Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 283

२५०
सिरिवम्मकुमारदेवभवो
तीसेऽलंकारसहाए अत्थि उत्तरपुरत्थिमे भाए । ववसायसहा महती उबवायसहासमसरूवा ।।८०५३।। एत्थ य पोत्थयरयणं विन्नेओ तस्स वन्नओ एवं । रयणामयपत्ताई रिटामयकंठियाओ . य ।।८०५४।। तवणिज्जमओ दोरो नाणामणिनिम्मिओ हवइ गंठी । वेरुलियमयलिवासण रिट्ठमयं छंदणं होति ।।८०५५।। तवणिज्जमती तह संकला य रिट्ठामती मसी तत्थ । वइरामयलेहणि अखराइं रिट्ठामयाइं तु ।।८०५६।। सत्थं च धम्मियं इह ववसायसहाए तीए दिसिभाए। उत्तरपोरस्थिमए नंदा नामत्थि पुक्खरिणी ।।८०५७।। हरयसमाणसरूवा तीसे उत्तरपुरथिमे भाए । अत्थि महंतं एगं बलिपीढं सव्वरयणमयं ।।८०५८।। तम्मि विमाणे पढमं उववायसहाए जम्मठाणम्मि । देवत्तेणुववन्नो सिरिवम्ममहानरिंदरिसी ।।८०५९।। पज्जत्तो सव्वाहि वि पज्जत्तीहि महत्तमज्झम्मि । तरुणपुरिसो व्व जाओ सपमाणसमन्नियसरीरे ।।८०६०।। तस्स य देहपमाणं रयणीओ तिन्नि दोहि जत्ताओ। एक्कारसभाएहिं वीसइ अइरोवमा आउं ।।८०६१।। अह सो चिंतइ एवं पुवि पच्छा व कि मए किच्चं । किं व कयं मे सेयं पुरा भविस्सइ हियट्ठाए ॥८०६२।। एयं सिरिवम्मसुरस्स चितियं जाणिऊण तम्मि खणे । सामाणियतियसगणा तस्स समीवम्मि संपत्ता ।८०६३। मउलियकमलायारं आरोवेडं सिरम्मि करजुयलं । जयविजएणं वद्धाविऊण एवं वयंति तओ।।८०६४।। देवाणुपिया ! विमलप्पभे विमाणम्मि एत्थ अत्थि वरं । सिद्धाययणं एगं पडिमाणं तत्थ अट्ठसयं ।।८०६५।। जिणसंतियाण चिट्ठइ जिणदेहुस्सेहसमपमाणाणं । तह य सुहम्मसहाए माणवए चेइयक्खंभे ।।८०६६।। वइरामएसु गोलयवट्टसमुग्गेसु सन्निखित्ताओ। चिट्ठति सुबहुयाओ जिणिदचंदाण सकहाओ ।।८०६७।। ताओ देवाणुपिया ! तुम्हाण तहा विमाणवासीणं । अन्नेसि पि बहूणं तियसाणं पूयणिज्जाओ।।८०६८।। तो देवाणुपियाणं एवं चिय पढममेव करणिज्ज । पुदि पच्छा वि य एयमेव सेयं हियट्ठाए ।।८०६९।। अह सो सिरिवम्मसुरो तेसि सामाणियाण वयणमिणं। सोच्चा पहिट्ठहियओ सयणिज्जाओ समुठे इ ।।८०७०।। तो उववायसहाए दारेण पुरथिमेण नीहरिउं । हरयम्मि पुरथिमतोरणेण पविसेइ लीलाए ।।८०७१।। अह पुवतिसोमाणगपडिरूवगएण तत्थ ओयरइ । जलमवगाहेऊणं करेइ जलमज्जणं तत्तो ।।८०७२।। जलकिडं च करेत्ता जलाहिसेयं करेइ आयंतो । चोक्खो तो सुइभओ हरयाओ बहि समुत्तरइ ।।८०७३।। तत्तो अहिसेयसभं उवगच्छ।' तं पयाहिणेमाणो । पुव्वेणं दारेणं अणुपविसेऊण तो तत्थ ।।८०७४।। पुवाभिमुहो सीहासणम्मि मणिनिम्मिय म्मि उवविसइ। हरिसभरनिब्भरेहिं देवसमूहेहिं परियरिओ।।८०७५।। तो सामाणियदेवा सहावित्ताभिओगिए देवे । एवं वयंति भो भो देवाणुपिया! दुयं तुभे ।।८०७६।। सिरिवम्मसुरस्स उवट्ठवेह इंदाहिसेयमइविउलं । सुमहग्धं सुमहत्थं अह ते अभिओगिया देवा ।।८०७७।। सामाणियदेवेहि एवं वुत्ता पमोयपडहच्छा । तव्वयणं विणएणं सिरनिहियकरा पडिसुणित्ता ।।८०७८।। उत्तरपुरत्थिमं दिसिमवक्कमित्ता तओ समुग्घायं । वेउब्वियं करित्ता सुवन्नकलसाण अट्ठसयं ।।८०७९।। एवं रुप्पमयाणं अट्ठसयं जाव भोमकलसाणं । एवं भिगाराणं आयंसाणं च थालाणं ॥८०८०।। पाईणं सुपइट्ठाण तह य चित्ताण मणिकरंडाण । तह पुप्फलोमहत्थगचंगेरोपडलगाणं च ।।८०८१।। छत्ताणं चामराणं तेल्लसमुग्गाण एवमन्नेसि । अंजणसमुग्गगाणं जा धूवकडच्छ्याणं च ।।८०८२।। पत्तेयं पत्तेयं अट्टहिं अहियं सयं विउव्वंति । तो साहावियवेउव्विए य कलसाइए गहिउं ।८०८३।। ते आभिओगियसुरा गंतुं खीरोयहिम्मि गिण्हंति । सलिलं सयवत्तसहस्सवत्तनीलप्पलातीणि ॥८०८४॥ एवं च पुक्खरोए सव्वेसु दहेसु सव्वतित्थेसु । सव्वमहासरियासु य अंतरसरियासु सव्वासु ।।८०८५।।