Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 281

२४८
सिरिवम्मकूमारदेवभवो
पढमाओ विसालाओ सालाओं जायरूवमइयाओ। नाणारयणमयाओ साहपसाहाउ विविहाओ ।।७९८७।। वेरुलियमया पत्ता तवणिज्जमयाइं पत्तवेंटाइं। जंबूणयमिउपल्लवसुकुमालपवालकयसोहा ॥७९८८।। पवरंकुरग्गसिहरा विचित्तमणिरयणसुरहिकुसुमभरा । कुसुमभरनमियसाला अहियं मणनयणसुहजणया ।।८९।। अमयरससमरसफला सच्छाया सप्पभा सुहसिरीया। उज्जोयंता पासाइया य ते जाव पडिरूवा ।।७९९०।। तेसिं चेइयरुक्खाणमुवरि चिट्ठति सोत्थियाईया । अट्ठ य मंगलगा झया य छत्ताइछत्ता य ।।७९९१।। तेसिं पुरओ चेइयरुक्खाणं मणिमयाओं पेढीओ। अट्ठजोयणाई विक्खंभायामओ होति ।।७९९२।। उच्चत्तेणं चउजोयणाई अच्छाउ दंसणिज्जाओ। पत्तेयं पत्तेयं तासि उरि महिंदझओ ॥७९९३॥ सटुिं च जोयणाई उढ्डं उच्चत्तणम्मि नायव्वो । उव्वेहे विक्खंभे एगेगं जोयणं होति ॥७९९४।। वइरामया य लट्ठी वट्टासु सिलिट्ठमट्ठपडिघट्ठा । वरपंचवन्नकुडभीसहस्सपरिमंडियभिरामा ॥७९९५।। छत्ताइछत्तकलिया वाउद्दयविजयवेजयंतीया । गयणतलमणुलिहंती पासातीया य अभिरूवा ।।७९९६।। अट्ठमंगल जुया सझया छत्ताइछत्तजुत्ता य । तेसि महिंदझयाणं पुरओ पत्तेय पत्तेयं ।।७९९७।। नंदा पुक्खरणीओ एंगं जोयणसयं तु आयामे। विक्खंभे पन्नासं उव्वेहे जोयणा दस उ. ॥७९९८।। उदगरसेणं अमओवमेण पुन्नाओ ताओ पत्तेयं । पउमवरवेइयाए वणसंडेण य परिगयाओ ॥७९९९।। तासिं पुक्खरणीणं नंदाणं तिदिसितोरणाइजुया। चिट्ठति तिसोमाणगपडिरूवा वन्नणिज्जाओ ।।८०००। मज्झम्मि सुहम्माए सभाए मणिपेढियासमा रुइरा। सोलस य जोयणाई विक्खंभायामओ होति ।।८००१।। उच्चत्ते अट्ठ य जोयणाइं तीसे य उवरिभायम्मि। चेइयखंभो माणवगनामओ सव्वरयणमओ ॥८००२।। उच्चत्तं सर्टि जोयणाई एगं तु जोयणं तस्स । आयामो विक्खंभो अडयालीसं च अंसीओ ॥८००३।। अडयालीसं कोडीओ तह य अडयाल होति विग्गहिए। सेसं जहा महिंदज्झयस्स तह नेयमेयस्स ।।८००४।। बारस बारस उवरि हेट्ठा य विमोत्त जोयणाई तओ। मज्झे छत्तीस इ जोयणेसु चिट्ठति बहुफलगा ।।८००५।। रुप्पसुवन्नमया तेसु नागदंता य सन्ति वइरमया । तेसु च लंबमाणा रययमया सिक्कगा बहवे ॥८००६।। तेसुं च सिक्कएसं वइरामयवट्टगोलगसमग्गा। तेसु य निक्खित्ताओ चिट्ठति जिणाण सकहाओ ॥८००७।। ताओ विमलप्पभवरविमाणसंवासि देवनिवहाण। सुबहूण अच्चणिज्जाओ वंदणिज्जाओ सयकालं ।।८००८।। तस्स य चेइयखंभस्स उवरि अट्ठट्ट होंति मंगलगा। झयछत्ताईछत्ता पुरत्थिमेणं तु खंभस्स ।।८००९।। तस्स मणिपेढियाजोयणाइं अट्ठव होइ आयामो। तावइयं विक्खंभे उच्चत्ते जोयणा चउरो ॥८०१०।। तीसे उरि सीहासणं च परिवारवण्णयसमेयं । खंभस्स पच्छिमेणं मणिपेढी पुव्वपरिमाणा ।।८०११।। तीसे य उवरि एगं सवित्थरं अत्थिं देवसयणिज्ज । तस्स य नाणामणिमयपडिपाया होंति नायव्वा ।।८०१२।। सोवनिया य पाया नाणामणिघडियपायसीसाइं । जंबूणयामयाइं गत्ताई होति नेयाइं ॥८०१३।। नाणामणिमयविच्चा रययमती तूलिया मुणेयव्वा । तवणिज्जमया गंडोवहाणिया तत्थ विन्नेया ।।८०१४।। तह बिब्बोयणमिहलोहियक्खरयणेण होति निम्मवियं । तं सयणिज्जं उभओ समुन्नयं अवणयं मज्झे ।।८०१५।। सालिगणवट्टीयं सुरसारिपुलिणावदालसालिसयं। ओयवियखोमदोगल्लपट्टनिम्मियपडिच्छयणं ।।८०१६।। सुइरइयरयत्ताणं - रत्तंसुयसंवुयं सुरम्म च । स्यनवणीयाईणगकोमलयरलिफासं च ।।८०१७।। तस्सुत्तरपोरत्थिमदिसीए मणिपेढिया मणभिरामा । विक्खंभायामे अडजोयणउच्चत्तणे चउरो ।।८०१८।। तीसे य उवरि सट्टि जोयण उच्चत्तणम्मि उब्वेहे । विक्खंभम्मि य जोयणमेगं खुड्डो महिंदझओ ।।८०१९।।