Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
२३२
सिरिवम्मकुमारचरियं
तयणु महाबलराया जंपइ पढमं पि अम्ह सचिवेण । आसि निसिद्धं एयं परं मए एरिसं विहियं ।।७४६२।। इण्हि तु तस्स दोसे दिट्टे सचिवेण अहमुवालद्धो । तो तेण समं सुवियारमंतिणा जंपउ कुमारो ।।७४६३।। तो तुह जस्स य जं होइ सम्मयं तं अहं अणुढेमि । अह एयं निववयणं पडिवज्जइ कुमरसिरिवम्मो ।।७४६४।। अह राया सुवियारं मंतिं हक्करिउं भणइ एवं । कुमरसुदंसणविसए सद्धि सिरिवम्मकुमरेण ।।७४६५।। तुम्हेहि मंतिऊणं जं किंचि वि उभयसम्मयं होइ। तं अम्ह कहेयव्वं इय भणिउं उट्ठियं तत्तो ।।७४६६।। जवणियपिहिए सयणे गंतूण निवज्जए तयासन्ने । मंतिकुमराण वयणं जंपिज्जतं निसामेइ ।।७४६७।। चितइ य अम्ह मंती नियबुद्धीए गुरुं पि तियसाण । मन्नइ जडं व इण्हि नायव्वमिमस्स सामत्थं ।।७४६८।। मइनिज्जियसुरगुरुणा कुमरेण समं पयंपमाणस्स । कुमरेण मंतिणा सह काऊणं कं पि आलावं ।।७४६९।। तक्कालुचियं अन्नं पत्थुयवत्थम्मि तो पयंपेइ । सचिव ! सुदंसणविसए को तुम्हं फुरइ अभिपाओ? ॥७४७०।। जोग्गो रज्जस्स इमो अहव न जोग्गो? तओ भणति मंती । कुमर! जया होसि तुमं तया न अन्नस्स अवयासो कज्जविणिच्छयकरणे इय भणिए मंतिणा भणइ कुमरो। धणियं पि सुमइणो जइ अम्हे तह वि हु सिसुप्पाया तुम्हे परिणयमइणो थेरा बहुदिट्ठकज्जपरिणामा । जं जाणह तं अम्हे कहमवि नो जाणिउं सक्का ।।७४७३।। तो मंती भणइ जहा वलिपलियाइं न कि पि जाणंति । कज्जविणिच्छयजणणी पन्ना सा तुम्ह अइविमला।७४७४। थेरेहिं वि अम्हेहिं वइरपरिक्खा न सक्किया काउं । तुम्हेहि दिट्ठमेत्तम्मि तम्मि निव्वाडियं तत्तं ।।७४७५।। तो जंपइ सिरिवम्मो पुणरुत्तेणं किमेत्थ भणिएण। एयम्मि रायवंसे कमेण तुम्हाण मंतिपयं ।।७४७६।। ता इह कज्जं अन्नं पि सह तए होइ मंतिउं उचियं । कह पुण रज्जारिहपुरिसमंतणं होति तुह बझं ।।७४७७।। जम्हा सुहमसुहं वा इहच्चयं तुम्ह सव्वमारुहइ । आगंतुया उ अम्हे विणासिउं चेव वच्चामो ॥७४७८।। न उण यिण? कज्जे अम्हाणं किंचि एइ मज्झम्मि। तुम्हाणं चिय चिंता संजायइ तत्थ सव्वा वि ।।७४७९।। किच महाबलरन्नो तुम्हाणमएण सव्वमवि कज्जं । कायव्वं पडिहासइ न अन्नहा निच्छओ एसो।।४८०।। तो सुवियारो पभणइ रन्ना सह को वि निच्छओ तह वि । तुम्हेहि अत्थि विहिओ इह कज्जे अम्ह वि परोक्खे ।। कुमरो जंपइ काउं इच्छामो निच्छ्यं बहुं अम्हे । किंतु महाबलराया तुम्हेहिं विणा न तं कुणइ ।।७४८२।। पभणइ पुणो वि मंती रन्ना सह तुम्ह कोवि संलाबो । जो जाओ इह कज्जे तं साहह ताव पढमं पि ।।७४८३।। तो कुमरो तं साहइ सव्वं पि हु तस्स मंतिणो पुरओ । ता जाव तत्थ रन्ना मंती हक्कारिउं वुत्तो ।।७४८४।। अह पभणइ सो मंती आयन्नसु कुमरा कारणं जमिह । कुमरसुदंसणविसए पडिसेहे मज्झ कायव्वे ।।७४८५।। दंतउराओ दाहिणदिसाए चउकोसअंतरे अत्थि । खीम्बजदेवीए पुरं जणसंकिन्नं सपायारं ।।७४८६।। तीसे देवीए भोप्पयस्स आएसकारओ एक्को । तस्स य धूया सा बालविहविया दुलहिया नाम ।।७४८७।। सा य सहावेणं चिय रूवेण मणोहरा विसेसेण । जोव्वणमारोहंती तओ पिया से विचितेइ ।।७४८८।। जह देमि कस्सइ इमं घरगरणेणाणुरूवपुरिसस्स । नाऊण तस्स भावं भोप्पेण तओ निसिद्धो सो।।७४८९।। भणियं च जहा एयं अहं सहत्थेण कस्सइ नरस्स । दाहामि तए चिंता कायव्वा का वि न इमीए ।।७४९०।। भोप्पयभएण अहसा तीसे जणएण कस्स वि न दिन्ना। जम्हा लद्वमणो सो तीसे सयमेव संजाओ ।।७४९१।। धूयत्ताए संभासिऊण समुहेण तंसि सुत्तम्मि । जोब्वणपत्तं पि तओ न सेवए लोयलज्जाए ।।७४९२।। एमेव दिट्ठिछूहं धरेइ सयलं पि सो अहोरत्तं । आएसदाणमिसओ तह चेव गमेइ दियहाइं ।।७४९३।। वत्थाईयं पि न देइ सुंदरं भोप्पओ तओ तीसे । जमिमा कयसिंगारा लोएण विणासियव्व त्ति ।।७४९४।।
Jain Education International
For Private & Personal Use Only
www.jainelibrary.org
Loading... Page Navigation 1 ... 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 