Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिवम्मकुमारचरियं
अम्हे सिरिवम्मकुमारकिंकरा चेव देव ! चिट्ठामो । उट्ठ तग्गुणसंकमणवइयरे निच्छओ नत्थि ।। ७५९४ ।। सिरिवम्मो पुण नियगुणकहा समायन्नणेण सव्वंगं । संकुयइ अहोदिट्ठी रविकरसंगेण कुमुयं व ।।७५९५।। इयदि पि परिवड्ढमाणआणंदनिब्भरमणेण । सम्माणिज्जंतो नरवरेण सिरिवम्मवरकुमरो ।। ७५९६।। तत्व कवि दिय गमेइ अह अन्नवासरे तत्थ । सिरिउरवइणो धूया चंदसिरी नाम संपत्ता ।। ७५९७ ।। तीसे इमा पइन्ना राहावेहं करेइ जो को वि। सो मं परिणइ अन्नह नो परिणावेमि अप्पाणं । । ७५९८ ।। एवं च तीए पेसियपुरिसेहि सूरपालरायस्स । पुरओ आगंतुणं सहानिसन्नस्स विन्नत्तं ।। ७५९९।। तेण वि तेसि वयणं अणुमन्तेउं विसज्जिया लहु ते । अह सूरपालराया विसज्जए सयलमत्थाणं ।।७६०० तत्तो उट्ठेऊणं एगंते वीरपाल मंगरुहं । हक्कारिऊण पुच्छर राहावेहम्मि सामत्थं ।।७६०१ ।। सो न कहइ निच्छयओ नियसत्ति तत्थ तो वयइ राया । एवं राहावेहे न जुज्जए तुज्झा आरंभो ।।७६०२ ।। मज्झवि न जुत्तमे सत्तिजयस्स वि जओ दुवे दोसा । मह कन्नालोहों तुह राहावेहे अकुसलत्तं ।।७६०३।। कन्ना वि अपरिणीया जइ वच्चइ तह वि दूसणं गरुयं । तम्हा सिरिवम्माओ राहावेहं करावेउं ।।७६०४।। एसा परिणाविज्जइ समागया दूरदेसओ कन्ना । तो भणइ वीरपालो एवं चिय जुज्जए इहि ।।७६०५ ।। अह तक्खणे वि रन्ना भणिओ हक्कारिऊण सिरिवम्मो । सब्भावकहणपुव्वं तेण वि उचियं ति पडिवन्नं । ७६०६। अह अन्नसोहणदिणे सा राहावेहपुव्वयं तेण । परिणीया चंदसिरी अणुरूवा गुरुविभूतीए ।।७६०७ ।। अह नरपुंगवरन्ना सिरिवम्मकुमारमागयं नाउं । नयरम्मि सारिवदे पट्ठविया नियमहापुरिसा ।।७६०८।। तस्साहवणनिमित्तं आगंतुं तेहि सूरपालस्स । रन्नो तं विन्नत्तं तेण वि सम्माणि सिग्धं । । ७६०९ ।। सह सव्वकलत्तेहिं विसज्जिओ सो अखंडियपयाणो । चंदउरीए पुरीए पत्तो सिरिवम्मवरकुमरो ।।७६१० ।। नयरीए आसन्नं समागयं जाणिऊण सिरिवम्मं । नरपुंगवो वि राया पच्चोणीए वि णीहरिओ || ७६११। गामनगरागरागं लोओवि समागओ बहू तत्थ । नयरीपवेसदियहं सोउं सिरिवम्मकुमरस्स ।।७६१२।। मंचाइमंचकलिया चंदउरी अमरलोयनयरि व्व । कुमरागमणम्मि कया अणागयं निवनिओगेण ॥। ७६१३।। सिम्मो वि कुमारोदिट्ठिगए सजणए गयवराओ । ओयरिऊण पणमइ महीयले मिलियपंचंगो || ७६१४ ।। या विकरिदाओ ओरुहिउं कयपणाममंगरुहं । उट्ठविडं अवगूहइ अइगाढं मुत्तमिव नेहं ॥।७६१५ ।। निययसरीरस्संतो तस्स सरीरं पवेसयंतो व्व । अह सीसे चुंबेउं विसज्जिए तम्मि नरनाहं ।।७६१६ ।। करिणीहित हेट्टा ओयरिऊणं कुमारभज्जाओ । पणमंति उत्तरीयावरियमुहीओ महियलम्मि ।।७६१७।। जाणुसिरकरयलाई मेलेऊणं तओ कुमारेण । सह जे समागया ते मंडलियाती नमति निवं । ।।७६१८ ।। रन्ना सहागओ अह जणो सभज्जं पि नमइ सिरिवम्मं । सेसाण वि आगंतुयवत्थव्वजणाण अन्नोन्नं ।।७६१९ ।। उचियविही संजाओ तओ निवो नियगइंदमारुढो । नियनियवाहणजाणं कुमराइजणो वि आरूढो ।।७६२० ।। विस पुरी मज्झे निवेण सह णेगयरपओलीहि । भीडिज्जतो गाढं परोप्परं अतिघणत्तणओ ।।७६२१ ।। इयरजणो पायारे वरंडए मंदिरे य उवउले । हट्टे रुक्खे य तहा अन्नम्मि वि उच्चठाणम्मि || ७६२२।। कुमरपत्रेसालोयणकुऊहलाउलियमाणसो चडिओ | सेसो अलठाणो इओ तओ वियरइ महीए । । ७६२६ ।। मत्ता व हत्थीणं दुद्दताण वि हयाण मज्झेणं । रहसंकडे वि पविसइ सुहडोव्वरणे जयहिलासी ॥७६२४ ।। पुरओ राया पच्छा सिरिवम्मो तयणु तस्स भज्जाओ । पुरओ उभओ पासे पच्छा य पयाइसेस जणो ।।७६२५।।
२३६
Jain Education International
For Private & Personal Use Only
www.jainelibrary.org
Loading... Page Navigation 1 ... 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 