Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 325

...सिरिमुनिसुव्वयजिनवण्णणं
तो सो दोच्चं पि निवो सीहासणमुत्तरामुहं ठविउं । अहिसिंचइ तत्थ जिणं सेयापीएहि कलसेहिं ।।९३९५।। तोऽलंकारसभाए पुव्वाभिमुहासगे निसन्नस्स । सामिस्स पुरो इंदा उवणेन्ति बहू अलंकारे ॥९३९६।। तो गंधकसाईए सुकुमालाए पहुस्स अंगाई। पुव्वं लूहंति तओ सरसेणं चंदणरसेण ॥९३९७।। गोसीसेणऽणुलिपंति सव्वगायाइं भगवओ तत्तो । नासानीसासमीरवोज्झयं चक्षुहरणं च ।।९३९८॥ सुहवनफरिसजुत्तं हयलालापेलवाइरेगं च । धवलं सुवन्नखचियंतकम्ममागासफलिहपहं ॥९३९९॥ अहयं दिव्वं वरदेवदूसजुयलं नियंसयाति । कडिसुत्तयं पिणिधंति तयणु जिणकंठदेसम्मि ।।९४००।। निम्मलसुजायनित्तलमुत्तामणिनिम्मियं अणेगसरं । सुपमाणगुणं रमणिज्जपिट्टियागोच्छपल्लवियं ।।९४०१।। धवलमहापन्नगनाहसन्निहं उरनहढ्डहरिणकं । ससिकरसिसिरं नवकुंदकुसुमअइरेगगोरपहं ॥९४०२।। आहरणपडीहारं हारं अवलंबयंति हिययहरं । तयणु मणिरयणजालोवगूढसंखेण रुइरेण ॥९४०३॥ सोहंतमज्झभायं नाणामणिरयणभत्तिसूविचित्तं । पालंबं च पिणिधंति अप्पणो सुप्पमाणेण ।।९४०४।। तो तवणिज्जमयाइं चलंतसोदामणिप्पगासाइं। विमलाइं मिसिमिसिताई रयणपरिमंडियाइं च ९४०५।। गंडपरिपुंच्छगाइं मइलच्छीदीवगाई रुइराई । कन्नेसु कुंडलाइं तओ पिणिधंति ते पहुणो ।।९४०६।। सुहवनगंधफासं - अमंगलासंतिरोगदोसहरं । दुद्धरिसं वरलक्खणगुणोववेयं पवित्तं च ॥९४०७।। भूरयणसव्वसारं देविदरिदमुद्धकयनिलयं । चूडामणि अणग्धं तओं तिणिधंति ते हट्ठा ॥९४०८।। तयणंतरमइरुग्गयसहस्सकरमंडलं व दिप्पंतं । विमलवरजच्चसुविउलजंबूणयदलविणिम्मवियं ।।९४०९।। मंगल्लं सस्सिरियं सोलसवररयणकलियपविभागं । मोत्तियपयरगलंबंतदामकलियं मिसिमिसेंतं ।।९४१०।। अइपेच्छणिज्जरूवं अइसयमइविहवनिउणनिम्मवियं । पचलंतमहुरमणिरयणघंटिया जालसद्दालं ।।९४११।। विलसंतकिरणजालं आभरणवडे सयं पभासतं । सीसम्मि निवेसंति य पहुणो रयण क्कडं मउडं ।।९४१२।। हारं च अढ्डहारं केऊराइं च अंगयाइं च । तुडियाई पलंबाइं तहेव पायावलंबाई ॥९४१३।। कणगावलिमुत्तावलिरयणावलि-मुरविकंठमुरवीओ। एक्कावलिपमहाइं च भूसणाई पिणिधंति ।।९४१४।। दिव्वं च सुमणदामं सब्वोउयपंचवन्नकुसुमकयं । तत्तो दद्दरयसुगंधिमलयगंधे पिणिधंति ।।९४१५।। नाणामणिकणगविचित्तरयणरइए महारिहे विमले । तेलोक्कवीरवलए तओ विसि? पिणिधंति ।।९४१६।। गंठिमवेढिमपूरिमसंघाइमएण चउविहेणं पि। मल्लेण कप्परुक्खं व भूसियं तयणु कुव्वंति ।।९४१७।। तत्तो य सुगंधाइं गंधाइं पक्खिवंति देहम्मि । एवं चिय वासाइं खिवंति जा सुरहिचुम्नाइं ॥९४१८।। पत्तेयं पत्तेयं सिरम्मि काऊण अंजलि तत्तो। इटाहि कंताहि ओरालाहि मणुन्नाहिं ॥९४१९।। कल्लाणाहिं सिवाहिं धन्नाहि मंगलाहि वहि । अभिषणमाणा अभिनंदमाणया एवमाहंसु ॥९४२०। जय जय नंदा जय जय भद्दा जय विजय नंद भई ते । जय खत्तिवरवसभा ! कसायइंदियमहासेन्नं ।।९४२१।। अजियं जिणाहि इंदियसेन्नं परिपालयाहि विजियं च । सुसमणधम्म सुहयं जियस्स मज्झे वसाहि त्ति ।।९४२२।। . बहुदिणपक्खे मासे उउ अयणे वच्छरे अपरिभीओ। सव्वपरीसहवग्गस्स हवउ धम्मे अविग्धं ते ॥९४२३।। एवं जयजयसई पउंजिउं दंसयंति ते नर्से । तत्तो सुव्वयराया सदावित्ता नियमणूसे ॥९४२४।। एवं आइसइ जहा खिप्पामेव य उवट्ठवह तुन्भे । भो भो देवाणुपिया ! अपराजियनामियं सीयं ।।९४२५।। बहुखंभसयनिविट्ठ लीलट्ठियसालहंजियाकलियं । ईहामियउसभतुरंगमगरविहगाण वालाण ।।९४२६।। रुरुसरभचमरकिन्नरनरकुंजरवणलयाणभत्तीहि । सुविभत्तं महुरस्सरघंटावलिमुहलियदियंतं ॥९४२७।।