Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 333

सिरिमुनिसुव्वय जिनवण्णणं तो केवलीण पच्छाहोऊणं उवविसंति अह सेसा। अइसयरहिया साहू पुव्वेणं चेव दारेणं ॥९६५७॥ पविसित्ता तित्थयरं तिक्खुत्तो तह पयाहिणं किच्चा । वंदित्ता तयणु नमो तित्थस्स नमोऽतिसेसीणं ।।९६५८।। एवं भणिऊण ती अइसेसियपिट्ठओ निसीयंति । वेमाणियदेवीओ पविसित्ता पुव्वदारेण ।।९६५९।। तिक्खुत्तो तित्थयरं काऊण पयाहिणं च वंदित्ता। तत्तो भणिऊण नमो तित्थस्स नमो य साहूण ॥९६६०।। पिट्ठम्मि निरइसेसियमुणीण ठायंति नो निसीयंति । समणीओ पविसेउं पुब्वेणं चेव दारेणं ॥९६६१।। तित्थयरं तिक्खुत्तो भत्तीए पयाहिणं करेऊण । वंदेऊणं च नमो तित्थस्स नमोऽतिसेसीण ।।९६६२।। एवं भणिऊण तओ वेमाणियदेविपिट्ठओ ठंति । नो य निसीयंति तओ देवीओ भवणवासीणं ।।९६६३।। जोइसिणीओ वंतरदेवीओ दाहिणेण दारेण । पविसित्ता तित्थयरं पयाहिणीकट्ट तिक्खुत्तो ।।९६६४।। दाहिणपच्चत्थिमओ ठायंति जहोवइट्रकममेव । भवणवईजोइसिया देवा तह वाणमंतरिया ॥९६६५।। अवरेणं दारेणं पविसित्ता पुवभणियमेव विहिं । काउं उत्तरपच्चत्थिमेण ठायंति अणुकमसो ।।९६६६॥ वेमाणिया य देवा नरा य नारीगणा य दारेण। पविसित्तु उत्तरेणं तं चेव विहिं पउंजित्ता ॥९६६७।। उत्तरपुरथिमेणं जहक्कम पिट्ठओ य ठायंति । जो को वि जस्स निस्साए आगओ तत्थ परिवारो ।।९६६८।। सो तस्सेव समीवे निसीयई कत्थई न अन्नत्थ । एक्केक्काए दिसाए तिगं तिगं संठियं होइ ।।९६६९।। पुन्वं पि समोसरणे हवंति अप्पिड्ढिया जइ निसन्ना । तो ते आगच्छंतं पणमंति महिड्ढियं नियमा ।।९६७०।। पढमं महिड्ढिओ अह होइ निविट्ठो तओ तयं इयरे । अप्पिड्ढिया नमंता वच्चंति पुरो सठाणेसु।।९६७१॥ तित्थयरपभावेणं परोप्परं मच्छरो भयं विगहा । न य होइ समोसरणे तिरियाण वि सन्निविट्ठाण ।।९६७२।। अभंतरपायारस्स मज्झयारे हवंति देवनरा । दुइयंतरम्मि तिरिया तइयम्मिउ अंतरे जाणा ।।९६७३।। सव्वं व देसविरई सम (म्म) घेच्छइ व होइ परिकहणा । इहरा अमूढलक्खो न कहेइ भविस्सइ न तं च।।९६७४।। मणुए चउमन्नयरं तिरिएसु दुगं तिगं व पडिवज्जे । जइनत्थि नियमसोच्चिय सुरेसु सम्मत्तपडिवत्ती॥९६७५॥ तित्थपणामं काउं कहेइ साहारणेण सद्देणं । सव्वेसि सन्नीणं जोयणनीहारिणा भयवं ॥९६७६।। तप्पुत्विया अरहया पूइयपूया य विणयकम्मं च । कयकिच्चो वि जह कहं कहेइ नमए तहा तित्थं ।।९६७७।। जत्थ अपुव्वोसरणं न दिट्टपुव्वं व जेण समणेण । बारसहिं जोयणेहि सोएइ अणागए लहुया ॥९६७८।। सव्वसुरा जइ रूवं अंगुटुपमाणयं विउविज्जा । जिणपायंगुठें पइ न सोहए तं जहिंगालो ।।९६७९।। जिणरूवाओं गणहररूवं भागे अणंतए होइ। तत्तो रूवं आहारगस्स भागे अणंतम्मि ।।९६८०।। आहारगाओ एवं अणंतभागे अणुत्तरसुराण । तत्तो गेवेज्जाणं तत्तो वि य अच्चयसुराण ॥९६८१।। तत्तो आरणपभिई जा सोहम्मो तओ भवणवासी। जोइसिया वंतरिया चक्कहरा वासुबलदेवा ।।९६८२।। मंडलवइणो एए जहोत्तरं पूव्वपूवपासाओ। होति अणंतगुणेणं रूवेणं हीणहीणयरा ।।९६८३।। सेसा सव्वे वि परोप्परेण छद्राणनिवडिया होति । एवं स्वक्करिसो अरहंताणं मणेयव्वो ॥९६८४।। संघयणं संठाणं कंती गइसत्तसारउस्सासा। सव्वमणुत्तरमेयं पि होइ अरहंतनाहाण ।।९६८५।। संखाईयाण वि संसईण जुगवं पि संसयच्छेयं । एगा वि भारई भगवओ उ सिग्धं करेइ त्ति ।।९६८६।। अन्नहकमेण संसयहरणे केइ वि ससंसया चेव । उट्ठति तओ तेसि जणनाणा पच्चओ होइ ।।९६८७।। संसयहरणाइफलं न होइ दिठे वि जिणवरिंदम्मि। एगयराण अकहणे रागहोसाभिसंका य॥९६८८।। एगसरूवस्स वि जह मेहविमुक्कस्स होंति सलिलस्स । वन्नरसाइविसेसा भूमिविसेसस्स जोएण ।।९६८९।।