Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिमुनिसुव्वयजिणिदचरियं
२१७ पुरओ पच्छा य तह। कलि त्ति एए वि होंति वन्नेण । उवरि खुरीए जंघाए हेटुओ होइ वलिहत्थो ।।६९७०।। वलिवत्थसनीवत्था कुच्चा तम्मज्झओ पुणो वि किणा । कुच्चाणं पुण हेट्ठा खुरसंधी कुट्ठिया भणिया ।।६९७१।। तत्तो खुरा मह सिहा खुरपच्छा पन्हि सीसपन्हीओ । एवं चिय पायतलं पायतलट्ठा य मंडुक्की ।।६९७२।। कक्खा उ बाहुपच्छा कोडोयरमज्झओ भवे हिययं । नाहिहिययाण मज्झे उयरं तत्तो परा नाही ।।६९७३।। पासाई कक्खाणं पच्छा तत्तो हवंति कुच्छीओ । कुच्छीणुवरि कुकुंडुरतिगमज्झे होंति कुप्पाओ ।।६९७४।। गत्ताण तिण्ह संधी होइ तिगं तयणु साहियं जहणं । तयणंतरं च कहिओ पुच्छुवरि जहणनीरोहो ॥६९७५।। तस्सुभयओ वि कहियाओ भासलाओ हयस्स विबुहेहि। कहिया रोहिणिसंधीतिगस्स पासेसु दोसु वि य।।६९७६। जहणस्स अहे पुच्छं नीरोहं तं तु वत्तिया तत्तो । होइ सवाला पुच्छेण छाइयं पुण गुयं होइ ॥६९७७।। गुयभासलाण हेट्ठा फिउपिडा वट्टया य तदुभयओ। होति अवाणस्स अहे आसाणं सीवणी नाम ।।६९७८।। सत्थीण अंतराले वसणा तेसि च अग्गओ सिसिणं । रंधा तह उवरंधा ऊरूणं अंतरे होति ।।६९७९।। सत्थी उ पंडुमूले ऊरूण अहे य वत्तसत्थीणि । हेट्ठा य वत्तसत्थीण जाणियव्वाओ थूराओ ।।६९८०।। थूराणं पुण हेट्ठा नायव्वा होंति मंदिराओ त्ति । तासि पि पुणो हेट्ठा तप्पुवाओ य नेयाओ॥६९८१।। तुरयसरीरावयवाभिहाणकहणं कयं समग्गं पि। एएसु लक्खणाइं होंति सुहाइं च असुहाई ॥६९८२।। रणसीह ! तो इमं जं तुरयसहस्सं तुम कहसि मज्झ । केणइ केणइ अवलक्खणेण तं दूसियं सव्वं ॥६९८३।। एयस्स संतिया जं एए तुरया अओ इमस्सेव । अप्पेमि इमे अन्नह एरिसए देमि नेव अहं ॥६९८४॥ सेणावइरणसीहं इय बोहेऊण तस्स पासाओ। तुरए पट्टावेउं सुदंसणकए सयं तत्तो ॥६९८५।। काऊण मज्जणाई गिहपडिमं पूइऊण मुणिवग्गे । पडिलाभियम्मि भुत्ते सावयवग्गे समग्गे य ॥६९८६।। भोयणसमयम्मि तओ हक्कारेउं सुदंसणं कुमरं । सिरिहरिसं वरदत्तं अन्ने वि य दूसलाईए ॥६९८७।। तेहिं समं भोत्तूणं दावेऊणं सुदंसणाईणं । तंबोलं गहिऊणं सयं च घणसारसंजुत्तं ॥६९८८।। खणमेगं गमिऊणं कहाहि आइसइ दूसलं तत्तो । रहजत्तं कारिस्सं पभायपभिई दिणे तिन्नि ॥६९८९।।। तेण तए मोत्तव्वा गोत्ती सव्वा वि तिन्नि वि दिणाई। कारेयव्वममारीघोसणयं सयलनयरम्मि ।।६९९०।। एवंविह आएसे ससंभमं दूसलेण पडिवन्ने । सेसं विसज्जइ जणं सकज्जनिरओ सयं होति ॥६९९१॥ नवमदिणाओ पभिई रहजत्तं कारिऊण भूईए । संघं वत्थाईहिं सम्माणेऊण नीसेसं ॥६९९२।। खामेउं अणुजाणाविउं च वासवपुरम्मि गमणत्थं । पत्थाणे ठाइ सयं जत्ता अणुकूलदियहम्मि ॥६९९३।। सम्माणिउं विसज्जइ सिरिहरिसं तेण सह निरूवेउं । नियपुरिसं केलपसायनामयं सिक्खवेऊण ।।६९९४।। एगं सुवन्नलक्खं दाऊण सुदंसणस्स कुमरस्स । तत्तो देइ पयाणं पुरओ वासवपुराभिमुहं ।।६९९५।। गहियावासम्मि तओ सहप्पणा भोयणं करायेउं । दूसणसेणाहिवई सम्माणेउं विसज्जेइ ।।६९९६।। वच्चइ सयं तु पुरओ सिरिवम्मागमणसाहणनिमित्तं । वासवदत्तसमीवे वरदत्तो पेसए पुरिसं ॥६९९७।। तत्तो पुरिसाओ निसामिऊण सिरिवम्मकुमरपरिणीयं । नियधूयं तह सेन्नेण तस्स लीलाए बंधेउं । ६९९८।। गहियं सुदंसणं पहरिसेण पूरिज्जमाणसव्वंगो । वासवदत्तनरिंदो तस्स बहु कुणइ सम्माणं ॥६९९९।। एत्तो कज्जवसेणं केणइ तत्थागयाए तम्मि खणे । वासवसिरिदेवीसंतियाए दासीए तं निसुयं ॥७०००।। तत्तो तीए रहसूसुयाए राया न किं पि नियकज्जं । विन्नत्तो विन्नत्तं तं पुण गंतूण देवीए ॥७००१।। जा तीए समं देवी चिट्ठइ पहरिसकहाओ कुव्वंती । वासवदत्तनरिंदो ताव सयं चेव ओरोहे ॥७००२।
Jain Education International
For Private & Personal Use Only
www.jainelibrary.org
Loading... Page Navigation 1 ... 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 