Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
२१४
.... सिरिवम्मकुमारचरियं
रणसीहं भणिऊणं हक्कारावइ सुदंसणं तत्थ । अप्पट्ठमो वि एसो आगंतुं नमइ सिरिवम्मं ।।६८७४।। उक्खिवियबाहुजुयलो सिरिवम्मो नियडमागयं एयं । आलिंगइ अइगाढं दाविय उचियासणे तत्तो ॥६८७५।। उववेसइ आसन्नं देइ सहत्थेण तस्स तंबोलं । वरकप्पूरसणाहं सो गिन्हइ दोहि हत्थेहि ॥६८७६।। अह एयं सिरिवम्मो संभासइ संभमेण गरुएण। जह किर महाबलेणं रन्ना इह अम्ह पासम्मि ।।६८७७।। कज्जतरेण केणइ पट्टविओ आणओ इमो अज्ज । वड्डमणुस्सो सिरिहरिसनामओ सो उ अम्हेहिं ।।६८७८।। अज्जेव सिद्धकज्जो कओ गमस्सइ पुणो वि दंतउरे । एएण तुम्ह विसए जइ वि हु नाम पि नो गहियं ।।६८७९।। तह वि हु अम्हेहिं तुमं मुक्को सि जओ महाबलनिवेण । अम्ह जणएण सद्धि साजन्नं काउमारद्धं ।।६८८०।। अम्हेहि वि तस्स तओ कायव्वं पीइवद्धणं किं पि । तं पुण इमम्मि समए तुह मोयणओ हवइ पवरं ।।६८८१।। जंपइ सुदंसणो तो जइ पिउणो अम्ह पीइमिच्छेह । काउं तुब्भे तोहं धरियव्वो होमि गुत्तीए ।।६८८२।। जं चित्ते धारिता जंपंता तह य चिट्ठह मुहेण । तं न कुणह कितु इमं विवरीयं आयरह तुब्भे ।।६८८३।। तो पभणइ सिरिवम्मो दुविणयं तस्स तुज्झ संजमणं । इच्छइ महाबलनिवो न उणो तुह देहमेत्तस्स।।६८८४।। तं पुण दुविणयत्तं विसमावडियं तुमं विमोत्तूण । नळं कह पि संपइ तो तं जाओसि निदोसो ॥६८८५।। जइ तुम्हं पडिहासइ तो इन्हि वयह सपिउणो पासे । जंपइ तओ सुदंसणकुमरो विणओणओ एवं ।।६८८६।। सव्वो वि जणो चिट्ठइ तत्थ गुणो जत्थ अत्तणो होइ । सव्वगुणेणं पवरो पुरिसस्स गुणो पुणो एसो ।।६८८७।। जंगुरुजणस्स वयणे बहुमाणो होइ सो उ मह जाओ। तुम्ह समीवाओ तओ तुमं न इच्छामि तो तुमहं ।।६८८८।। सोऊण तओ एवं सुदंसणं सविणयं पयंपंतं । विम्हियमणो विचितइ सिरिहरिसो एरिसं चित्ते ।।६८८९।। अन्नं कि पि सरूवं कुमरस्स सुदंसणस्स संजायं । संपइ जमिमो सुव्वइ जंपतो अवरवाणीए ॥६८९०।। परपरिभवदोसो वि हु इमस्स ता परिणओ गुणत्तेण । जच्चस्स सुवन्नस्स व हुयवहतावो विसुद्धिकए ।।६८९१।। तो पभणइ सिरिवम्मो किमजुत्तं किर इहेव चिट्ट तुमं । जामि जया दंतउरे अहं तया तं पि वच्चेज्जा ।।६८९२।। किर चिट्ठसि एत्थ तुम मज्झ समीवे महाबलनिवेण । हक्कारिओ निउत्तो सुदंसणो तो वयइ एवं ॥६८७३।। नेयं मन्नामि अहं जओ महाबलनिवस्स लंघेउं । आणं इहागओ तो होमि कहं तेण विणिउत्तो ॥६८९४।। हसिऊणं सिरिवम्मो मोणं काउं खणं तओ भणइ । रणसोहदंडणायग! तए सुदंसणकुमारस्स ।।६८९५।। चत्तारिसहस्साइं दावेयव्वाइं पवरतुरयाणं । एगो करहसहस्सो मज्झाणाए पसाएण ॥६८९६।। एयस्स संतिओ तह अप्पेयव्वो समग्गआवासो । कारेथव्वा वित्ती भिच्चसहस्साण पंचन्हं ।।६८९७।। अह सिरिवम्मस्साणं तह त्ति पडिवज्जिऊण रणसीहो । काऊण अंजलि मत्थयम्मि आरोवए तत्तो ।।६८९८।। अह चितंति सुदंसणसिरिहरिसा दो वि नियमणम्मि इमं । सिरिवम्मस्स कमेयस्स वन्निमो गुणमिहेक्केक्कं ।। किं सुयणत्तं किं वा गरुयत्तं किमुय समुचियन्नुत्तं । किं व कयण्णुत्तं किं व अज्जवं कि व दक्खिन्नं ।।६९००।। बंधेऊणं गहिओ जस्स सुओ सह समग्गविहवेण । तस्स पिया पियवयणाई जंपए जइ वि बहुयाइं ॥६९०१।। तह वि कह तेसु जुज्जइ विबुहस्स तह त्ति पच्चओ काउं । कयपच्चओ उ एसो अज्जवमेयस्स तो एयं।।६९०२।। पुव्वं कलत्तगहणे जीवियविहवाण तयणु अवहरणे । जो होइ अज्झवसिओ बंधेउं तम्मि गहियम्मि ।।६९०३।। अट्ठदिणाणं मज्झे कह मोक्खो तस्स कीरए झत्ति । मोक्खे वि कए कह वा सुहायमाणं वयणमेवकं ।।६९०४।।
Jain Education International
For Private & Personal Use Only
www.jainelibrary.org
Loading... Page Navigation 1 ... 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 