Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिमुनिसुव्वयजिणिदरियं
२६५ कइया वि बाहिरमुहं उद्ध्यमाणाई मारुयवसेण । ओसरह दूरदूरं सिग्धं संवरह गज्जिरवं ।। ८५३८।। अन्नह इह नयरनरिंदकुंजरा भंजिऊण आलाणं । पयलोहसंकलं तोडिऊण सुदढं पि कोवेण ।।८५३९।। परसिधुरगंधस्स वि असहंता झत्ति सम्मुहं तुम्ह । धाविस्संति त्ति दुयं दिसिकरिणो वारयं तिव्वं ।।८५४०।।
अट्टहिं गाहाहिं कुलयंनवजोव्वणलच्छीमणहराण सुररमणिसरिसरुवाण । मयणकरिकुंभविन्भमपओहरक्कंतहिययाण ॥८५४१।। अलिउलकज्जलसामलवेणीडंडेहिं अतिपलबेहिं । गमणवसेणुप्पइउं पुणो पुणो निवयमाणेहिं ।।८५४२।। गिरिकडयविसालनियंबबिंबभारेण मंथरगइत्तं । आलोइऊण विक्कयवेलावइकमणसंकाए ।।८५४३।।। सिग्घयरगतिनिमित्तं पेल्लंतेहि व विराममाणीणं । आलावायन्नणजणियतन्हमत्थित्तरहियं पि ।।८५४४।। खीराइमल्लपुच्छणपरायणं नयरतरुणनरवग्गं । कमलदलदीहरेहि नयणेहिं निरिक्खिऊण खणं ।।८५४५।। अवगयतब्भावाणं तप्पडिवयणं अभासमाणाणं । गमिऊण अवन्नाए वच्चंतीणं पुरो मग्गे ।।८५४६।। गोवजुवईण मत्थयविन्नत्थेसुं महंतकुंभेसु । अंतो विणिहित्ताई खीराणि दहीणि य घयाणि ।।८५४६।। समुताई चउ (ह)ट्टएसु निच्चं पि जत्थ नज्जंति । सोऊण लवणजलहिं पीयं एक्केण चुलुएण ।।८५४८।। हेलाए च्चिय मुणिणा अगत्थिनामेण नियमणे भीया । जो खारं पि समुदं एवं आविइय सव्वं पि ।।८५४९।। निद्धे महुरे य कहं सो अम्हे छड्डिही अपरिपीए । इय चितिऊण नियनियजलमाणुसियाण सीसेसु ।।८५५०।। आरोवियकलसेसुं अप्पाणं गोविऊण अइनिहुयं । खीरदहिघयसमुद्दा पविसंता सरणहेउं च ।।८५५१।।
एक्कारसहिं गाहाहिं कुलयं - कन्नाडलाडमेवाडगउडकरहाडचोडदविडाण । सिंहलकलिंगमालवतिलंगबंगंगमगहाण ॥८५५२।। कुंकणकच्छसुरट्ठामरहट्टयसिंधुअंधदेसाण । गुज्जरगज्जणयाईण जणवयाणं जणो जत्थ ॥८५५३॥ निवसंतो नज्जइ किर कइवयकालागमिस्स संहारं । आसंकिऊण विहिणा तयणंतरमणुयसग्गकए ।।८५५४।। नीसेसदेससंभवनाणाविहमणुयजाइबीयाणं । निरुवदृवं ति नाउं आणेउं संगहो व्व कओ ।।८५५५।।
चउहि गाहाहिं कुलयंजत्थ य पुक्खरिणीओ फलिहुज्जलसाउसलिलनिवहेण। कुंभुन्भवमुणिपाणासंकियचित्तेहिं तियसेहिं ।।५८५६।। नीरायरमज्झाओ आयढ्डेऊण रक्खणनिमित्तं । खित्तेणं अमएण व पडिपुन्नाओ समंतेण ।।८५५७।। तडनियडरूढनवनिबिडविडविपंतीहि पत्तछायाओ। अच्चब्भुयभूइसमनियस्स तस्सेव नयरस्स ।।।।८५५८।। दसणहेउं वसुहावहूए आणंदबाहभरियाओ । उन्नामियभुमयाओ पसारियाउ व्व दिट्ठीओ ।।८५५९।। जत्थ य सरोवरेसुं पुरतरुणीहिं जलस्स भरिऊण । दोहिं वि करेहि गहिउं उक्खित्ता नियसिरस्सुवरि ।।८५६०।। आरोहणकज्जेणं कुंभा सोहंति हिययदेसत्था । थणकलससमाणत्तणजाणणहेउं व संठविया ।।८५६१।। जत्थ य पुरजुवईणं सीसे जलभरियठवियकुंभाणं । सरतीरनिग्गयाणं समीवसंचरियदइयाणं ॥८५६२।। चेलंचलमारुयसंगदीवियाणंगअगणिदाहेण । सव्वंगविहरियाणं निवडंति घडा सिरेहितो ॥८५६३ ।। सीयत्तकारणेहिं अम्हेहिं सिरम्मि संठिएहिं पि । कह तप्पंति इमाओ वरईओ इय विसन्न व्व ।।८५६४।।
तिहि गाहाहि कुलयंजत्थ वहुमुहसोहाआणयणत्यं व अत्तणो बिबे । विडडेइ संघडेइ य कलाओ चंदो पइदिणं पि ।।८५६५।।
Jain Education International
For Private & Personal Use Only
www.jainelibrary.org
Loading... Page Navigation 1 ... 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 