ।।९७७७।। तत्तो उव्वट्टित्ता बिति चउरिदियसरूवविगलेसु । उववज्जति तत्थ वि जुत्ताजुत्तं न जाणंति ॥९७७८॥ सुन्नं एमेव इओ तओ भमंति य रसंति अव्वत्तं । असुईमाईसु लोलंति लुढंति नीउन्नएसुं च ।९७७९।। चेट्ठति अमइपुव्वं जलंतजलणाइएसु पविसंति । मज्जति तेल्लमाइसु हियं पि तह परिहरंति नियं ।।९७८०।। अहियं पि आयरंती सीयायववायखारचुन्नेहिं । सलिलग्गिसिलोवललेढुकट्ठमाईहिं हम्मति ।।९७८१।। एवं एएसु खुहाइदुक्खिया चिट्ठिऊण संखेज्जं । कालं तयणु असन्निसु पणिदिएसुं पि एमेव ।।९७८२।। अट्ठभवग्गहणाई वसिऊण निरंतराइं उक्कोसं । एगिदियाइसु पुणो भमिऊणं पुव्वनाएण ।।९७८३॥ तत्तो पंचिदियसन्नितिरियजोणीसु ते समुप्पन्ना। विधेउं नासाए बझंति य रज्जुलज्जूहि ।।९७८४।। पावंति वसणपुच्छाइछेयणं फालणं च सवणाण । वाहिज्जति हलेसु य संजोइज्जति गंतीसु ॥९७८५।। पट्ठीए खिप्पंति य जलभरियाई महातडागाइं । पट्ठीए खंधेण य अन्नं पि वहंति गुरुभारं ।।९७८६।।