Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिवम्मकुमारदेवस्मभवो
तत्थ य पहरणकोसं चोप्पालं नाम पूयइ तहेव । तयणु सुहम्मसहाए नीहरइ पयाइ सम्मुहओ ।।८१८३।। उववायरस सहाए तीसे गंतूण दाहिणे दारे । तत्थ सुहम्मसहाए गमेण पूयं कुणइ सव्वं ॥८१८४।। तत्तो पुरिथिमिल्लं नंदापुक्खरिणिमेइ तीसे वि । तोरणगतिसोमाणगपडिरूवे पूयइ तहेव ।।८१८५।। हरए वि कुणइ एवं अहिसेयसहाए वच्चए तत्तो। मणिपेढीसीहासणपमुहं तत्थ वि तहऽच्चेइ ।।८१८६।। तत्तो पुरथिमिल्लं नंदापुक्खरिणिमच्चइ तहेव । तयणु अलंकारसहं अहिसेयसहाविहाणेण ।।८१८७।। तो ववसायसहाए उवेइ तत्थ वि य लोमहत्थेण । पोत्थयरयणं परिमज्जिऊण दिव्वंबुधाराए ।।८१८८।। धोयइ पवरेहि तओं पूयइ कुसुमेहि सुरहिगंधेहिं । उग्गाहेइ य धूवं कालागुरुकंदुरुप्पभवं ।।८१८९।। मणिपेढियं च सीहासणं च तत्तो पमज्जणापुव्वं । धूवुग्गाहणपज्जंतमच्चए वच्चए तयणु ।।८१९०।। पुविल्लाए नंदापुक्खरिणीए तमेव तत्थ वि य । काउं बलिपेढीए गंतूण बलि विसज्जेइ ।।८१९१।। अह सो सिरिवम्मसुरो सद्दावित्ताभिओगिए देवे । आइसइ जहा भो भो देवाणुपिया! लहुं तुब्भे ।।८१९२।। विमलप्पभे विमाणे इमम्मि सव्वत्थ तियचउक्केसु । सिवाडगेसु चच्चरचउम्मुहेसुं महपहेसुं ।८१९३॥ पागारेसुं अट्टालएसु चरियासु गोपुरेसुं च । उज्जाणेसु वणेसु य वणराईसु य कुणह पूयं ।।८१९४।। इय तेण ते पभणिया आणंदसुनिब्भरा तओ गंतुं । सव्वं पि तहा काउं आगंतुं तस्स' साहेति ।।८१९५।। अह सो पुक्खरिणीए गंतु काऊण करचरणसोयं । तत्तो निग्गंतूणं एइ सहाए सुहम्माए ॥८१९६।। सामाणिया (इ) सुरनियरपरिगओ तूरमंगलरवेण । पुग्विल्लदुवारेणं पविसेऊणं सुहम्मसहं ।।८१९७।। सीहासणे निसीयइ पुवदिसाअभिमुहो तओ तस्स । अवरुत्तरेण तह उत्तरेण उत्तरपुरत्थिमओ ।।९१९८।। चउरो साहस्सीओ सामाणियसुरवराण चउसु पि । रयणमयाणं सीहासणाण सहसेसूवविसंति ।।८१९९।। दाहिणपुरत्थिमेणं अभितरपरिसा संभव सुराण। उवविसइ दिवड्ढसयं मणिमयसीहासणेसु तओ ।।८२००।। अड्ढाइज्जसयाई दाहिणदिसिमज्झपरिसदेवाणं । पच्चत्थिमदाहिणओ बाहिरपरिसाए देवाणं ।।८२०१।। चत्तारि सयाई मणिमएसु सीहासणेसुवविसंति । पच्चत्थिमेण सत्त उ अणीयवइणो निसीयंति ।।८२०२।। चउसु वि दिसासु तत्तो पत्तेयं आयरक्खदेवाणं । चउरो चउरो सहसा सोलस मिलिया उ सवेसि ।।८२०३।। चिट्ठति सया सन्नद्धबद्धकवया पिणद्धगेवेज्जा । आविद्धविमलवचिधपट्टया आउहकरग्गा ।।८२०४।। तिणयाई संधियाइं धणूणि वरवइरघडियकोडीणि । करकलियाइं वहता कंठकलावं च निसियमुहं ।।८२०५।। वम्मकर खग्गकरा पासकरा केइ गहियदंडकरा । रक्खोवगया गुत्ता विणएणं किंकरसमाणा ।।८२०६।। एवं इंदो व्व इमो सहानिविट्ठो सुरेहिं परियरिओ। बत्तीसपत्तबद्धं पेच्छइ नाडयविहि विविहिं ॥८२०७।। तस्स परिवारदेवा मणिमयमउडेहि दिप्पमाणसिरा। चूडामणिमंडियमत्थया य वित्थरियकतिल्ला ।।८२०८।। कनंतरुइरमणिमयकुंडलविणिहिज्जमाणगंडयला । कंठट्ठियवणमाला वच्छत्थललुलियहारलया ।।८२०९।। नाणामणिकंकण-कडय-तुडिय-केऊरथंभियभुयग्गा । पजलंतमुद्दियाजालकलियसयलंगुलीनिवहा ।।८२१०।। रयणकडिसुत्तयासत्तमल्लदामा नियत्थवरवत्था । गोसीसचंदणकयाणुलेवणा सुरहिनीसासा ।।८२११।। आजम्मं रोयजरामलसेयविवज्जिया विमलदेहा । थिरतारुन्ना अणिमिसनयणा मणसाहियत्था य ।।८२१२।। वामकरंगुलिरहनहमुहेसु पंचसु वि पंच सुरगिरिणो । लीलाए च्चिय आरोवयंति सयवत्तपत्तं व ।।८२१३।। उच्छालेति समुढे भामेति य भूमिमंडलं गयणे । इच्चाइ अणेयपयारसत्तिणो कामरू वा य ।।८२१४।।
Jain Education International
For Private & Personal Use Only
www.jainelibrary.org
Loading... Page Navigation 1 ... 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 