Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 323

२९०
सचिव जिवणणं
तत्थ य बहुपुरिसेहि विइन्नरुइभत्तवेतणेहिं च । विउलं चउव्विहं पि हु आहार मुवक्खडावे ॥ ९३३१।। तो जोएइ सणाहो को वि अणाहो व रोरकप्पडिओ । पासंडी व गिहत्थो तस्स सुहासणवरगयस्स ।। ९३३२।। वीसत्थस्स जहिच्छियमाहारं दावए चउविहं पि । तो तत्थ कुसग्गपुरे परोप्परं एवमालावो ।।९३३३।।
इसव्वत्थ वितियचक्कचच्चरमहापहपहेसु । जह मुणिसुव्वय जिणपुंगवस्स निक्खमिउकामस्स ।। ९३३४ ।। भवणे भोयणजायं लब्भइ सव्वाहिलास संपन्न | अहवा केत्तियमेयं इमस्स सिवसोक्खदाइस्स ।। ९३३५ ।। इय दिज्जते दाणे समग्गदेसेसु पसरिया कित्ती । तेसु जणो अन्नोनं एवं संलवइ जह भो भो ।। ९३३६।। एह वयंसा ! सिग्धं जहा कुसग्गे पुरम्मि गंतूण । पेच्छामो भयवंतं अचितचिंतामणिसरिच्छं ।। ९३३७।। जेहिभवम्मि सुहिणो होमो अम्हे सुवन्नलाभेण । परलोए तद्दंसणसंभूयपभूयपुत्रेण ।। ९३३८।। अन्नभवज्जियबहुपावपभवदुक्खो हदूमियाणऽम्ह । एसो च्चिय भुवणत्तयसामी सरणं न अन्नोति ।। ९३३९।।
भावेणं केसु विदेसंतरओ जणेसु एंतेसु । केसु वि संपत्तसमीहिएस जंतेसु सद्वाणं ।। ९३४०॥ तह वत्थव्वजणम्मि वि संचरमाणम्मि तस्स नयरस्स । बाहिम्मि विमज्झम्मि व जाया मग्गा दुसंचारा ।। ९३४१ ।। मग्गणजणाण एवं पूरिज्जंतेसु इच्छियत्थेसु । संवच्छरप्पमाणो कालो तइया कुसग्गपुरे ।। ९३४२ ।। संजाओ लोयाणं कप्पद् मदिन्नवंछियत्थफलो । पमुइयनीसेसजणो सूसमकालावयारो व्व ।। ९३४३।। विज्जुलयाचवलेण वि विहवेण न जो परस्स जणइ सुहं । सो कह गिरिदरुंदं संजमभर मुव्वहेहि त्ति ।। ९३४४ ।। जाणाव हेउं पिव जणस्स दिन्नं विसेसओ पहुणा । संवच्छरप्पमाणं दाणं तहया जहिच्छाए । । ९३४५ ।। स विवम्मि सया वि हु दीणाणाहाइयाण दायव्वं । दाणं सप्पुरिसेणं विसेसओ दिक्खकालम्मि ।। ९३४६ || धणमुच्छापरिचाओ करुणा दुहिएस पवयणपसंसा । तज्जणिओ सुहबंधी दाणेण गुणा इमे होंति ।। ९३४७।। अलमेत्थ वित्थरेणं अणवरयधणप्पयाणधाराहि । नवजलहरो व्व मणुयाण समियदालिद्ददुहदाहो ।। ९३४८ ।। भयवं हरिकुलतिलओ चितेइ मणम्मि निक्खमामि त्ति । अह बंभलोयकप्पे रिट्ठम्मि विमाणपत्थडए ।। ९३४९।। लोगंतियतियसवरा नियनियमणिमय महाविमाणेसु । नियनियपासायवडेंसएस पत्ते पत्तेयं । । ९३५०।। सामाणियामराणं चउहिं सहस्सेहि तिहि उ परिसाहिं । सतह अणिएहि तहा सतह अणियाहिवेहिं च ।। ९३५१ ।। अहिं सहस्सेहि दुगुणेहिं आयरक्खदेवाणं । तह बंभलोयवत्थव्वएहिं अन्नेहिं वि बहूहिं ।। ९३५२।। देवेहि संपरिवुडा नाडयविहिगीयवाइयरवेहिं । भोगाई भुंजमाणा विहरंति इमेहिं नामेहिं । । ९३५३।। सारस्सय माइच्चा वन्ही वरुणा य गद्दतोया य । तुसिया अव्वाबाहा अग्गिच्चा चेव रिट्ठा य ।। ९३५४ ।। तो तेसि देवाणं पत्तेयं आसणाई कंपंति । अह ते देवा अवहि पउंजिऊणं वियाणंति ।। ९३५५ ।। मुणिसुव्वयसामी इन्हि तिजएक्कहियरओ भयवं । चित्तम्मि संपहारइ निक्खमणमहं करेमि त्ति ।। ९३५६ ।। ताजीयमणं लोगंतियाण देवाण जं जिणिदाणं । निक्खमणमणाणं ते करेंति संबोहणं गंतुं ।। ९३५७।। ता गच्छामो अम्हे वि सामिसंबोहणं करेमो त्ति । संपेहेउं उत्तरपुरत्थिमम्मि दिसिविभाए । । ९३५८।। अव मिऊणं तत्तो काउं वेउब्वियं समुग्धायं । इच्चाइ जाव परमेसरस्स पासम्मि गंतूण ।।९३५९।। गणगणट्ठिय च्चिय सखिखिणीएहि पंचवन्नेहिं । वत्थेहि नियत्थेहि अईववसोहमगंगा ॥ ९३६०।।
हि कंताहिं मणपल्हायणकरीहि वग्गूहिं । अट्ठसइयाहिं ताहि पुणरुत्तविवज्जियाहिं च ।। ९३६१।। अभिनंदमाणया अभिथुणमाणा तह य एवमाहंसु । जय जय नंदा जय जय भद्दा जय नंद भद्दं ते । । ९३६२।।