Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
१८०
सिरिवम्मकुमारचरिय
ता तुज्झ पत्तयालं करणिज्जं संपयं किमेत्थ तओ । जंपेइ वसंतसिरी सयंवराहं गमिस्सामि ॥ ५७७० ॥ तायं विन्नविऊणं ठाटियस्सेव तस्स कुमरस्स । तो वणसिरीए भणियं जइ तत्थ गया तुमं कह वि ।। ५७७१ ।। तस्स न रुच्चसि चित्ते भविस्सए तो अईव लहुयत्तं । तो नियरूवं लिहिऊण तस्स पेसिज्जए इन्हि ।।५७७२ ।। तो इस दट्ठणं तुहरूवं होइ साहिलासमणो । तो इह सयं पि एही अहवा वच्चसि जइ तुमं पि ।। ५७७३ ।। तत्थ तहा विहु लठ्ठे तो एवं जंपए वसंतसिरी । एवं तया हु कीरइ होइ जया संसओ मज्झ ।। ५७७४ ।। जाव पुणनिच्छ ओ मे एसो च्चिय इह भवम्मि मह भत्ता । ताव न को वि वियप्पो कीरंतो सुंदरी होइ ।। ५७७५।। किं च सिरिवम्मकुमरो गरुओ दक्खिन्नसंजूओ दूरं । मं तत्थ सयं पि गयं नूणं चिय नो परिच्चयइ ॥ ५७७६।। ता वणसिरि गंतूण वइयरमेयं तुमं ममंबाए । वासवसिरीए पुरओ साहेहि जहा इमा तायं ॥ ५७७७ ।। विन्नविऊणं कारइ संवाहं मह सयंवरागमणे । तीए तह चेव कयं इयराए वि साहियं रन्नो ।।५७७८ ।। [ हक्कारिऊण रन्ना धूया भणिया तओ वसंतसिरी । पुत्ति ! सयंवरमंडवमिहेव कारेमि तुह हेउ ।। ५७७९ ।। हक्कारेमि समग्गे नरवइणो निवइनंदणे तह य । वसुहावलयपसिद्धे वरेहि सेच्छाए तेसु वरं ।। ५७८० ।। तो आह वसंतसिरी ताय ! अजुत्तं न तुम्ह वयणमिणं । जइ होइ मज्झ चित्ते वरविसए संसओ कोवि ।। ५७८१ । कीर एवं पितओ जाव पुणो वि गयसंसयं चेव । मज्झ मणो अणुरत्तं कुमरे सिरिवम्मनामम्मि || ५७८२ । तावक कारिज्जति भूसामिणो कुमाराय । मग्गागमणपरिस्स ममणत्थमत्थक्खओ तुम्ह ।।५७८३।। अह तीसे निब्बंधं वासवदत्तो निवो मुणेऊण । संवाहिऊण एयं कइवयकरि तुरय-रहसहियं ॥ ५७८४ ।। बहुपुरिससहायजुयं बहुवत्थाहरणदविणसंजुत्तं । चंदउरी नयरीए आगमणत्थं विसज्जेइ ।। ५७८५ ।। सा जाव वसंतसिरी अज्ज वि नियनयरओ न नीहरइ | सामग्गीए कयाए संचिट्ठइ पगुणिया जाया ।। ५७८६ ।। ताव इमं नाऊणं सुदंसणेणं महाबलसुण । सिक्खवणं दाऊणं तीसे पासम्म नियपुरिसा ।। ५७८७।। अब्भितरया दक्खा सुजत्तिजुयवयणकोसलसमेया । पट्टविया संपत्ता ते नरे वासवउरस्मि || ५७८८।। मयणपडिमागिहे तेहिं का वि पुट्ठा वसंतसिरिदासी । जह तुम्ह सामिणीए वयंसिया कारहस्त पयं ।। ५७८९ ।। उवलाभियाय तीए तंबोलाईहिं पवरवत्थूहिं । कहिया धणसिरि नामा पुणो वि सा पत्थिया तेहि ।।५७९० ।। अवरोहेण तुमं तीए सह दंसणं करावेहि । पडिवज्जिऊण तीए करावियं झत्ति तं तेसि ।। ५७९१ ।। उवयरिऊणं तंबोलमाइणा तेहि साहियं तीसे । जह अम्हे पट्टविया सुदंसणेणं निवसुण ॥। ५७९२।। तु सामिणी पासे विन्नत्ती तेण कारिया तीसे । अम्ह समीवाउ इमा जहा अहं मयणचरण ।। ५७९३ ।। दूरं दूमिज्जतो चिट्ठामि असरणो अणाहो य । तो केरं काऊणं अप्पणियं रक्ख मं तत्तो ॥ ५७९४।। गिन्हेऊण करं मह तुमं सहत्थेण अप्पणी दासं । काऊण मं वि मुंचह जेण सुही होमि सयकालं ।। ५७९४ । तो वणसरी भणियं तुम्हेहिं इहागएहिं वि किमेयं । नो विन्नायं जमिमा कयसंवाहा वसंतसिरी ।। ५७९६ ।। चलिया चंदउरीए सिरिवम्मकुमारबद्ध अणुराया । तेहि तओ संलवियं अम्हेहि य अम्ह पहुणाय ।।५७९७।। L दंतउरे विन्नायं पुणो व तो वणसिरीए ते भणिया । जइ नायं चिय एयं तो कह तुब्भे इमं वयह ।।५७९८ ।। हिंसा भणिया आएसगरेहिं सामिणो वयणं । करणिज्जं चिय भद्दे ! तत्थ वियारो न कायव्वो ।।५७९९ ।। ता अम्हाणं उवरि महापसायं तुमं करेऊण । नियसामिणीए पुरओ कहेहि विन्नत्तियं एयं ।। ५८०० ।। तो वणसरी एवं विक्कियं नियमणम्मि जह एयं । साहिज्जउ तीए पुरो उभयं पि जहाकयं होइ ।। ४८०१ ।।
1
Jain Education International
For Private & Personal Use Only
www.jainelibrary.org
Loading... Page Navigation 1 ... 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 