Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिमुनिसुव्वयजिणिदचरियं
३२५ पाएण इह मणुस्सा पुराणगोहूमसालिजवभत्तं । भुंजंति पियंति तहा कूवसमुत्थं जलं लहुयं ।।७२३३।। परिसुक्कं लहुनिद्धं उण्हं लवणंबिलं च सेवंति । जेण न कुप्पइ पवणो न पीणसोतं व इयरं पि ।।७२३४।। चिट्ठति अदूरासनमुक्कअंगारसगडिए भवणे । घंसणउव्वणन्हाणधूमगंधागुरुपिया य ।।७२३५।। आरूढा जंति करेणुयासु वरवत्थकुसुमकयसोहा । वायाममक्ककिरणे पयगमणं दियहसयणं च ।।७२३६।। नइजलपाणं अइमेहुणं च वज्जति अतिदवाहारं । इय अतिकंते पाउसकालम्मि समागओ सरओ ।।७२३७।। मेहावरणविमुक्कं जायं सयलं पि नहयलं विमलं । परिमुक्कपंकपडला जाया मग्गा वि पाएण ।।७२३८।। कालवसा जइ वि रवी मेहेहिं कओ तिरोहियपयावो। कइवि दिणाई तह विहु पुणो वि जाओ दुगुणतेओ।।७२३९।। सविसेसं (सं) पत्तो जुन्हाविमलत्तणं मयंको वि । कुसुमियकासपयासियमुहीउ जाया दिसिवहूओ ।।७२४०।। बहुसलिलपाणवसओ उट्ठियसासं वसुंधरं दटुं । उन्हुण्हेहिं करेहि फासइ निच्चं सहस्सकरो ॥७२४१।। संपन्नतंदुलाई दियंतपसरंतपरिमलगुणाइं । सालिवणाई कीरा सरंति पायडियमुहराया ।।७२४२।। अब्भवहरिऊणं पइदिणं ति सुस्साउ अहिणवंकूरं । उवचयसंपत्तपयं जायं गोमंडलं सयलं ॥७२४३।। चत्तकलसुत्तणाइं अंतो विमलत्तणं पवन्नाई । सेवंति रायहंसा जलासयाई पि नीसंकं ॥७२४४।। उम्मग्गपरिब्भमणं पुव्विल्लं अत्तणो सरेऊण । लज्जाए व नईओ परिसंकुइयाओ जायाओ ।।७२४५।। इह कुव्वंति मणुस्सा विरेयं (गंय? ) रुहिरकड्ढणं पायं । अब्भवहरन्ति सीयं लहुयं अन्नं च पाणं च।।७२४६।। गोहूमसालिसट्ठियजवमुग्गे सक्करं महुपडोलं । दक्खं साउ कसाए तित्ते य रसे निसेवंति ॥७२४७।। रविकरतत्तं दियहे निसाए पल्हाइयं ससिकरेहि । सलिलं पियंति निव्विसमगत्थिउदएण निम्मवियं ।।८२४८।। सिसिरोसीरविलित्ता पलहुयविमलंबरा सकुसुमा य । सेवंति चंदजुण्हं उण्हहरं जामिणिमुहम्मि ।।७२४९।। तित्ति दहिआयवखारतेल्लवससम्मुहानिलं मज्जं । दियह निद्दाकरणं वज्जति तु सारसंगं च ।।७२५० ।। एवं पयट्टमाणे समए सरयस्स कुमरसिरिवम्मो । दंतउरे गंतुमणो लद्धावसरो निवं जाव ।।७२५१ ।। किर विनविस्सइ तओ हयसाहणिएण तत्थ आगंतु । विन्नत्तं देव ! जहा सारंगतुरंगमो इण्हि ।।७२५२।। अइसयदुट्ठो जाओ दंतेहिं पुरोठियं नरं डसइ । पच्छागयं तु निहणइ पच्छिमपाएहि समतालं ।।७२५३।। वल्लीए तेण इमं छोडेउं को वि सक्कए नेय । दूरट्ठिएहिं उल्लालिऊण निक्खिप्पए घासो ।।७२५४।। तस्स पुरो पाणीयं निक्खिप्पइ गरुयकट्ठजोएण । अढोइज्जइ खाणं पुण न को वि बंधइ दिणं तइय ।।७२५५।। पुरओ पुण बज्झंतं कहकह वि हु आसि जाव दुसृत्तं । थेवं चिय पयडतो इन्हि माणाहिओ जाओ ।।७२५६।। इय हयसाहणिएणं विन्नत्ते नरवई कुमरभणियं । पुव्वुत्तं सरिऊणं विम्हयपूरिज्जमाणमणो ।।७२५७।। सिरिवम्मकुमारेणं सह गंतुं मंदुराए तं तुरयं । कहियसरूवं दटुं तं कुमरं एवमाइसइ ।।७२५८।। जह चेव तए कहियं पुरा सरूवं इमस्स तुरयस्स । तह चेव य तं जायं ता सिक्खावेहि तुममेयं ॥७२५९।। रन्नो उवरोहेणं तं तह पडिवज्जिऊण कुमरेण । विन्नतं देव ! जहा वित्ते सरए इय करिस्सं ।।७२६० ।। जम्हा गिम्हाईयं उउत्तिगं सव्वसत्थयारेहिं । हयवाहणे निसिद्धं हेमंताइतियमणुनायं ।।७२६१।। रना भणियं इन्हि सरयस्स तिभागमेव अवसेसं । तम्मि गयम्मि तुरंगो वाहेयव्वो तए एसो ।।७२६२।। किंतु परं इह एयं न को वि सक्किहइ खाणपाणेहिं । परिपालेउं तम्हा निययावासम्मि नेहि तुमं ॥७२६३।। अह रन्नो वयणाणंतरं पि कुमरेण नियनरा तरुणा । बत्तीसं आहूया मल्ल व्व महाबलिट्ठयरा ।।७२६४।। चत्तारि खाइराओ दीहयराओ दढाओ वलियाओ। आणावेउं तत्तो एक्केक्का अप्पिया वलिया।।७२६५॥
Jain Education International
For Private & Personal Use Only
www.jainelibrary.org
Loading... Page Navigation 1 ... 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 