Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 339

सिरिमुनिसुव्वयसामिदेसणा
जिणधम्ममूलमेए लहंति सम्मत्तमुत्तमसुहाण। सवेसि अविगलकारणं भवे दुक्खनिलए वि ॥९८५३॥ गंठिपएसाओ तओ नियत्तिऊणं पुणो वि बताई। कम्माइं अइघणाई चिट्ठति भवट्ठिया जेहि ।।९८५४॥ पुरओ वि एवमेव य अभव्वजीवा सया करिस्संति । जम्हा तेहिं कया वि न छुट्टेयव्वं भवदुहाओ ।।९७५५।। भव्वा केवि तहाविहभव्वत्तविवागओ अपुव्वेण । करणेणं वज्जेण व गिरि व भिदंति तं गंठि ।।९८५६।। तयणु अणियट्टिकरणं विसुद्धमंतो मुत्तमणुहविउं। मोक्खवरकप्पपायवमूलं पावंति सम्मत्तं ।।९८५७।। जणयभणंतसुहोहस्स नासणं सव्वदुहसमूहस्स । उत्तमरयणनिहाणं व रोरपुरिसा सुकयपुन्ना ।।९८५८।। जो रागदोसमोहेहि वज्जिओ सो रिहं ममं देवो । पंचमहव्वयवारा मुणिणो गुरुणो खमाहारा ।।८९५९।। सव्वण्ण्णा पणीओ सिद्धंतो सव्वहा मह पमाणं । जो एस सुहो भावो तं सम्मत्तं जिणा बेति ॥८९६० ।। जह अइमहग्धमुल्लाण को वि रयणाण कोडिमवि लद्ध । जूयपमत्तो हारइ महाए तो दुक्खिओ होइ ।।९८६१।। तह केइ विसयगिद्धा लद्धं पि जिया वमंति सम्मत्तं । तत्तो मिच्छत्तमहातमंधयारम्मि निवडंति ॥९८६२।। तेण पणट्ठविवेया न मुणंति अवत्थुवत्थुपविभायं । मन्नंति अदेवं पि हु मूढा देवत्तबुद्धीए ॥९८६३।। अगुरुं पि मुणंति गुरुं धम्मसहावं गणेति पावं पि । तेण धणबद्धकम्मा भमंति भज्जो भवमणंतं ॥९८६४।। तो जाणिऊण एवं भो भव्वा! चयह झत्ति मिच्छत्तं । पडिवज्जह सम्मत्तं तं पडिवन्नामि मा कुणह ।।९८६५।। विसयसुहे पडिवधं पढममुहे च्चिय मणं पि सुहजणए । पच्छा कडुयविवागे अणंतभवदुक्खदाइम्मि ।।९८६६।। मा मुज्झह जाणता सम्म चितेह वत्थुपरमत्थं । मणुयाण कामभोगा अच्चतमसारया एए ॥९८६७।। जम्हा सोणियसुक्काण संगमे इत्थिगब्भमज्झम्मि । मुत्तपुरीसाईपूरियम्मि असुइम्मि निरयसमे ।।९८६८।। उप्पज्जइ मणुयतणू सोणियचम्मट्ठिमंसपडिपुन्ना । अंतो मुत्तपुरीसाइसंगया परमदुग्गंधा ।।९८६९।। पुरिसाण सरीरं सवइ नवहिं सोत्तेहि दुब्भिगंधमलं । एक्कारसहि नारीण सव्वरोगाण कुलभवणं ।।९८७०।। जह को वि घडो मज्झे अमेज्झपरिपूरिओ ठइयदारो । बाहिं पक्खालिज्जइ जलेण विउलेण जइ कह वि।९८७१। कुंकुमकप्पूरागुरुकथूरियपमुहसुरहिदव्वेहिं । उलिपिज्जइ तह वि हु खणंतरे सो तह च्चेव ॥९८७२।। दुग्गंधमेव उव्वमइ अविरयं जेण असुइरसविद्धं । सव्वं पि घडकवालं तं चिट्ठइ तेण सुरहि पि ।।९८७३।। दव्वं तत्थ विलग्गं खणद्धमत्तेण होइ दुग्गंधं । तह रुहिरमंसचम्मट्टिवसमए नरसरीरे वि ॥९८७४॥ ता भो मणयसरीरे असुइम्मि सुइत्तणं असंतं पि। नियबुद्धिविगप्पेहि आरोवेऊण मा रमह ।।९८७५।। सिंभगिहं जमिह मुहं छणमयलंछणसरिच्छमेयं तु । वियसियनलिणनिहाई दूसियठाणाइं नयणाई ॥९८७६।। अट्ठीण खंडराई दसणे दिप्पंतहीरयसरिच्छे। घणुवचियपिसियपिडे पओहरे कणयकलसे व्व ।।९८७७।। मुत्तपुरीसगिहाइं जहणनियंबाई कंचणसिल व्व । मंसट्ठिरुहिरबद्धं ऊरुजुयं कयलिखंभं व ॥९८७८।। चम्मट्ठिन्हारुनद्धे असोयपल्लवसमे य करच रणे । एवं विगप्पिऊणं मा बंधह तेसु अणुरायं ॥९८७९।। जमणंतदुक्खजणए विसए सेवेह सोक्ख बुद्धीए । तं पियह कालकूडं तुब्भे अमयं ति चितउं ।।९८८०।। मा पुत्तकलत्ताइसु सयणेसु य कुणह पेमपडिबंधं । जं ते न होंति ताणं नरगाइदुहं सहताणं ।।९८८१।। इय लोगम्मि वि एए ताव च्चिय होंति किं पि ससिणेहा । तेसिं चिय जाव समीहियाइं कीरंति अणवरयं।।९८८२।। एक्कं पि जया न कयं तेसि कज्जं कहं चि तइया वि । ते होंति लुक्खहियया दोसग्गाहा विवक्ख व्व ।।९८८३।। विवम्मि वि पडिबंध मा तुब्भे कुणह जे तयथम्मि । सुबहुं पि किलिस्संताण जायए नेय थेवं पि ।।९८८४।। जाओ वि पयत्तेणं रक्खिज्जतो वि बहु उवाएहि । अकयण्णुओ व्व पुरिसो झड त्ति विहडइ अदक्खिन्नो।।९८८५।।