Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 318

सिरिमुनिसुव्वयजिणिदचरिय
तत्तो ते बहवे भवणवासिजोइसियवाणमंतरिया । वेमाणिया य देवा वयंति नंदीसरे दीवे ॥ ९१६६।। तत्तो पुरथिमिल्ले अंजणगमहानगम्मि गंतूण । सोहम्मवई इंदो करेइ अट्ठाहियामहिमं ।। ९१६७।। तस्सेव लोगपाला चत्तारि वि चउसु दहिमुहनगेसु । ईसाणिदो पुण उत्तरिल्लअंजणनगे गंतुं ।।९१६८।। दाहिणदिसिअंजणपव्वयम्मि गंतूण चमरअसुरिंदो । बलिअसुरिंदो पुण पच्छिमम्मि अंजणनगे गंतुं ।।९१६९।। सासयजिणभवणेसुं करेंति अट्ठाहियामहामहिमं । एएसि लोगपाला चउरो चउरो य तिन्हं पि । । ९९७०।। कुब्वंतिय अट्ठाहियमहिमं चउचउसु दहिमुहनगेसु । अट्ठाहियं करिता सव्वे वि गया सठाणेसु ।। ९१७१ ॥ तत्तो चव्विहम्मि वि देवनिकायम्मि भुवणनाहस्स । निव्वत्तिऊण मज्जणमहं गए नियनियद्वाणं ।। ९१७२ ।। अच्चब्भुयजिणजम्मणमज्जणयमहूसवं पलोयंती । संजायजागरा जामिणी वि निछं व काउमणा ।। ९१७३ ।। वज्जिरपाभाउयतूरनिवहनिग्घोसभीयहियय व्व । अवकता पउमावइदेवी पुण झत्ति पडिबुद्धा ।। ९१७४ ।। पजलंतसुनिम्मलमणिप ईवपस रंतकिरणजालेहिं । निन्नासियतमसेहिं पयासिए सूइभवणम्मि ।। ९१७५।। पासइ पुत्तं मरगयवन्नं गोसीसचंदणविलित्तं । नियपासनिवन्नं पुन्नमिदुजुन्हासि व नहं ।। ९१७६।। नवपारियायमंदारमालईपमुहविविहकुसुमेहिं । पसरतपरिमलेहिं मिलतअलिवलय मुहलेहिं ॥ ९१७७।। जिण मुनीहरियनिसग्गसुरहिनी सासलद्धगंधेहिं । थुणमाणेह व तं सव्वओ वि ओमालियसरीरं । । ९१७८ ।। बद्धमणिमउडगेवेज्जकडय केऊरकिरणरेहंतं । सामलदेहं मेहं व अहिणवं सुरधणुच्छुरियं ।। ९१७९ ।। एगं कुंडलजुयलं दिव्वं तह देवद्सजुयलं च । ऊसिसगम्मि ठवियं जिणस्स पेच्छइ तओ एसा ।। ९१८० ।। उल्लोयलंबियं तह तवणिज्जामयपलंबलंबूसं । सिरिगंडदाम मेगं दिट्ठिपहे ठावियं पहुणो ।। ९९८१ ॥ पाउन्भूयं गभाउ जिणवरं जाणिऊण हरिसेण । चिरविरहुक्कंटाए ओयरमाणं व सम्गसिरिं ।। ९१८२ ।। दट्ठूण तओ देवी नियमइ विहवेण जाणिऊणेवं । जह किर सक्केण कओ सक्कारो जिणवरस्स इमो ।।९१८३॥ तो सविसेसं परिओसपरवसा माणसम्मि संजाया । सा पउमावइदेवी न माइ देहे न वा गेहे ।। ९१८४ ।। वज्जंतजामिणीविरमतूरसंघायघोसजणिएहिं । पडिदेहिं जिणिदस्स जम्मभवणं कहेइ व्व ।। ९१८५ ।। जिणजम्मणं जाणं पुरओ परिओस मुव्वहेमाणं । सुत्तविउद्धविहंगमरवेहिं तरुणो वि अन्नोन्नं ।।९१८६।। कुव्वंति संकहं पिव जिणिदजम्मस्स पहरिसवसेण । पडिबुद्धो पउमावइदासीवग्गो वि एताहे ।। ९१८७ ।। ताओ मुणि निसामिणीए जायं जिणेसरं पुत्तं । काओ विकं पि कुव्वंति तत्थ मंगल्ल मुवयारं ।। ९१८८।। जूवमुसलाण उब्भडमायसरक्खं दुवारदेसम्मि | चंदणकलसाण निवेसणं च एमाइ अन्नं च ।। ९१८९ ।। अह सुवणाभिहाणा पहाविया चेडिया अइतुरंती । विन्नवइ सुमित्तं नरवरिदमेवं जहा देव ! ।। ९१९० ।। वद्धाविज्जइ तुब्भे जएण विजएण सुकयलब्भेण । भुवणन्भुद एक्कनिबंधणेण पुत्तस्स जम्मेण ।। ९१९१ ।। (तो) तं वयणं अमयमयक्खरं व तीसे निसामिऊण तओ । जाओ सुमित्तराया सुहजलहिनिमग्गमुत्ति व्व ।। ९१९२ ।। आसत्तमवेणिदलिद्दभावनिद्दलणपच्चलं तत्तो । तीसे देइ पसाएण अत्थजायं बहुं राया ।।९१९३ ।। धोयावेऊण तहा सीसं दात्तिणाउ मोएइ । तं सुवयणाभिहाणं सुवयणसेणीनिहाणं व ।। ९१९४ ।। आसत्तमवणिदलिद्दभाव निद्दलणपच्चल तत्तो । तीस दs पसाएण अत्यजायं बहुठ राया ।। ९१९५ ।। धोयावेऊण तहा सीस दात्तिणाउ मोएइ । त सुवयणाभिहाण सुवयणसेणीनिहाण व ।। ९१९६ ।। ओरोहच लोओ जो जो को वि हु कहेइ आगंतुं । तस्स पुरो सुयजम्मं तं तं सो कुणइ अदलिद्दं ।। ९१९७।। नयरारक्खं हक्कारिऊण तो एवमाइसइ राया । भो भो देवाणुपिया ! कुसग्गनयरे समग्गेऽवि ।। ९१९८ ।।
२८५