Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 312

सिरिमुनिसुव्वयजिणिदचरियं
२७९
करयलपरिग्गिहीयं काऊणं अंजलिं नियसिरम्मि। निव्वत्तियं विउब्विय जाणविमाणं निव एइ ।।८९८८।। तत्तो सोहम्मवई पालगदेवस्स अंतिए एयं । अटुं सोऊण पहि?माणसो तक्खणे जाओ ।।८९८९।। दिव्वं सव्वालंकारभूसियं जिणवराभिगमजोग्गं । रूवं उत्तरवेउब्वियं तओ सो विउवित्ता । ८९९०।। अट्टहिं परिवारसमन्निय हिं सह अग्गमहिसिदेवीहिं । गंधव्वाणीएणं नट्टाणीएण य समेओ ॥८९९१।। पुवतिसोमाणेणं पयाहिणंतो विमाणमारुहिउं । सीहासणे पुरत्थाभिमुहो होउं निसीएइ ॥८९९२।। सामाणिया तिसोमाणगपडिरूवेण उत्तरिल्लेण । तह चेव आरुहेऊण झत्ति सीयंति पत्तेयं ।।८९९३।। पुवठ्ठावियभद्दासणेसु सेसा वि देवदेवीओ। एमेव दाहिणेणं आरुहिऊणं उवविसंति ॥८९९४।। एवं तम्मि विमाणम्मि देवरायस्स समभिरूढस्स । सोत्थियसिरिवच्छाई पुरओ अट्ठ मंगलगा ।।८९९५।। संपट्ठिया कमेणं तयण पुणो पुन्नकलसभिगारा। दिव्वा छत्तपडागा सचामरा वेजयंती य ।।८९९६।। वाएण धुव्वमाणा समूसिया गयणमणुलिहेमाणा । संपट्ठिया पुरत्था अणंतरं आणुपुव्वीए ॥८९९७।। तयणंतरं च वेरुलियविमलडंडं समूसियं पुरओ। उवसोहियं पलंबिरकोरिटयमल्लदामेण ।।८९९८।। कोमुइमयंकमंडलविलंबयं विमलमायवत्तं च । सीहासणं च मणिरयणभत्तिचित्तं सपयवीढं ।।८९९९।। रयणमयपाउयाजोयसंजुयं किंकरामरगणेहिं । बहुएहि परिग्गहियं संपट्ठियमाणुपुब्बीए ॥९०००। परिघट्ठमट्ठसुसिलिट्ठलट्ठसुविसिट्ठसंठियवईए । वइरामयलट्ठीए लद्धपइट्ठो अइपगिट्ठो ॥९००१।। कुडभीण सहस्सेहि दसद्धवन्नेहि सव्वओ कलिओ। वाउद्धयविजयपडागछत्तअइछत्तचिंचइओ ॥९००२।। जोयणसहस्समाणो आयामेणं महग्गमणुलग्गो। संपढिओ पुरत्था अणुपुत्वीए महिंदझओ ।।९००३।। कयउब्भडसिंगारा भडचडगरपहगरेण अतिमहया । पंच अणीया पंच य अणीयवाणो पुरो चलिया ।।९००४॥ तयणंतरं तु बहवे अभिओगियदेवदेविसंघाया। स्वेहिं नियनिएहि नियनिएहिं विसेसेहिं ।।९००५।। नियनियविहीहिं नियनियनिज्जोएहिं च तह नियनियेहिं । नेवच्छेहिं उवसोहमाणया पहरिसतुरंता ।।९००६।। सक्कस्स देवरायस्स अग्गओ मग्गओ य पासेसु । परिवेढं कुणमाणा संचलिया आणुपुवीए । ।९००७।। तयणंतरं च सव्वे सोहम्मनिवासिदेवदेवीओ। नियनियदेविढ्डीए देवजुईए य सोहंता ॥९००८।। सक्कस्स देवरन्नो पुरओ पच्छा य उभयपासेसु । संपट्ठिया पहिट्ठा उज्जोयन्ता गयणमग्गं ॥९००९।। अह सो देवाहिवई सक्को सोहम्मकप्पमझेणं । तं दिव्वं देविढ्डिं उवदंसंतो समणुपत्तो ॥९०१०।। कप्पस्स उत्तरिल्लं निज्जाणपहं तओ पगिट्ठाए । चंडाए जवणीए ओवयमाणो सुरगतीए ।।९०११।। तिरियमसंखेज्जाणं मज्झं मज्झेण दीवजलहीणं । नंदीसरवरदीवे दाहिणपोरत्थिमम्मि नगे ।।९०१२।। रइकरनामम्मि समागंतूण तओ कमेण देविढ्डिं । तं दिव्वं देवजुइं दिव्वं देवाणभावं च ॥९०१३।। दिव्वं जाणविमाणं पडिसाहरमाणओ खणेणेव । जेणेव जंबुदीवो जेणेव य भारहं वासं ।।९०१४।। जेणेव जम्मनयरं जिणस्स जेणेव जम्मभवणं च । तेणेव उवागंतुं जाणविमाणट्ठिओ चेव ।।९०१५।। महयाहयतलतंतालमुइंगप्पवाइयरवेण । तिक्खुत्तो आयाहिणपयाहिणं तस्स काऊण ॥९०१६।। तो तं जाणविमाणं उत्तरपोरत्थिमे दिसीभाए । चउरंगुलेण भूमी अप्फुसमाणं ठवेऊण ॥९०१७।। अग्गमहिसीहिं सद्धि अहिं दोहिं तहा अणीएहिं । गंधवाणीएणं नट्टाणीएण य समेओ ।।९०१८।। पुव्वेण तिसोवाणगपडिरूवेणं तओ विमाणाओ। पच्चोरुहइ सुरिंदो तत्तो सामाणियसुराणं ।।९०१९।। चलसीइसहस्साइं तस्स विमाणस्स उत्तरिल्लेण । पच्चवरोहंति तिसोवाणगपडिरूवगेणं तु ॥९०२०।।