Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 344

सिरिमुनिसुन्वयजिणिदचरियं
३११
तोतं नमिउं सविणयमेवं जपंति जोडियकरग्गा । पसिऊण सामि ! आइसह कि पि जं साहिमो इन्हि ।।१००१८।। अह तेण समाइट्ठा लद्धनिहाण व्व ते पहिट्ठमणा । तुरियं तत्थ पयट्टति अगणियासेसदेहदुहा ।।१००१९।। अगणियकिच्चाकिच्चा जहा समाइट्ठकज्जकरणाओ । अम्हे च्चिय जइ पहुणो कहंचि अइवल्लहा होमो।१००२० । इय चितिऊण हियए मित्तस्स वि दोहमायरंति इमे । घायंति बंधवं पि हु मुसंति सयणं पि सोयरयं ।।१००२१।। लोयाउ लहंति तओ हणहणकारं अकित्तिमयसं च । अवयरियं जस्स तओ तेणऽहवा तस्स सयणेण ।।१००२२।। आगंतं ते हम्मति बहविहं पावियंति वा बाहं । जइ वि हणणंमि बाहा तेसि न हवंति दिव्ववसा ॥१००२३॥ तह वि नियसामिणो वि हु जणाववायाभिसंकियमणस्स । होंति अदट्ठव्वमुहा सकज्जसिद्धीए सुहियस्स।१००२४। खेडयखग्गकरग्गा केइ वि करकलियबाणकोयंडा । नाणाविहआउहवग्गपाणिणो कवयसरीरा ॥१००२५।। निवडतनिसियसरसेल्लकुंतेसु घोरसमरेसु । नियजीवियनिरवेक्खा पविसंति विवक्खजयकंखी ॥१००२६।। वजियम्मि परबले जह गस्यपसायं पहू कुणइ अम्ह। इय धणगिद्धा मुद्धा के वि विणस्संति तत्थेव ।।१००२७॥ के विधणपिवासाए केण वि बलवंतएण सह रन्ना। पविसंति अन्नदेसे धणवइगिहल्हसिकरणत्थं ॥१००२८।। ते तत्थ गया तत्तो परोप्परं दविणगहणलोभेण । कोवुभडा भिडंता झड त्ति जमपाहुणे जंति ।।१००२९।। के वि कुणंति वणिज्ज कड्ढेऊणं कलंतरेणत्थं । एक्काए वि निययाए कवड्डियाए असंतीए ॥१००३०।। मूलस्स वि होइ तओ हाणी केसि पि कम्मदोसेण । आजम्मं पि तओ ते रिणदासा होंति अन्नेसि ।।१००३१।। कीलंति केइ जूएण विहवसमुवज्जणुज्जया पुरिसा। मलिल्लम्मि वि गंट्ठिम्मि हारिए छोहियातो ते ॥१००३२।। उडुति दुगुणतिगुणं हारियअत्थस्स वालण निमित्तं । तह वि न जिणंति एए हारंति य अहिग अहिगयरं ।१००३३। दव्वं दाउमसक्का अह ते सहियस्स जावजीवं पि । जायंति दासपेसा कयत्थिया वा विणस्संति ॥१००३४।। करकलियकप्पसत्था अत्थकए के वि दुत्थिया संता । खोणीयलं खणंता भमंति न लहंति किं पि ।।१००३५।। केइ पुण धाउवाइयमिलिया धाउं धर्मति कणयकए । तह वि न वंछियसिद्धी छारो च्चिय केवलो होइ ।।१००३६।। पविसंति पवणेहिं के वि रउद्दे महासमुढे वि । ते भग्गजाणवत्ता तत्थेव तओ विवज्जति ।।१००३७।। एगे खणंति खत्तं बंदं गिन्हंति वट्ट पाडंति । पडिकुंचियाए दारं उग्घाडे मुसंति परं ॥१००३८।। के वि परप्पाणाण वि चुक्कंति वयंति बहुअलीयाई । इय लोभहया पुरिसा किमकिच्चं जं न कुब्बति ।।१००३९ अत्थस्सेव निमित्तं केइ वि सिक्खंति विविहसिप्पाई । सिक्खावयाण हत्थे पाए य मलंति रयणिदिणं ११००४०। अब्भस्संति कलाओ लेहाईयाओ के वि विविहाओ । आउज्जमणेगविहं नटुं गेयं च बहुभेयं ।।१००४१।। जुज्झाई बाहुजुज्झाइयाइं तह नाडयाइं विविहाइं । वंसग्गवरत्तारोहणाइ कोऊहलाई च ॥१००४२।। तह चउसट्ठीमहिलागुणे य सिक्खंति वेसविलयाओ । मणमोहुप्पायगरे पुरिसाण वियक्खणाणं पि॥१००४३।। केसि पि कह वि अत्थो जइ होइ तहा वि किविणयाए इमे । धम्मे वयंति न कवड्डियं पि न य नियसरीरे वि।। सयमेव अत्थक्खणपरायणा दुहियमणा । सव्वत्थ अवीसत्था पुत्ते मित्ते कलत्ते य ।।१००४५।। लब्भधणं मग्गंता रिणियजणा ओसहति न खणं पि । एक्ककवड्डीए कए कलहं कुव्वंति अइगरुयं ।।१००४६ ।। के वि परिग्गहवित्थरमेलणओ कह वि नेय विरमंति । जं जं कि पि पलोयंति सुंदरं तं पि गिन्हति ।।१००४७।। करिकरहतुरयवेसररासहगोमहिसछगलमिदाई । सुणह वराह कुरंगमचित्तयवयवग्घमाईयं ।।१००४८।। कुक्कुडसुयसारियमोरपुरिसइत्थीपभूयपरिवारं । सिबिया संदणापवहणसयणाम्रणभवणपभिईयं ॥१००४९।।