Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिमुनिसुव्वयसामिदेसणा रन्नो अवरोहेणं सह इयराहिं वि बहि नारीहिं । एसो अगारिधम्मो पडिवनो विमलसम्मत्तो ।।९९८५।। केहिं वि पुण मणुएहिं नारीनिवहेहि केवलं चेव । सम्मत्तं संपत्तं मुणिसुव्वयसामिपासम्मि ।।९९८६।। एवं चउविहसंघो संजाओ भगवओ समोसरणे । पढमम्मि एत्थ संखा साहूणं सोलससयाइं ।।९९८७।। तिन्नेव साहुणीणं सहसा सत्तेव सावयाणं तु । एक्कारस सहसाइं जायाइं सावियाणं च ॥९९८८।। देवेहि य देवीहिं य बहूहि सम्मत्तरयणमणुपत्तं । सम्मत्तं चिय केहि वि तिरिएहिं देसविरई वि ।।९९८९॥ भवियजणप्पडिबोहं एवं पइदियहमायरंतस्स । मुणिसुव्वयस्स पहुणो तत्थागंतूण सम्मिलियं ।।९९९०।। तं रायसुयसहस्सं पढमदिणे जेण भगवया सद्धि । गहिया दिक्खा तेण वि भुज्जो मुणिसुव्वयसमीवे ।।९९९१।। तत्तो रायगिहाओ सिरिमुणिसव्वयजिणेसरो बाहिं । विहरइ सुरकयकंचणकमलेसु कमे निवेसंतो ।।९९९२।। आगासतलगएणं मणिमयसीहासणेण दिब्वेण । तह चेव चामराहिं खीरोयहिलहरिसरिसाहिं ।।९९९३।। छणमयलंछणमंडलसमाणछाएण छत्ततियगेण । गयणपहगामिणा तह रयणमहिंदज्झएणं च ।।९९९४।। पुरओ वच्चंतेणं रयणामयपवरधम्मचक्केण । देहाणुमग्गलग्गेण विमलभामंडलेणं च ॥९९९५।। सीसगणसंपरिवुडो तियसगणाणं चउव्विहाणं पि। कोडीहिं अणेगाहिं थुव्वंतअणंतगुणनिवहो ।।९९९६।। गामाणुगाममेवं विहरंतो भवियकमलसंडाण । उप्पायंतो पडिबोहमागओ हत्थिणागपुरे ॥९९९७।। सहसंबवणुज्जाणे अणेयवरपायवोहसोहंते । फासुयभूमिपएसे. आगंतूणं समोसरिओ ॥९९९८।। चउविहदेवनिकाएण तत्थ पुवोववन्नियसरुवं । समवसरणं विणिम्मियमुप्पायंतं जणाणं दं ।।९९९९।। तत्थ भयवं निसन्नो सदेवमणुयासुराए परिसाए । पुरओ कहेइ धम्म जोयणनीहारिसद्देण ॥१००००।। अह तत्थ हत्थिणउरे वत्थव्वो गंगदत्तनामेण । अत्थि धणड्ढो सड्ढो सामी सत्तन्ह कोडीणं ॥१०००१।। धणधन्नदुपयचउपयरहवाहणजाणवित्थरसमेओ। नाऊण जिणागमणं पमोयपूरिज्जमाणमणो ॥१०००२।। न्हाओ कयबलिकम्मो नियत्थमंगलसुद्धवरवत्थो । अप्पमहग्यालंकारभूसियंगो रहारूढो ॥१०००३।। इय गरुयविभूईए अणेगनरवग्गुरापरिक्खित्तो। चलिओ नियभवणाओ वंदणहेउं जिणिदस्स ।।१०००४।। सहसंबवणे पत्तो ओयरिउं रहवराओ भगवंतं । तिपयाहिणिकरेउं पणमइ महिनिहियपंचंगो ।।१०००५।। सेसं पि साहुवग्गं जहक्कम वंदिऊण सव्वं पि। उवविसइ उचियदेसे जोडियहत्थो सुणइ धम्मं ।।१०००६।। भयवं पि पभूयपरिग्गहासवदारसंभवं दुक्खं । इहपरभवियं जह होइ वित्थरेणं तहा कहइ ।।१०००७।। इह संसारे चउगइदारे जीवाणं संसरंताण । जं कि पि होइ दुक्खं तं सव्वं असुहकम्मे हिं ।।१०००८।। ताई च पुणो कम्माइं जंतुणो संचिणंति अणवरयं । कोहाईहिं कसाएहिं चउहि घत्थारउद्देहिं ।।१०००९। तेसि पि कसायाणं मज्झे सुहडो व्व उभडो लोभो । जस्स वसा थेवं पिहु लहंति न दुहंतरं जीवा।।१००१०॥ जंलोभगया जीवा बहुविहवोवज्जणे कयपसंगा। सो नत्थि पयारो को वि एत्थ भवणम्मि सयले वि ।।१००११।। अप्पाणं जेण इमे गम्यकिलेसेसु नेय पाडेति । खंधेण मत्थएण य वहति अदुव्वहं भारं ।।१००१२।। तह लेहहारया होंति के वि ते संतयं पहे चेव । चिट्ठति वहंता न वि गणंति सीउन्हजलवायं ।। १००१३।। सेवंति के वि सामि करितुरयरहाइवाहणगयस्स । तस्स पुरओ ठिया ते तुरियं पहावंति ।।१००१४।। सासाऊरियहियया संता तंता अजायनिव्वेया । तयणुन्नाया सगिहे गंतुण पडंति सिक्कडए ।।१००१५।। वीसमणत्थं जा किर चिट्ठिस्संति य खणंतरं तत्थ । ता तेसि तक्खणे च्चिय पहुसंतियमेड आहवणं ।।१००१६।। केण वि तुच्छेण पओयणेण तो झत्ति ते समुट्ठउं। तत्तो छुहिया तिसिया ससंभमा जति तप्पासे ।। १००१७॥
Jain Education International
For Private & Personal Use Only
www.jainelibrary.org
Loading... Page Navigation 1 ... 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 