Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिमुनिसुव्वयजिणिदचरियं
२३७ चिरपरिचिओ वि देसंतरेसु नियविक्कम पयडिऊण। जं परिणिऊण भज्जाओ आगओ अज्जियजसोहो । तेण सिरिवम्मकुमरो पत्थव्वस्स वि जणस्स संजणइ। आजम्ममदिट्ठो इव अवलोयणकोउयं गरुयं ।।७६२७।। सिरिवम्मकुमारस्स वि चंदउरी परिचिया वि चिरकालं । साणंदजणविणिम्मियसोहाइसया समंतेण ॥७६२८। ठाणे ठाणम्मि निबद्धगेयनडाइमणहरायारा । सविसेसदंसणिज्जा जाया पुव्वं अदिट्ठ व्व ।।७६२९।। नयरि निज्झायंतो पेच्छिज्जतो य नयरिलोएण । थुइमंगलवयणाई निसुणतो पेच्छयजणस्स ।।७६३०।। रायाणमग्गलग्गो सहइ विसंतो पुरीए सिरिवम्मो । अमरावइनयरिए सक्केण समं जयंतो व्व ।।७६३१।। पत्तो निवधवलहरे पढम पि निवेण सह तओ तेण । अणुनाओ गंतणं नियजणि नमइ पुन्नसिरिं ॥७६३२।। सा वि हरिसंसुपूरियनयणा अवगृहए दढं तणयं । सीसम्मि चुंबिऊणं आसीसं देइ तो तस्स । ।७६३३।। जणणीए तो एसो कुसलकहापसिणपुव्वमालावं । कि पि करेऊण खणं विसज्जिओ चुल्लमाऊणं ।।७६३४।। कंचुइवयणेण समागयाण तत्थेव कुणइ पणिवायं । ताओ वि दिति आसीसमुत्तरीयं अंचलं भमिउं ।।७६३५।। ताहि वि सममालावं काऊणं कि पि जाइ निवपासे । तं नमिऊणं तेण वि विसज्जिओ वयइ नियभवणं ।।७६३६।। तयणु वसंतसिरीपभिइयाओ सव्वाओ तस्स भज्जाओ । पुनसिरीपमुहाणं नमति सव्वाण सासूणं ।।७६३७।। नमिउट्ठियाउ ताओ कमेण आलिंगियाओ सासूहिं । आलिंगणावसाणे पएसु तासि पुण पडंति ।।७६३८।। लद्धासीसाउ तओ ताओ दिन्नासणेसूवविसंति । जो पुत्तदंसणेणं जाओ देवीण परिओसो ।।७६३९।। सो अणुरूववहूणं दसणओ बहुगुणो समुप्पन्नो। त रूवविम्हियाओ देवीओ जाव चिट्ठति ॥७६४०।। पासंतीओ अणिमिसदिट्ठीहि वहयणस्स वयणाई। ताविह खणे बहूणं वड्डमहेलीहि आणेउं ।।७६४१।। नाणाविहवत्थाणं आहरणाणं च णेगठाणाई । पुन्नसिरीए पुरओ मोत्तुं उग्वाडिऊणं च ।।७६४२।। सव्वाइं दंसियाई एक्कक्कीए वहूए अभिहाणं । अणुकमसो गहिऊणं एवं अमुगीए अमुगीए ।।७६४३।। वत्थाहरणातीयं आणीयं देवि ! सव्वदेवीणं । जोग्गं देवस्स इमं एयं च पहाणपुरिसाणं ।।७६४४।। तह विन्नत्तं एवं खज्जगसुक्कफलउल्लफलभरिया । चिट्ठति बह सगडा समागया दारदेसम्मि ।।७६८५ ।। अप्पावह थालाई खिविऊणं तेसु खज्जगातीयं । एत्थ जहा आणिज्जइ देवीए पायमूलम्मि ।।७६४६।। अह तीए कंचुगिणं पेसेउमिमं कहावियं रन्नो । सो वि हु पडिहाराओ अप्पा-ऊण थालाई ॥७६४७।। आगंतुं ओरोहे उवविट्ठो सव्वमप्पणो बिइयं । अप्पावइ देवीणं वत्थालंकारमातीयं ॥७६४८।। जंपइ य निवो देवीण सम्मुहं जह पुणो वि नियपुत्तं । परिणावह धूयाओ अन्नेसि महानारदाण ।।७६४९।। जह वत्थाहरणाणं लाहो पुण एत्तिओ हवइ तुम्ह । बैंति तओ देवीओ अम्हं तुम्ह पसाएण ॥७६५०।। वत्थाहरणातीहिं न कि पि खूणं पुरा वि सविसेसो । अज्ज वि अन्नो लाहो देवाओ हवइ णे निच्च ।।७६५१।। अह राया नाऊणं देवीवयणस्स तस्स भावत्थं । पयर्ड पि ईसिहसिओ देवीण मुहाइं पासंतो ।।७६५२।। सेसं जं निवजोग्गं पहाणपूरिसाण जोग्गयं जं च । तं रन्ना भंडारे नियए अप्पावियं सव्वं ।।७६५३।। एत्थंतरम्मि खज्जगसुक्कोल्लफलाणभरियथालाइं। तह वंससुंडयाई कम्मयरेहिं च दासीहि ।।७६५४।। आणेउं मुक्काई तत्थ तओ ताहिं वड्डमहिलाहिं । रन्नो निवेइयाई अह दलृ ताई भणइ नियो ।।७६५५।। कीयं पि होति अन्नं दक्खाखज्जूरखारकातीयं । सज्जोक्क पक्कन्नं इन्हि चिय कह इमं जायं ।।७६५६।। ताहि तओ पडिभणियं हिज्जो दियहावसाणसमयम्मि। एत्तो कोसदुगंते गहिओ कुमरेण आवासो ।।७६५७।। जम्मि खणे तक्काले तत्तो अम्हेहि पेसिया पुरिसा । इह तेहि खज्जगावणवणिया भणिया धणं दाउं ।।७६५८।।
Jain Education International
For Private & Personal Use Only
www.jainelibrary.org
Loading... Page Navigation 1 ... 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 