Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिमुनिसुव्वयजिणिदचरियं
१६५
तम्मि समयम्मि एत्तो गंतूणं सेन्नसंजुएण तए । तत्थ खिविऊण धाडि नियत्तियव्वं लहुं चेव ॥६२५८।। पडिज्जिउं सुदंसणवयणं एवं तओ समुछेउं । नरसीहदंडनाहो हयसाहणसामियाईयं ।।६२५९।। हक्कारावेऊणं कन्ने छन्नं च सिक्खवेऊणं । जं जं विसज्जइ तओ सो सो गंतुं नियावासे ।।६२६०।। निव्वाडेउं लग्गो तुरगे अइ सुंदरे तहा सुहडे । एवं दळूण अहं इहागओ झत्ति कहणत्थं ॥६२६१।। तं सिरिवम्मो पुच्छइ तुह किं नामं ति सो तओ कहइ । वाउकुमारो त्ति पुणो पुच्छइ कुमरो तुम भुत्तो॥६२६२।। सो आह तक्खणे च्चिय भोत्तूणं निग्गओ अहं तत्तो । तो सिरिवम्मो तं उववूहेउं सुबहुदाऊण ।।६२६३।। तंबोलं घणसारेण संजुयं तह य सिक्खवेऊण । तं पेसेइ सुदंसणकडए पुण सुद्धिकरणत्थं ॥६२६४।। तम्मि गए सिरिवम्मो नियसेणाहिव इमाइ सइ कन्ने । एवं एवं च तए गंतूण इओ करेयव्वं ।।६२६५।। आएसो त्ति भणित्ता विणिग्गओ सो तओ अह कुमारो। सिरिवम्मो पेच्छणयं पेच्छइ तह चेव तत्थ ठिओ।६६। अह सो वाउकुमारो निसीहसमए समागओ तत्थ । कन्ने होउं साहइ एवं सिरिवम्मकुमरस्स ।।६२६७।। जह तुब्भेहिं इओहं विसज्जिओ दियह तइयजामम्मि । पत्तो कडयम्मि सुदंसणस्स दिणपच्छिममुहुत्ते ।।६२६८।। तम्मि खणे नरसीहेण दंडवइणा सुदंसणकुमारो । विन्नत्तो जह सारं निव्वाडेऊण भागतियं ।।६२६९।। सेन्नस्स करीहि विणा पगुणं काऊण चिट्ठए मुक्कं । जम्मि समयम्मि तुब्भे आइसह अहं खणे तम्मि ॥६२७०।। झत्ति इओ तम्मि पओयणम्मि वच्चामि अह कुमारेण । भणियं सुदंसणेणं विसेसवत्तं निसामेहि ॥६२७१।। ताव मए जा निसुया इन्हि चिय चिट्ठए पणिहिपासे । सो आह कहउ कुमरो इयरो साहेइ तुट्ठमणो ।।६२७२।। लद्धण वसंतसिरि पमोयपम्हुटुइयरकायव्वो। सिरिवम्मो वज्जाउहदेवीभवणे पमत्तमणो ॥६२७३।। जं चिट्ठए सयं तं गणइ च्चिय नेय को वि इन्हि तु। अन्नो तस्स पमाओ जं मुणइ नियं पि नो सेन्नं ।। ६२७४।। सो कत्थइ वच्चंतं सेच्छाए जेण पच्छिमे पहरे। दियहस्स तस्स कडयाउ निग्गओ को वि कत्थ वि य ।। निय निय कज्जेण जणो जहेव उज्जाणियाए वच्चंति । एमेव के वि तह ते वि निग्गयावत्तमकहता ।।६२७६।। सिरिवम्मस्स भणित्ता एवं जह सूरउदयसमयम्मि । अम्हे सिग्धं पि पुणो कडयम्मि समागमिस्सामो ।।६२७७।। तो सेणाहिवनरसीह जासि समयम्मि जम्मि तत्थ तुमं । तम्मि वि खणे खमो तंसि कुमरसिरिवम्मकडयम्मि ।। काउं उवद्दवं ल्हूसिउं च ठियसेसहयगयाईयं । किंतु परं सिरिवम्मो गहियव्वो चिट्ठए हत्थे ॥६२७९।। एएण कारणेणं विलंबियव्वं च ताव जा एसो। वज्जाउहदेवी मंदिराउ वच्चइ नियावासे ॥६२८०॥ तो रयणिपढमकिंचूणजामसमयम्मि नीहराहि तुमं । तह कह वि हु जत्तेणं जह न मुणइ परजणो को वि ।६२८१। इय सो सुदंसणाओ लद्धाएसो तओ समुठेउं । नरसीहदंडनाहो आवासे अत्तणो वयइ ॥६२८२।। तत्तो अभितरयं नियपुरिसं पेसिऊण के पि तओ। सहगामि सुहडनायगलोगं एवं भणावेइ ॥६२८३।। जह रयणिपढमघडिया पणगं तुब्भे भएह निदृसुहं । उड्ढं सव्वं पि निसं भविस्सए तुम्ह जागरओ ॥६२८४।। इय गंतूणं भणिए तेण तओ तेहिं तं तहा विहियं। नरसीहो वि चउद्दिसिकडयस्स बहि पवरसुहडे ।।६२८५।। बाणनिवायदुगंते निरूविउं परपवेसरक्खट्ठा । नियसन्निहियं पुरिसं तह एवं सिक्खवेउं च ॥६२८६।। कुमरसुदंसणगुड्डरदारे घडियाहरे जया घडिया। वज्जति पंचतइया अहं पसुत्तो तए झत्ति ॥६२८७।। बोहेयव्यो त्ति तओ सुत्तो जायम्मि भणियसमयम्मि । तेण निउत्तनरेणं पबोहिओ झत्ति नरसीहो ॥६२८८।। संवाहेउं सेन्नं पुव्वुत्तं सव्वमेव गहिऊणं । नीहरिउं कडयाउ पुरो निउत्तेहिं पुरिसेहिं ।।६२८९।। उवरिमपुरिसपयारं रक्खंतेहिं नियस्स देसस्स । सीमाए संपत्तो एत्तो गाउय दुगुद्देसे ॥६२९०।।
Jain Education International
For Private & Personal Use Only
www.jainelibrary.org
Loading... Page Navigation 1 ... 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 