Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 322

मिरिमुनिसुव्ययजिणिदचरियं
२८९ वासाण सहस्साइं पनरस अह अन्नया सरयकाले। संपत्ते मुणिसुव्वयराया विलयाहि परियरिओ ॥९२९८॥ कुलगिरिसिहरुत्तुंगे पासायडिसम्मि आरूढो । पासइ सरयस्स सिरि सव्वत्तो दिन्नदिट्ठीए ।।९२९९।। कासेहिं नईकच्छा केयारा सालिमंडलेहिं च । कमलेहि सरा गिरिणो घणवणसंडेहि संछन्ना ।।९३००।। कारंडहंसभेरुंडचक्कवायाइविहगनिवहेहि । सेविज्जति नईओ निम्मलसलिलोहसुहयाओ ॥९३०१।। ढिक्कंतदित्तगोविससंसग्गुवजायगरुयसोहग्गा। दीसंति गोउलेसुं वियरंता मुइयगोवग्गा ।।९३०२।। पुरपरिसरसरलमहीरुहेसु संजमियमत्तमायंगा । कुसुमियसत्तच्छयगंधवाहिणा गंधवाहेण ॥९३०३।। अग्घाइएण पडिगयमयगंधासंकिणो ठइयकन्ना। जायंति चिरं गंधागमणस्स दिसि पलोयंता ।।९३०४।। एरिसयं सरयसिरि मुणिसुव्वयनरवरस्स खणमेगं । पासन्तस्स नहयले जीमूया झत्ति संभूया ॥९३०५।। हरगलतमालकज्जलकोइलगवलाइइरेयसामलया। अंधारीकयनीसेसदिसिवहूवयणतामरसा ॥९३०६।। देविंदचावकलिया समरम्मि महाभड व्व गज्जंता । उत्थरिया वरिसेउं जलधारासरसमूहेहिं ।।९३०७।। विज्जुलयाओ पयडीहवंति आलोयकोउएणं व । तहियं खणे खणे च्चिय भीय व्व पुणो निलुक्कंति ।।९३०८।। तं जाव विम्हयमणो मुणिसुव्वयजिणवरो पलोएइ । ताव सहस त्ति उट्ठियपयंउपवणेण कत्तो वि ।।९३०९।। विक्खित्तं दिसिदिसिमेहमंडलं ससुरचावविज्जुलयं । जायं विमलं गयणंगणं पि पुव्वं व सवियासं ॥९३१०।। तं दठूण विचितइ जिणेसरो जह इमम्मि संसारे। सव्वे चिय संजोया सुलहविओया खणेणेव ।।९३११।। मोत्तूण मुत्तिठाणं न कि पि थिरमियरमत्थि सुहजणयं । ता तम्मि चेव संपइ जुत्तो मह उज्जमो काउं ।।९३१२।। इय सव्वविरइगहणाभिमुहे जायम्मि तम्मि जिणनाहे । सोहम्मकप्पपहुणो चलियं सीहासणं झ त्ति ॥९३१३॥ अह सो पउत्तओही मुणइ जिणिदं वयाभिमुहचित्तं । तो उट्ठिऊण सीहासणाउ सत्त? य पयाइं ॥९३१४।।। गंतूण सम्मुहं जिणवरस्स हरिसेण पुलइयसरीरो। तिक्खुत्तो मुद्धाणं धरणियले सन्निवेसेउं ।।९३१५।। ईसि पच्चुन्नमिउं अंचित्ता वाममत्तणो जाणुं । नमिऊण दाहिणं महियलम्मि रइयंजली तत्तो ।।९३१.६।। काऊण संथवं पुण मणिमयसीहासणम्मि ठाऊण । चितेइ जीयमेयं जं अरहंताण सव्वेसि ।।९३१७।। निक्खममाणाण इमं अत्थपयाणं करेंति किर सक्का । तिन्नेव य कोडिसया अट्ठासीइंच कोडीओ ।।९३१८।। असिई य सयसहस्सा कणयस्स समावसाण दाणट्ठा। एवं संपेहित्ता वेसमणं झ त्ति आइसइ ॥९३१९।। जह भो देवाणुपिया! मुणिसुव्वयजिणवरो वयग्गहणं । काउमणो वच्छरियं दाणं दाउं अहिलसेइ ।।९३२०।। इन्हि ता तस्स घरे गंतूणं साहराहि एवइयं । चामीयरं ति एयं वेसमणो सक्कआएसं ।।९.३२१.।। सिरसा पडिच्छिऊणं पहिहियओ कयत्थमप्पाणं । मन्नतो देइ तयं जंभगदेवाण आएसं ।।९३२२।। ते वि पडिस्सुणिऊणं तह त्ति तन्वयणमरहओ भवणे । गंतूण कणयरासिं तावइयं झ त्ति वासंति ।।९३२३।। गंतूण तओ एए वेसमणस्सेरिसं निवेयंति । सो वि पहिलो गंतुं एवं सक्कस्स विन्नवइ ।।९३२४।। तो भयवं तियचच्चरचउक्कचउमुहमहापहपहेसु। अन्नेसु वि ठाणेसुं कुसग्गनयरम्मि सव्वेसु ।।९३२५।। पइदियहं पहियाणं कप्पडियाणं करोडियाणं च । वाहियरोरसणाहाऽणाहाण रिणेण धत्थाण ।।९३२६।। दविणाहिलासियाणं अन्नेसि पि हु पभायओ पभिई । जा दियहद्धं दावइ वरवरियाघोसणापुव्वं ।।९३२७।। कंचणदाणमछिन्नं एगेगदिणम्मि दिज्जए एगा। कोडी कणयस्स तहा अद्वैव अणूंणगा लक्खा ।।९३२८।। अन्नं पि तत्थ मणिरयणवत्थकरितुरयअत्थमाईयं । जं जो मग्गइ तं सो लहेइ नीसंसयं चेव ।।९३२९।। तह तत्थ कुसग्गपुरे अंतो बाहिम्मि ठाणठाणे य । कारावेइ महाणससालाओ जिणो विसालाओ ।।९३०