Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिवम्मकुमारचरियं
तो भइ वसंतसिरी आनंदमयं दिणं समग्गं पि । अज्ज गयं मम पिययम ! बुड्डाए अमयकुंडे व्व ।। ६७४४ ।। जं नियजम्मप्पभिइं मए न दिट्ठे सुयं व अणुहूयं । तं पाणनाह ! जुगवं पि अज्ज मे सव्वमवि जायं ।। ६७४५ ।। उप्पज्जमाणनवनवपहरिसपूरिज्जमाणहियएहिं । होइज्जइ तं सुमरंतएहिं तीरइ न उण वोतुं ।। ६७४६।। किं जिणपडिमारूवं किं न्हवणविही किमच्चणविहाणं । किं सावयसमवाओ बेमि किमेक्क्कमिच्चाई । ६७४७ । किं वा जईण परिचत्तसव्वसंगाण गुणमहग्घाण । वन्निज्जर माहप्पं अच्चंतनिरीह चित्ताण || ६७४८।। उयरत्थे विन लोहो जेसि तवसुसियअंगुवंगाण । परिहरियविहसाणं निरवेक्खाणं सजीए वि ||६७४९।। जइ होंति अम्ह पेइयगुरुणो इह कहवि आगया एवं । तो ते सव्वस्से वि हु दिने न लहंति परिओसं ।। ६७५० ।। ते चितयंति एवं जइ जजमाणं पि विक्किउं कहवि । पारसउलाइठाणे अतिविउलो धिप्पए अत्थो ।। ६७५१ ।। ता इन्हि मज्झ मणे एसो च्चिय परिणओ धुवं धम्मो । देवो य इमो एए य सुगुरुणो तुम्ह जेभिमया ।। ६७५२ ।। जो नाह ! पहरिसो मे जाओ तर पाणवल्लहे लद्धे । सो जिणधम्मे लद्धे संजाओ समहिओ अज्ज || ६७५३ ।। तो जंपइ सिरिवम्मो मज्झ वि जो तुज्झ पाणिगहणम्मि । जाओ हरिसो सो अज्ज दुगुणिओ एरिसे जाए । ६७५४। इय जंपिऊण गुरुदेव धम्मगुणवन्नणं विसेसेण । कुणइ वसंतसिरीए पुरओ सुइरं इमो हिट्ठो ।। ६७५५ ।। जह पासियम् वत्थे निबिडो होऊण लग्गए रंगो । तह भावियाए तीसे धम्मुवएसो वि सो लग्गो ।। ६७५६ ।। काऊण धम्मगोट्ठि एवं सह पिययमाए खणमेगं । सिरिवम्मो निवकुमरो निद्दाहमणहवेऊण ।। ६७५७।। उट्ठेउं निसिविरमे किच्चं पाभाइयं विहेऊण । गिहिपडिमाए पूयं अट्ठपयारं करेऊण ।। ६७५८।। जिणमंदिरेसु जा किर गमिस्सए ताव दारवालेण । आगंतु विन्नत्तो एवं सिरिवम्मवरकुमरो ।। ६७५९। वासवउराउ वासवदत्तेण नरेसरेण पट्टविओ । चिट्ठइ पहाणपुरिसो दारे नामेण वरदत्तो ।। ६७६०।। कुमरेण समाइट्ठी पडिहारो झत्ति तं पवेसेइ । सो वि कयप्पणिवाओ कुमरेणालिंगिओ तत्तो ।। ६७६१ ।। तस्स गुरुसंभ्रमेणं दावियमुचियासणं हमो तम्मि । उवविट्ठो परिपुट्ठो कुमरेणं कहिउमाढत्तो ।। ६७६२ ।। जह गुलखेडपुराओ गएहिं वणिएहि वासवउरम्मि । रन्नो वासवदत्तस्स साहियं जह वसंतसिरी ।। ६७६३ ।। वज्जाउहदेवीए पुरम्मि पत्ता महाबलनिवस्स । अंगरुहेण सुदंसणनामेण तओ समागंतुं ।। ६७६४।। पडिखलिया वच्चंती चंदउरीए पुरीए तो एवं । नाऊण सूरपालेण पत्थिवेणं नियंग हो || ६७६५।। नामेण वीरपालो पभूयबलसंजुओ सहायत्ते । दूसलसेणावइणो दुइज्जओ पेसिओ तत्थ ।। ६७६६।। जेण सुदंसणकुमरं वसंतसिरिकन्नयाए लग्गतं । दो वि निवारेंति इमे तह चंदउरीए नयरीए ।। ६७६७।। सिरिवम्मकुमारो वि हुं वज्जाउहदेविपुरबहिं पत्तो । करि तुरिय - जोहपउरं सेनं घेत्तूण संज्ञाए ।।६७६८।। अम्हे वि तम्मि समए कयसंवाहा तओ विणिक्खता । सत्थवसेणं मग्गे बूढा रयणि असे पि ।। ६७६९।। पच्छाय तत्थ जायं किं पि न तं जाणिमो तओ एवं । सोउं वासवदत्तेण राइणा चितियं एवं ।। ६७७० ।। चिट्ठेति मए पुरिसा वसंत सिरिकन्नया सह बहुया । पट्ठविया एक्को वि हु तेसु न तीए मम समीवे ।। ६७७१।। एवंविवत्ता कणत्थं पेसिओ तओ एयं । सच्चं उयाहु मोसं सम्मं जाणिज्जए नेय ।।६७७२।। इय चितिऊण दियहं तं चेव विलंबिऊण रयणीए । हक्कारेऊण अहं इय भणिउं एत्थ पट्टविओ | ६७७३ ।। जइ वणियाण इमाणं वयणं सच्च कहंचि तो तुमए । भणियव्वो सिरिवम्मो जहा इमो इह समागंतुं ।।६७७४।। अम्ह समीवे परिणइ वसंतसिरिकन्नयं अह कहंचि । तत्थेव य परिणीया तेण इमा होइ तह वि तए ।। ६७७५ ।।
२१०
Jain Education International
For Private & Personal Use Only
www.jainelibrary.org
Loading... Page Navigation 1 ... 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 