Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिमुनिसुव्वयजिणिदचरियं
२१९ तो सिरिवम्मो पभणइ नयरपवेसे वि तेण विन्नत्तं । एवं मझे जहा हं अलक्खिओ आगमिस्सामि ।।७०३६।। वासवदत्तस्स पुरो अप्पाणं न पयर्ड करिस्सामि । लज्जावसेण तम्हा न मज्झ खूणं तए गिज्झं ।।७०३७।। भुंजते सिरिवम्म वासवदत्तेण कन्नमूलम्मि । सिक्खविउं पट्टविओ वरदत्तो तस्स पासम्मि ।।७०३८।। गंतूण तेण भणिओ सुदंसणो जह तुहाहवणहेउं । वासवदत्तनिवेणं पट्टविओ हं तओ तुब्भे ।।७०३९।। आगच्छह मिग्वं चिय भोयणसालाए चिट्ठइ निविट्ठो। सिरिवम्मो निवकुमरो तुब्भे एंते पडिक्खंतो।।७०४०।। भणियं सुदंसणेणं सिरिवम्म कुमरमहमणुन्नविउं । चिट्ठामि ठिओ इह सीसवेयणाबाहिओ बाढं ।।७०४१।। नयरपवेसे वि अहं न पविट्ठो तेण सह अओ चेव । तम्हा भुंजउ कुमरो कुमरस्स न खूणमिह कि पि ।।७०४२।। वरदत्तो भणइ तओ करिस्सए तुम्ह जंपियं कुमरो । सिरिवम्मो भंजिस्सइ परं न भुंजिस्सए राया ।।७०४३॥ वासवदत्तो जाव न तए कयं तत्थ भोयणं गंतु । भणियं सुदंसणेणं तओ जहा मज्झ विन्नत्ति।।७०४४।। तुमए सुणाविऊणं वासवदत्तो निवो परूसंतो । रक्खेयव्वो तत्तो वरदत्तो जंपए एवं ।।७०४५।। किं पि नियमाणसं पेसिऊण तुब्भे इमं भणावेह । पेसइ सुदंसणो अह तेण समं सारमं तत्थ ।।७०४६।। विनत्त तेण तओ वासवदत्तो सुदंसणावासे । पडिपुन्नं पेसइ सिद्धरसवइं सारमेण समं ॥७०४७।। चत्तारि पवरतुरए वत्थाहरणाई तह गहेऊण । वरदत्तं पि निरूवइ सुदंसणत्थं महीनाहो ॥७०४८।। वासवदत्तुवरोहेण तं समग्गं सुदंसणो गहिउं । सम्माणेऊण तओ पुणो विसज्जेइ वरदत्तं ॥७०४९।। जे य वसंतसिरीए समं गया आसि केइ गुरुपुरिसा । वासवदत्तस्स पुरो विन्नत्तं एरिसं तेहिं ।।७०५०। जं सिरिवम्मनिमित्तं ससुराईणं कए य ज नीयं । रहकरितुरंगमाई वत्थाहरणाई अम्हेहि ॥७०५१।। तं कस्स वि नो दिन्नं चिट्ठइ सव्वं पि इह समाणीयं । जेणद्धपहे जाओ संखेवेणं चिय विवाहो।।७०५२। परओ य न संजायं गमणं अम्हे इहेव आयाया । वासवदत्तेण तओ तेसि पासाओ तं सव्वं ॥७०५३।। आणावेउं कयभोयणस्स सिरिवम्मवरकुमारस्स । विहियविलेवणतंबोलकुसुमदामोवयारस्स ॥७०५४।। परिवारस्स य जहजोग्गयाए दाऊण तं विसज्जेइ । अह वासवदत्तनिवो वासवसिरिपमुहदेवीणं ॥७०५५।। साहइ जह कारिस्सं विवाहवद्धावणं दिणे चउरो । पउरपरिवारलोयं कमेण भुंजावइस्सामि ॥७०५६।। ता तुब्भे सयमेव य अंतेउरचारिनारिवग्गाओ। बद्धावयागयाणं पुरनारीणं महिड्ढीणं ।।७०५७।। कारिज्जह उवयारं पीप्पलितंबोलकुसुमदाणाई। तं निववयणं सव्वाहिं ताहिं तह चेव पडिवन्नं ॥७०५८। कमलसिरोपमुहाणं अट्ठन्हं कन्नगाण माऊहिं । विन्नत्तो नरनाहो जह पढममुवागए एत्थ ॥७०५९।।। सिरिवम्मम्मि कुमारे मंगलकरणुज्जयाहिं अम्हेहिं । सद्धि समागयाहिं कमलसिरीपमुहकन्नाहिं ॥७०६० जप्पभिई चिय दिट्ठो सो ताहि सिणिद्धदिट्ठिजुयलेहि। तप्पभिई चिय ईसाइएण वाणंगसुहडेण ।।७०६१।। हिययम्मि ताडियाओ निव्वरबाणेहि नियमणेण । ताओ वियणत्ताओ अज्ज वि गिण्हंति नाहारं ॥७०६२।। तो कारिस्सह तुब्भे उवयारं कं पि ताण कन्नाण । तं वयणं सोऊणं वासवदत्तो तओ राया ॥७०६३।। तत्थ वसंतसिरीए मुहं पलोएइ सा वि पणयसिरा । जंपइ जह अम्ह सहाइणीओ कीरंतु एयाओ ॥७०६४।। तो राया सिरिवम्म भणावए पेसिऊण वरदत्तं । परिणयणत्थं कन्नाण ताण अट्ठन्ह वि नियाण ।।७०६५।। तो सिरिवम्मो जंपइ वासवदत्तेण पुहइनाहेण । गरुओ अम्ह पसाओ कओ जमेवं समाइ8 ॥७०६६।। किंतु परं एक्केण वि जस्स कलत्तण निव्वुई होइ । कह सो बहुयकलत्ताइं परिणए निप्फलं चेव ॥७०६७।। अम्ह वसंतसिरीए एक्काए वि निव्वुई मणे जाया । तेणियरकन्नगाणं परिणयणं नेय इच्छामो ॥७०६८।।
Jain Education International
For Private & Personal Use Only
www.jainelibrary.org
Loading... Page Navigation 1 ... 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 