Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 340

सिरिमुनिसुव्वयजिणिदचरियं
जूयजलजलणसज्झो दाइयबंदियनरिदचोराणं । पासाउ महाणत्थं उप्पायइ जीयनासं च ।।९८८६।। इय नाउं भो भव्वा ! चइऊणं विसयसयणधणमुच्छं । सासयसुहसंजणए जिणधम्मे उज्जमं कुणह ।।९८८८७।। एत्थ पडिवज्जियव्वं समग्गसावज्जजोगवेरमणं । चइयव्वो सव्वो वि हु सबाहिरभितरो संगो ।।९८८८।। बाहिम्मि दुपयं चउपयधणधन्नसुवन्नरुप्पकुप्पाई । अंतो उण जियतिजओ कोहाइकसायसमवाओ ।।९८८९।। उक्खणियव्वा केसा मूलाओ च्चिय सिरम्मि जाजीवं । अन्हाण बंभचेरं कायव्यं भूमिसयणं च ।।९८९०।। भिक्खाए परिब्भमणं कुलेसु निण्णुन्नएसु करणिज्जा लद्धम्मि अलद्धम्मि य हरिसविसाओ न कायव्वो।।९८९१।। इट्ठो व अणिट्ठो वा लद्धाहारो अरत्तदुठेहिं । वणिपिडिरहक्खोवंगनायाओ चेव भोत्तव्वो ॥९८९२।। सत्तूसु य मित्तेसु य होयव्वं खलु समाणचित्तेहिं । निदंतम्मि थुणते रोसो तोसो न कायव्वो ।।९८९३।। सद्दाइसु विसएसु मणोहरेसु वि मणं पि अणुराओ। नो कायव्वो न य निदिएसु दोसो विहेयव्वो ।।९८९४।। चंकमियन्वं जुगमेत्तनिहियदिट्ठीहिं तग्गयमणेहि । बुद्धीए विगप्पेउं जपेयव्वं च निरवज्ज ।।९८९५।। दूमिज्जइ जेण परो सुएण लोए य पावए दोसं । तं जीवियव्वनासे वि भासियव्वं न साहहि ।।९८९६।। गहियव्वो आहारो उग्गमउप्पायणेसणासुद्धो। वसही वत्थं कंबलपत्तगफलगाइयं पि तहा ।।९८९७।। तह उवगरणं सव्वं पडिलेहेउं पमज्जिऊणं च । गहियव्वं कज्जवसा मोत्तव्वं तह सठाणम्मि ।।९८९८।। उच्चारं पासवणं खेलं सिंघाणजल्लमाईयं । सुविवेझ्यम्मि ठाणे जत्तेण परिवेयव्वं ।।९८९९।। जत्तेण रक्खियव्वो विवेयतिक्खंकुसेण खंचेउं । सीलवणाओ बाहि नीहरमाणो मणोहत्थी ।।९९००।। एवं चिय गुत्ती वयकायाण वि सव्वया वि कायव्वा । छठ्ठट्ठमाइ जहसत्ति सेवियव्वं तवोकम्मं ।।९९०१।। विणओ वेयावच्चं गुरुपभिईणं सया वि कायव्वं । कज्जे निट्ठरवयणेहि तालणं तेसि सहियव्वं ।।९९०२।। गच्छस्स अप्पणो वि य किच्चाणं अंतरम्मि सज्झाए । सव्वप्पणा पसत्ती कायव्वा न उण विगहासु ।।९९०३।। देसे नयरे गामे कुले य उवहिम्मि नियसरीरे वा । कत्थइ ममत्तबुद्धी कायव्वा नेय योवा वि ॥९९०४।। सहियव्वाओ छुहतिससीयायववायवेयणाओ य । सम्ममहियासियव्वा तिरियाइकओवसग्गा य ।।९९०५।। निच्चमणिच्चत्तणमसरणत्तमेगत्तमेवमाईया । बारस वि भावणाओ भावेयव्वाओ जत्तेण ।।९९०६।। इय निच्च कुणंताणं भव्वाणं मोक्खसोक्खकखीणं । जायइ पुन्वभवज्जियकम्माण खओ सुबहुयाण ।।९९०७।। तो लहुकम्मत्तणओ पक्खिणपवियंभमाणसुहभावा । आरुहिऊणं ते खवगसेढिमइरेण मोहखयं ।।९९०८।। काऊण नाणदंसणआवरणे अंतरायमवि खविउं । लोयालोयपयासं पावंति य केवलं नाणं ।।९९०९।। तो केवलिपज्जायं कालं अंतोमुत्तमहवा वि। देसूणपुव्वकोडि पालेऊणं तओ अंते ।।९९१०।। जुगवं खविऊण भवोवगाहि कम्माइं झ त्ति चउरो वि । समएणेक्केण अविग्गहेण गंतूण उड्ढदिसि ।।९९११।। सिद्धिक्खेत्ते विमले जम्मजरामरणरोगनिम्मुक्को । लोयग्गगओ सिज्झइ सागारुवओगसंजुत्तो ।।९९१२।। साइयमणंतमणुवममव्वाबाहसुहमुत्तमं पत्तो । कालमणंतं चिट्ठइ वरदंसणनाणसंपन्नो ।।९९१३।। सुरगणसुहं समग्गं सव्वद्धापिडियं अणंतगुणं । न य पावइ मुत्तिसुहं णंताहि वि वग्गवग्गूहि ।।९९१४।। संघयणकालवीरियबलआउसमाहिअन्नयररहिओ। को वि तहाविहकम्मक्खयं अकाउण छउमत्थो ।।९९१५।। जइ कालं कुणइ तओ सोहम्माईण देवलोगाणं । सव्वट्ठसिद्धचरमाण देवलोगम्मि अन्नयरे ।।९९१६।। सो उप्पज्जइ देवो महिड्ढिओ तत्थ सुरसुहं पवरं । सुइरं अणुहविऊणं ठिइक्खएणं तओ चविउं ।।९९१७।। पवरमणुएसु जायइ भुवणयलक्खायनिम्मलकुलेसु । सोहग्गरूवकलिओ समग्गनरलक्खणसमेओ ।।९९१८।।