Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
२२४
सिरिवम्मकुमारचरि
दट्ठूण पाडलच्छो गिम्हो भुवणं समग्गमवि तवियं । वियइल्लफुल्लदसणो हसइ व नियवीरियस गव्वो ।। ७२०० ।। इह पाएण मणुस्सा वियरंति दिवा वणंतरालेसु । थेवस्स वि रवितेयस्स नेय दिन्नप्पवेसेसु ।।७२०१।। सरियासु सरवरेसु य पुक्खरणीसु य जलस्स अवगाहं । सुइरं विरयति तहा पविसंति निगुंजझुंपेसुं ॥ ७२०२ ।। जलजंतसलिलधारा सित्तेसु चउद्दिसि बहि अंतो । लिपति तनुं चंदणरसेण घणसारमीसेण ॥।७२०३।। अच्छाई सम्हाई लहूणि परिहति तह दुगुल्लाई । कप्पूरागुरुकंदुरुतुरुक्कधूवेण सुरहीणि ॥ ७२०४।। वायामायवमंबिलकडुलवणरसे य नेय सेवंति । न करेंति मज्जपाणं पियंति सीयलजलं विउलं ॥।७२०५।। नवमिम (म्म) यभायणसंठियाणि सुरहीणि सीयलाई च । महुराई पाणगाई पियंति बहुसक्करजुयाई ।। ७२०६।। अन्नं पिसाउ सीयं दवं घयं सालिखीरदक्खाओ । नालियरवारिसक्करमनिलम्मि उ तालियंटाण ।।७२०७।। हारं मालं कमणुप्पलेहिं कलियं मुणालवलयं च । चंदणविलित्तदेहं जुवई च इमाई सेवंति ।। ७२०७८।। धारागिहे दिहे सुयंति रयणीए अंबरतलम्मि । सयणम्मि सुरहिवियसियकुसुमसनू हेहिं अत्थरिए || ७२०९।। गहिए वसंतरज्जे गिम्हेण तओभिसंकियमण व्व । मयणं वसंतमित्तं थेवं सेवंति तरुणा वि ।। ७२१० ।। इन्निएण विहिणा सिरिवम्मेण वि नरिदतणएण । गमियम्मि गिम्हसमए वासारतो समणुपत्तो ।। ७२११।। जत्थ गयणाडवीए मेहमहामहिहरेसु मलिणेसु । दावानलजालाओ व विज्जुलयाओ झलक्कंति ।। ७२१२ ।। गज्जारवो विसट्टइ सद्दो व्व फुडंतवंसनिवहाण । खज्जोय गणुज्जोया वाउया सिहिकण व्वं । ७२१३॥ रुद्धो रविकरपसरो जलहरनिवहेहिं नहयले सयले । तेण कयं जलसोसं सुमरंतेहि व कुविएहिं ॥ ७२१४।। गिम्हसमएण भुवणं सव्वं संतावियं निएऊण | कालनिवेण निउत्तो पाउससुहडो तदुवरिम्मि ।।७२१५।। तेण सहस त्ति गयणे गज्जंती गयघड व्व घणमाला। सज्जीकया झरती मयप्पवाहं व जलनिवहं ।। ७२१६ । । गिम्हसमयस्स उम्हा भुवणं अवभिऊण आसिट्ठिओ । जो तस्स नासणकए विसज्जियं तेण जलसेन्नं ।। ७२१७।। आवडियमेत्तमेव य जलसेन्नं तेण उम्हसुहडेण । तह गसियं सव्वं पि हु जह न ठिओ वत्तकहगो वि ।।७२१८।। तत्तो सविसेसं चिय विभिओ उम्हसुहडसंघाओ । सव्वम्मि वि भुवणयले नियसामत्थेण परितुट्ठो ।। ७२१९।। तह तं वियंभमाणं दट्ठ नियपक्खपरिभवं च तओ । रुट्ठे घणेहि तुट्ठ व वारिधारासरसएहि ।। ७२२० ।। निन्नासिऊण उम्हं सयलं पि महीयलम्मि लद्धपयं । जायं जलं विवक्खे हयम्मि सव्वो लहइ लच्छि |।७२२१।। उच्चपएसेसु जलं अलद्धठाणं अहोठियं गंतुं । उन्नइपत्तो अन्नुवरि देइ होउं न इयरस्स ।। ७२२२।। अतिसयरसुक्कडाओ अंतोकलुसत्तणं वहंतीओ । असतीउ व्व नईओ उम्मग्गेणं पयट्टाओ ।।७२२३।।
थासि न जलबिंदू व ते वि जाया जलासया विउला । जो होइ जया उइओ तस्स तया पसरए पक्खो ।। ७२२४ ।। नवनिग्गयहरियंकुरनियरा सव्वत्थ वसुमती सहइ । घणवारिसिसिरमारुय संगेणुद्ध सियरोम व्व ।। ७२२५ ।। पुव्वमणावरणाए पकीलियं सह घणेहिं पुहईए । अह हित्थाए व नवतणपडेण पच्छाइओ अप्पा ।। ७२२६ ।। चिरकालमिलियजलहरसुहिसंगमपमुइयं सिहिकुडुंबं । केयारवेहि गायइ नच्चइ विप्फारियसिहंड ।। ७२२७।। उद्दामदप्पकलियं दद्द रकुलमहिणवं समुब्भूयं । उच्चयरकयविरावं थुणइ व जलवाहमाहप्पं ।। ७२२८ ।। ठाणठाणेसु ठिया सहति इह इंदगोवसंघाया । घणगहियजलहिजल सहियमुक्कदलियप्पवाल व्व ।। ७२२९ ।। परपुरिसमभिसरंतं घणतिमिरबलेण पंसुलीवग्गं । सव्वंगं पि धुणंती तडिल्लया किर निवारेइ ।। ७२३०।। जलभरभिन्नं वसुहं सुहेण फालेंति पामरा पुरिसा । लीलाए परिभविज्जइ परेहिं जडसंगओ सव्वो ।। ७२३१।। सव्वंसहा विसययं दिन्ननिवासा वि सयलरयणाण । लोहसएहि खोणी खणिज्जए नंगलग्गेहि ।।७२३२ ।।
Jain Education International
For Private & Personal Use Only
www.jainelibrary.org
Loading... Page Navigation 1 ... 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 