Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
हरिवसवण्णणं
पणुकसाया पयईए भद्दया सुप्पसंतचित्ता य । अप्पिच्छा मुच्छावज्जिया य मणिमोत्तियाईसु ॥८४४१॥ करिकरहतुरंगाइ संतेसु वि चउपएसु जीवेसु । तप्परिभोगविमुक्का अणूसुया कामचारी य ॥ ८४४२ ।। परिविजियपवणवेगा मच्छरवेराणुबंधपरिमुक्का । दोपलिओवमआऊ दोकोससमूसियसरीरा ||८४४३।। अट्ठावीस हियस पट्टिकरंडाण जायए तेसिं । छट्ठस्स य पज्जते आहारमिमे समीहंति ॥ ८४४४ ॥ आहारमा सव्वं तेसिं संपज्जए सभीवाओ । कप्पधरणीरुहाणं ते होंति पुणो दसपयारा ।। ८४४५ ।। मत्तं गया य भिंगा तुडियंगा नाम होंति तइया उ । दीवसिहा जोइसिहा चित्तंगा नाम चित्तरसा ||८४४६ || मणियंगा अट्टमया हागारा य अणिगिणा दसमा । एयाई नामाई गुणा य एसि इमे होंति ॥ ८४४७ ॥ मत्तंगएसु सुस्साउमइररसपुन्नकोसगागारा । भिगेसु थालकच्चोलमाइबहुभायणायारा ।।८४४८ ॥ तुडियंगेसु चउव्विहआउज्जागारफलविसेसाउ । तयवितयं घणसुसिरं ते उण भेया इमे चउरो ॥। ८४४९ ।। वीणापमुहं च तयं वितयं पुण होति पडहमाईयं । नालाईयं तु घणं सुसिरं पुण काहलाईयं ॥ ८४५० ।। दीवसिहा उण तरुणो उज्जोयगरा हसंति दीव व्व । जोइसिहा उण रविमंडलं व उब्भासया होंति ।। ८४५१। चित्तंग कुसुमाहवंति वरसुरहिपंचवन्नाय । चित्तरसेसु विचित्ता हवंति सुस्साउआहारा ॥। ८४५२ ।। मणियंगेसु बहुविहा नेउरकेऊरहारमाईया । भूसणभेया जायंति भासुरा सोहसंजणया ॥। ८४५३।। गेहागारे पुणो पायारेहिं समंतओ गुत्ता । सोवाणपतिकलिया विचित्तसालाभिरमणिज्जा ।। ८४५४ ।। रइहरगवक्खपच्छन्नपयडओवरयकुट्टिमयलेहिं । नाणाविहेहिं कलिया होंति निवासा अतिविसाला ।। ८४५५ ।। अइसन्हरुइरसुकुमाल फासते इल्लवत्य संवाया । जायंति अणिगिणेसुं सारिच्छा देवदुसाणं ॥ ८४५६।। इय दसविहकप्पट्ट मसंपाइयपवरभोगउवभोगा । सग्गे सुर व्व मणुया न मुणंति गयं पिते कालं ||८४५७ ।।
विमुग्गा सरसाई तत्थ सालिमाईणि । धन्नाई संति तह वि हु ताइं न भुंजंति नरतिरिया ।। ८४५८ ।। किंतु महिमट्टियासाहिकुसुमपत्ताइया वि साउरसा । हुति अांतगणेणं सक्करदक्खारसाओ वि ।। ८४५९ ।। तेसि चिय परिभोगं कुणंति ते तह परोप्परं तिरिया । सीहभुयंगाईया अकूरभावा न खायंति ॥८४६० ।। आउम्मि थोवसेसे मिहुणं जणिऊण ते नरा तत्तो । कालं काऊण सुरा हवंति सोहम्मकप्पम्मि ||८४६१।। थे कसायत्तणओ तिरियाण वि तत्थ आउयखयम्मि । उप्पत्ती संजायइ कप्पे सोहम्मनामम्मि ||८४६२ || मिहुणत्तेणुववन्नाइं ताइं दोन्नि वि इमम्मि खेत्तम्मि । हरिनामेणं सुमुहो हरिणीनामेण वणमाला ।। ८४६३ ।। दिव्वजुइदिव्वदेहं दिव्वाहरणं च दिव्ववरवत्थं । दिव्वविलेवणलित्तं विहूसियं दिव्वकुसुमहि ||८४६४।। सुसुयंधिगंधमणुवमसिरीजुयं मिहुणयं इमं तत्थ । पुव्वोववन्नियगुणे उवभुंजइ उत्तमे भो ||८४६५।। तो यसो कुविंदो उम्मत्तो वीरगोऽभिहाणेण । विज्जुनिवारण हए सुमुहनिवे सवणमालम्मि ||८४६६।। बालतवं काऊणं दीहरनहरोमकेसमलविट्ठो । परिवालिऊण आउं मरिउं सोहम्मकप्पम्मि ।।८४६७ ।। किव्विसियदेवाणं मज्झे देवत्तणेण उप्पन्नो । दट्ठूण देवरिद्धि पजए जाब सो अवहि ||८४६८।। पेक्खेइ ताव निययं पुव्विल्लमणुस्सभवगयं देहं । तं हरिहरिणीजुयलं तत्तो दारावहारकयं ।। ८४६९।। सरिऊण पुव्ववेरं महुघयसित्तो व्व हुयवहो जाओ । रत्तच्छो दुप्पेच्छो पज्जलिओ गरुयकोवण ।। ८४७० ।। वेरुद्धरणनिमित्तं संपत्तो झत्ति तम्मि खेत्तम्मि । हरिवासम्मि सभीवे तेसि कुद्धो कयंतो व्व ॥। ८४७१।। फुरुकुरुफुरंतअहरो मारेडं जाव वंछए ताई । निरुवक्कमाउयतं मयाण सुरलोयगामित्तं ।। ८४७२ ।।
२६२
Jain Education International
For Private & Personal Use Only
www.jainelibrary.org
Loading... Page Navigation 1 ... 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 