Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 317

२८४
सिरिमुनिसुव्वयजिनजम्मवण्णणं यत् त्वां ध्यायति नित्यमप्यविचलं चेतस्तदेवोज्ज्वलम्, त्वन्नामाक्षरमालिकां वदति या श्रव्यध्वनिः सैव वाक् । ये त्वद्रूपविलोकनैक निरते ते एव शस्ये दृशौ, यस्ते नाथ ! पदप्रणामरसिको मूर्धा स एवोत्तमः ।।
शार्दूलविक्रीडितं नामछन्दः ।। इच्चाइ थ्णेऊणं नच्चासन्नम्मि नाइदूरम्मि । जोडियहत्थो अच्चुयसुरेसरो पज्जुवासेइ ।। ९१३८।। एवं जह अच्चइंदो तहेव वेमाणियाऽमरप्पहुणो । सेसा वि भाणियव्वा ईसाणिदावसाणा उ ॥९१३९।। भवणवइवाणमंतरजोइसिया दसूरपज्जंता । पत्तेयं पत्तेयं नियनियपरिवारसंजुत्ता ॥९१४०।। अहिसिंचंति जिणिदं तहेव तं जाव पज्जुवासंति । अह ईसाणरिंदो काऊणं पंच रूवाइं ।।९१४१।। जह सक्को तह चेव य गिन्हइ करयलउडेण तित्थयरं । सीहासणे पुरत्थाभिमहो होउं निसीएइ ।।९१४२।। सेसं तं चिय नवरं पुरओ करकमलकलियवरसूलो। सुस्सूसंतो चिट्ठइ अह सक्को देवगणराया ।।९१४३।। तित्थयरस्स भगवओ चउसु पि दिसामुहेसु चत्तारि । धवलवसहे विउव्वइ दहिघणगोखीरसंखनिभे ।।९१४४।। अभिरुवे पडिरूवे पासाईए य दंसणिज्जे य । तेसि चउन्हें पि तओ धवलाणं पवरवसभाणं ।।९१४५।। अट्टहि सिंगेहितो विमलाओ अट्ठ वारिधाराओ। निग्गच्छंति तए णं ताओ उढ्डं नहयलम्मि ॥९१४६।। उप्पइऊणं दूरे सव्वाउ वि एगओ मिलेऊण । तित्थयरस्स भगवओ उद्धपएसम्मि निवयंति ॥९१४७।। तयणंतरं तु सक्को तहेव सामाणियाइसुरसहिओ । अहिसेयाइ विहेउं थुणइ जिणं अच्चुइंदो व्व ।।९१४८।। तत्तो विउव्विऊणं रूवाइं पंच पुवनाएणं । गहिऊणं तित्थयरं समग्गसुरविंदपरियरिओ ।।९१४९।। जम्मणभवणे नेउं माऊए अंतियम्मि ठावेइ । जिणपडिरूवं ओसोयणि च अवणेई तो झत्ति ।।९१५०।। एगं च खोमजुयलं कुंडलजुयलं च महरिहं दिव्वं । तित्थयरस्स भगवओ ठवेइ ऊसीगम्मि तओ ।।९१५१।। तवणिज्जामयलंबूसगं सुवन्नण मंडियं दिव्वं । नाणामणिरयणेहि विचित्तहारढ्डहारेहि ॥९१५२।। उवसोहेमाणं सव्वओ वि सिरिगंडदामगं एगं । तित्थयरस्स भगवओ उल्लोयतलम्मि लंबेइ ।।९१५३।। जह भगवं तित्थयरो अणिमिसट्ठिीए तं पलोयंतो । अणुसमयं चिय चिट्ठइ सुहंसुहेणाभिरममाणो ।।९१५४।। अह सक्को वेसमणं एवं आइसइ जह तुम खिप्पं । भो भो देवाणपिया! जम्मणभवणे जिणिदस्स ।।९१५५।। कोडीउ हिरन्नस्स उ बत्तीसं तह सुवन्नकोडीओ । बत्तीसं नंदाई बत्तोस तह य भट्टाडं ॥९१५६।। सोहग्गरुवजोव्वणलायन्नगणे य साहराहि तओ। पच्चप्पिणाहि एवं आणत्तियमेवमाइट्टो ॥९१५७।। सक्केणं वेसमणो सद्दावेऊण जंभए देवे । तेसिं सक्काएसं साहइ सोऊण तं ते वि ॥९१५८।। निप्फाइऊण मिग्घ गत पंजलिउडा कयपणामा। वेसमणस्स निएंति सो वि सक्कस्स विन्नवइ ।।९१५९।। अह सक्को देविंदो सदावित्ताभिओगिए देवे । एवं वयइ जहा भो देवाणुपिया ! दुयं तुब्भे ।।९१६०।। उवगंतण भगवओ जम्मणनयरम्मि सव्वठाणेसु । सिंघाडगतिगचच्चरचउक्क चउमुहमहपहेसु ।।९१६१।। महया महया सद्देणुग्घोसेमाणया इमं वयह । हंद सुगंतु भवंतो बहवे देवा य देवीओ ॥९१६२।। भवणवइवाणमंतरजोइसवेमाणिया ! जिणवरस्स । जिणजणणीए य तहा जो को वि असोहणं चित्तं ।।९१६३।। काही तस्सज्जगमंजरि व्व फुट्टिहिइ सत्तहा सीसं । इय अभिओगियदेवा ते सक्केणं समाणत्ता ।।९१६४।। हट्टपरितुहियया तहेव निप्फाइऊण तस्साणं । सिग्छ पि समागंतुं सक्कस्स पुरो निवएंति ॥९१६५।।