Munisuvratasvamicarita

Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad

View full book textPrevious | Next

Page 218
________________

१८५
सिरिमुनिसुव्वयजिणिदचरियं
सो चंदउरिपुरीए आगामी भाडएण तो तस्स । वसहेसु समारूढा दसमदि एत्थ संपत्ता ।।५९३१ ।। भोट्टे अम्हेहि तस्स निययवत्थाई । दिन्नाई चलिट्ठाई गहियाई इमाई जिन्नाई ।।५९३२ ।। देव ! वसंतसिरीए वासवदत्तस्स मेईणीवइणो । धूयाए तुम्ह पायाण कारिया एस विन्नत्ती ।। ५९३३।। वित्ता अम्हेहि संपइ देवो पमाणमिह अट्ठे । जइ न करिस्सह तुब्भे सिग्धं चिय तप्पडीयारं ।। ५९३४ ।। तो निसुणिस्सह तुरियं तीसे परलोयमग्गपत्ताए । वत्तं नीसंदेहं जं जुत्तं कुणह तं इन्हि ।। ५९३५।। जं सामलस्स मरणं जायं मग्गम्मि नूण तं तेण । माहवराएणं चिय कारवियं इय वियक्केमो ।। ५९३६।। नरपुंगवेण भणियं एवंचिय एयमिह न संदेहो । तुम्हे पुरमज्झाओ नीगंता पेक्खिया तेग ।। ५९३७।। तुम्हेहि तओ गंतु ं पुव्वं तस्सेव पुच्छियं नामं । अप्पाणं तु न कहियं एमेव य निग्गया तुब्भे ।।५९३८।। तस्स स परिवारस्स वि तो जाया तुम्ह संतिया संका । पट्टिए तिन्नि जणा पट्टविया हे । तत्तो ।।५९३९ ।। अन्ने पुण बहुयजणा पच्छन्ना तेण पेसिया कहवि । तो तेहि तिहि जणेहिं तुम्हेच्चय / पासाओ ।। ५९४० ।। नाऊण मूलसुद्धि जह एए वाहरं चडावेउं । वच्चति गहियलेहा नरपुंगवर (पासम्म ।। ५९४१ ।। तुम्हेच्चएण केइ पुरिसेण न नायमेरिसं जमिमे । दुट्ठहिययत्ति कि पुण पहिया केचित्ति विनायं । । ५९४२ ।। तव्वेलं चिय एए तुम्ह न लग्गा इमेण कज्जेण । दियहो वहइ य मग्गो आसन्नं तह य गुलखेडं । । ५९४३ ।। एण कारणेणं दूरे गंतूण रुक्खगहणम्मि । रत्तीए अंधयारे लग्गा तुम्हाण वियणम्मि ।। ५९४४।। तो जारिसं चिय इमं तुम्हहिं वियक्कियं तहेव तयं । दूएहि तेहि भणियं जं देवो आणवेइति । । ५९४५ ।। जं पुण अम्हे छुट्टा तं केवलमेव देव ! तेएण । तह य वसंतसिरीए महया पुन्नप्पगरिसेण ।।५९४६ ।। ताण कहंताण इमं रायसहासन्निविट्ठलोयस्स । सव्वस्स वि संजाओ अइगरुओ विम्हओ हिय ।। ५९४७ ।। सिरिवम्मकुमारोवरि तीसे पेम्मं मणे वि भावंतो । जाणइ रायजणो जइ संवाहे गम्मए तीसे ।। ५९४८ ।। किंतु परं नरपुंगवनरवइणो मुहविणिग्गयं वयणं । पडिवालितो चिट्ठइ न किं पि जंपेइ निवभीओ ।।५९४९।। विनवणं दो वि तेसु ठिएसु निवो पडिहारं । आइसइ जहा एए कारेउ मज्जणं तत्तो ॥ ५९५० ।। परिहावेउं सुंदरवत्थाई भोयणं च कारेउं । आवासे वीसामह हक्कारिस्सामि तो पच्छा ।।५९५१।। विहु या भणिया नरपुंगवपत्थिवेण जह तुम्भे । उट्ठेह ताव इन्हि सव्वं लट्ठ करिस्सामि ॥। ५९५२।। इय आइट्ठा रन्ना उट्ठेउं पणमिऊण रायाणं । ते दो वि हु नीहरिया या तत्तो समतेहि ।। ५९५३।। नियपुरिसो पडिहारेण पेसिओ रायदिन्नमाएसं । तेसि संपाडेउं तो राया संधिविग्गहियं । । ५९५४ । । पुच्छे भट्टपुत्तो कोवि हु तुह संतिओ समायाओ । देसाउ सूरपालस्स जाणए जो इमं सुद्धि ।। ५९५५ ।। ते तओ विन्नत्तं सपणामं जोडिऊण पाणिजुयं । देव ! समओ इयाणि चिट्ठइ कस्स वि य आगमणे ।। ५९५६।। अह रन्ना पडिभणियं संधीरण राधि-विग्गहनिउत्ते । एएहि विन्नत्तं परिहासइ केरिसं तुम्ह ।। ५९५७ ।। सच्चं उयाहु मोसंतो जंपइ संधिविग्गही एवं । पडिहाइ देव ! सच्चं व सव्वमेएहि विन्नत्तं ।।५९५८।। जम्हा सुत्ति जुत्तं यं सव्वंपि न उण अघडतं । इह अक्खरं पि एक्कं संभाविज्जइ नियमम्मि ||५९५९।। तोरन्नानिक्खिवियादिट्ठी अन्नेसु मंति पमुहेसु । अह ते वि जोडियकरा सप्पणिवाया वयंतेवं ।। ५९६०॥ जं चेव देव ! संधीरणेण देवस्स पायपरमाणं । विन्नत्तं अम्हाण वि तं चेव मणम्मि विप्फुरइ ।। ५९६१ ।। तो पत्थवेण भणियं अम्हाण वि एस चेव अभिपाओ । जो तुम्हेहिं पवृत्तो जाव इमं जंपए राया ।। ५९६२ ।। ताव पुणो पडिहारो विन्नवइ नरेसरं कयपणामो । वामणसामिपहाणेण सह गया आसि जे पुरिसा ।।५९६३।।
Jain Education International
For Private & Personal Use Only
www.jainelibrary.org


Page Navigation
1 ... 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376