Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 341

सिरिमुनिसुव्वयसामिदेसणा
आणा ईसरियजुओ वेसमणसमाणविहवसंपन्नो । रायाइमाणणिज्जो परिवणिज्जो न कस्स वि य ।। ९९१९ ।। तत्थ सुहं अणुहविडं सुइरं अणुरूवमत्तविहवस्स । दिक्खं गहिऊण तओ सिज्झइ पुव्वत्तनाएण ।। ९९२० ।।
सिरिमुनिसुव्वय जिणनाहेण पयासियम्मि वित्थरओ । सयले भवस्सरूवे तह सिवसुह साहणोवाए । । ९९२१ ।। विहडतनिबिडतरकम्मनिगडबंधो नरेसरंगरुहो । सहस त्ति मल्लिनामो समुट्ठिओ दिक्खगहणत्थं । । ९९२२॥ तीसे सदेवमयासुराए परिसाए मज्झयाराओ । उट्टंतबहलपुलओ सिरग्गसंठ वियकरकमलो ।। ९९२३॥ ars जिणं जह भयवं ! जहेव तुम्भेहि एयमक्खायं । संसारस्स सरूवं तहेव तं अन्ना नेय ।। ९९२४ ॥ ता रक्ख रक्ख पहु ! मं इमाओ अइतिक्खदुक्खनिलयाओ । संसारसमुद्दाओ कसायजलयर उद्दाओ ।। ९९२५ ।। दाऊण सहत्थेणं दिक्खं संसारजल हिवोहित्थं । वन्नियसरूवमिन्हि नियवयणेणेव तुम्हेहि ।।९९२६ ।। तो मुणिसुव्वयसामी देइ सहत्थेण तस्स जिणदिक्खं । तस्सऽणुमग्गेण तओ हरिवंसकुलाइसंभूया ।। ९९२७।। अन्ने वि पभूया रायनंदणा सेट्ठिसत्थवाहसुया । दिक्खत्थमुट्ठिया दिक्खिया य सयमरहया ते वि ।। ९९२८ । निवधूयापुप्फवई पमुहाओ विमलकुलपसूयाओ । गिन्हंति तओ दिक्खं नारीओ सामिपासम्मि ।। ९९२९।। मल्ली उ पुग्वभवबद्धगणहरत्तो जिणाउ सोऊण | उपाय इयत्तय मुल्लसियविसुद्ध विहो । । ९९३०।। बारससाइसयाई अंतमुहत्तेण रयइ कालेण I आयाराईगंगाई दिट्टिवायावसाणाई ॥ ९९३१ ।। रइयम्मि आगमे अह भयवं सुणिसुव्वओ समुट्टेइ । अणुओगाणुन्नाए दाणत्थं मल्लिणो तस्स ।। ९९३२।। तो सोहम्माहिवई पवराणं सुरभिगंधवासाणं । पडिपुत्रं रयणमयं थाल गहिऊण पासम्मि ।। ९९३३ ।। तित्थंकरस्स ठायइ तो भयवं तिन्नि वासमुट्ठीओ । गहिऊण सयं मल्लिस्स साहुणो खिवइ सीसम्मि ।। ९९३४ । । सव्वेहिं दव्वेहिं सव्वेहि पज्जवेहिं य नएहिं । अणुनायं अणुनायं तित्थं तुह एयमम्हेहि ।। ९९३५ ।। एवं पभासमाणो वाराओ तिन्नि निययवयणेण । इंदाइया य देवा खिवंति वासे सिरे तस्स ॥९९३६॥ अह तस्स गणहरपए ठवियस्स मुणीसरस्स मल्लिस्स । नवदिक्खियं समप्पइ सव्वं मुणिसाहुणीवग्गं ।। ९९३७ ।। अह सुव्वओ नरिंदो सिरग्गसंघडियपाणिकमलजुओ। सिरिमुणिसुव्वयनाहं विन्नवइ जहा अहं सामि ! ।। ९९३८।। अज्ज वि इमम्मि समए असमत्यो सव्वविरइगहणम्मि । ता गिहवासस्सुचियं धम्मं पहु ! मज्झ आइसह । । ९९३९। । तो आह जिणवरदो जे जइधम्मस्स अक्खमा हुति । तेसि गित्यधम्मो दुइज्जओ जुज्जए काउं ।। ९९४०॥ तत्थ पढमं अगारी तिविहं तिविहेण चयइ मिच्छत्तं । सम्मत्तं पडिवज्जइ जह अज्जप्पभिइ नो मज्झ ।। ९९४१ ।। कप्पड़ परतित्थीणं परतित्थियदेवयाण तह चेव । परतित्थियगहियाणं तित्थंकरनाहपडिमाणं ।। ९९४२ ।। वंदणनमंसणाई काउं तह तेहि पुव्वमालावे । अकयम्मि तेहि सद्धि आलावाई विन करेमि ।। ९९४३॥ न य तेसि असणं वा पाणं वा खाइमं व साइमगं । दाउ अणुप्पयाडं व कप्पए मज्झ एताहे । । ९९४४।। एत्थ य वियाणिव्वा अइयारा पंच न उण कायव्वा । संका कंखविगिछापरतित्थियसंथवपसंसा ।। ९९४५ ।। आरंभाओ संकप्पओ य दुविहो य होइ पाणवहो । तत्थारंभकयाओ थूलगपाणाइवायाओ ।। ९९४६ । न कुणइ पच्चखाणं संकप्पकयाओ विरमए तत्तो । एत्थ वि पंचइयारे वियाणिऊणं परिहरेज्जा ।। ९९४७ ।। बंधवहं छविछेयं अइभारं भत्तपाणवोच्छेयं । कोहाइदूसियमणो गोमणुयाईण नो कुज्जा ।।९९४८।। कन्ना गो भूमालिय नासवहारं च कूडसक्खेज्जं । पंचविहं पि अलीयं थूलं एवं परिहरेज्जा ।। ९९४९ ॥ सहसा अब्भक्खाणं रहस्सा य सदारमंतभेयं च । मोसोवएसयं कूडलेहकरणं इह न कुज्जा ॥९९५०।। भूलमदत्तादाणं सच्चित्ताचित्तवत्थविसयं पि । पच्चक्खाइ गित्यो तत्थ इयारे चयइ एए ।। ९९५१ ।।
. ३०८