Munisuvratasvamicarita

Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

Page 264

सिरिमुनिसुव्वयजिणिदचरियं
२३१ कंचणदाणपसाओ सो ढोइय वइरमणुसरेऊण । तं च परिक्खाए जायमन्नहा संपयं चेव ।।७४२९।। तो तं पसायकणयं देवस्स अहं समप्पइस्सामि । रन्ना भणियं भुज्जो वि एरिसं मा तुमं भणसु ।।७४३०।। जं दिन्नं तुज्झ मए दिन्नं चिय तं सुवन्नमविसंको। भुंजाहि तुम मा कुणसु कस्सई तत्थ अभिसंकं ।।७४३१।। किंतु परं कहसु तुमं मूलुप्पत्ति इमस्स वइरस्स । अच्छलियं इह अट्ठे तुह तो नो भाइयव्वं ति ।।७४३२।। इय सुणिऊणं रन्नो वयणं वणिजारओ पसन्नमुहो । कहइ जहा देव! अहं केणइ कज्जेण आसि गओ ।।७४४३।। लोहागरप्पएसे तत्थ निविट्ठस्स मज्झ पासठिया । कम्मयरा लोहदलं घणेहि चिट्ठति फोडता ।।७४३४।। लोहदलस्स य मज्झे जगज्जगंताई लोह खंडाई। पिट्टियरुप्पसमाई दीसंति बहुई ताई च ॥७४३५।। काई वि घणाहयाई उक्खुडिऊणं पडंति दूरम्मि। मज्झ वि समीवदेसे पडियाई ताई बहुयाई ।।७४३६।। अन्नम्मि खणे एगं खंडं लोहस्स उप्फिडेऊण। पडियं महउच्छंगे तं च अहं जाव पेच्छामि ।।७४३७।। उच्छंगसंठियं चिय ताव मए वइरसन्निहं दिह्र । छक्कोणं अट्ठतलं तओ मए गोविउं धरियं ।।७४३८।। तो हं तस्स भमेण अन्नाई वि तत्थ लोह खंडाई । पडियाइं पलोएंतो चिरं ठिओ निउणदिट्ठीए ॥७४३९।। दिळं परं न किीच वि मए दुइज्जं तहाविहं तत्थ । पत्थुयकज्जम्मि तओ सिद्ध तत्तो समुद्रुउं ॥७४४०।। नियठाणे पत्तो हं तओ जया पुव्वगहियरयणाई। इह आणीयाई मए एयं पि तया समाणीयं ।।७४४१।। सोऊण तस्स वयणं एवं राया विसेसओ तुट्ठो। कहइ पुरो सब्भाणं जह सिरिवम्मेण कुमरेण ॥७४४२।। एयं पि आसि कहियं मज्झ पुरो जमिममघडियं लोहं । सयमेव य निप्फन्नं तं पि हु जायं तह च्चेव ।।७४४३।। तं सोउं सविसेसं रायजणो तं पसंसए कुमरं । भणइ य मुल्लं सव्वस्स अत्थि न कुमार बुद्धीए ॥७४४३।। राया महाबलो अह सिरिवम्मकुमार एवमाइसति । जस्सु च्चियं नो दाउं सक्किज्जइ तस्स सव्वस्सं ।।७४४५।। देंतो होइ अदोसो पुरिसो ता तुह गुणोचियं देयं । नत्थि मह किंतु एवं रज्जं गिण्हाहि सव्वं पि ॥७४४६।। कुमरेण जुत्तिपुव्वं बहुहा पडिसेहिए वि जाव निवो । निब्बंधं कुव्वंतो नो विरमइ ताव पडिभणियं ।।७४४७।। गहियं किर रज्जमिणं मए परं सालयस्स निययस्स । दिन्नं कुमरस्स सुदंसणस्स ता ठवह जुवरज्जे ॥७४४८।। एयं तुब्भे तत्तो पडिसेहतं पि तं निवं कुमरो। सिरिवम्मो मन्नावइ जाव तओ तं भणइ राया ॥७४४९।। तुन्भेहिं समं किंचि वि मंतेयव्वं इहत्थि तम्मि कए । जं कि पि भणसि जुत्तं तत्तो तमहं करिस्सामि ॥७५०।। अह एगते होउं महाबलो भणइ कुमरसिरिवम्मं । चिट्ठइ कणिट्ठभाया सुदंसणस्सेव सोयरओ १७४५१।। नामेण हरिसदेवो सो वि सगो तुज्झ सालओ होइ । तुम्ह वयणेण एवं ठावेमि अहं नियपयम्मि ।।७४५२।। सो य सुदंसणकुमरे कारागारे तए निहित्तम्मि । सिरिहरिसम्मि मए तुह पासे पट्टाविए जाओ ।।७४५३॥ निवलक्खणसंजुत्तो रज्जुचिओ साहिओ य गणएहिं । दुविणयसिओ जेट्टओ उ तुम्हं पि पच्चक्खो॥७४५४।। इय भणिऊण महाबलरायम्मि ठियम्मि मोणभावेण । तो सिरिवम्मकुमारो अणूसुओ पंजली भणइ ।।७४५५।। देवेण समाइलैं जोग्गो रज्जस्स जं किर कणिहो । निवलक्खणाई गुणओ तं पडिवन्नं तह च्चेव ।।७४५६।। जं पुण दुविणयाओ जेट्टम्मि अजोग्गया परिदृविया । देवेण देवपुरओ विन्नप्पइ तत्थ अत्थम्मि ।।७४५७।। सामन्नविहविणो वि हु होंति अवच्चाई अविणयपराइं। तरुणत्तणम्मि किं पुण तह होंति न रायजायाई।।७४५८।। चत्तं दुविणयत्तं पि तेण संपइ तहा जहा अन्नो। को वि न सक्कइ चइउं रज्जस्स तओ इमो जोग्गो।।७४५९।। चिट्ठते वि हु जेठे जोग्गे रज्जस्स कह कणिम्मि । देव ! ठविज्जइ रज्जं कमलंघणमायरेऊण ।।७४६०।। एयं पि आसि जइ तुम्ह अभिमयं तो कहं पढममेव । तुम्हेहिं एस ठविओ सव्वेसि माणणिज्जपए ॥७४६१।।