Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
२०७
सिरिमुनिसुव्वयजिणिदचरियं तो गहपालो जंपइ सिरित्रम्मो ताव जाणए एवं । जह तुम्हाण पएसुं खित्ताइं संति नियलाइं ।।६६४६।। तेण परं तव्विसए आएसो को वि नेय मह दिन्नो। भोयणमेव गहेउं तुम्ह कए पेसिओ मि अहं ।।६६४७।। ता एवं चिय तुब्भे भुंजह मा कं पि कुणह (हा? )मण (णे? ) खेयं । तो आह तं सुदंसणकुमरो खेओ मह न को वि एमेव मए पुटं तुम्ह समीवे सरूवमेवेयं । अवयारिणो वि मह तेण भोयणं पेसियं जमिमं ॥६६४९।। तं पि अहं बहमन्ने अन्नं पुच्छामि जं पुणो कि चि । तं दळूणं तस्सेव हिययगरुयत्तणं विउलं ॥६६५०।। आह तओ गहपालो कुमार ! जह जंपियं तए एवं । तं तह चेव न थेवं पि अन्नहा तस्स गरुयत्तं ॥६६५१।। सच्चाइ जंपिऊणं परिवेसेऊण तस्स गहपालो । गंतूण सारमाई भोयणहेउं तओ भणइ ॥६६५२।। ते वि सुदंसणकुमरं भुत्तं संपुच्छिऊण भुंजंति ।। भुंजते काउं सयं गओ झत्ति गहपालो ।।६६५३।। गुलखेडे नयरम्मि पासाए वीरपालकुमरस्स । सिरिवम्मकुमाराइसु भोत्तणं उट्ठमाणेसु ।।६६५४।। भुत्तुट्टियस्स पुरओ कहियं रणसीह दंडणाहस्स । गहपालेण सुदंसणकुमरो जह मुक्कअहिमाणं ।।६६५५।। कयनियपच्छायावं सिरिवम्मकुमारगणगहणपुव्वं । वयणं पयंपिऊण नियलगओ चेव य पभुत्तो ॥६६५६।। इय सेणावइ रणसीहकन्नलग्गो कहं तओ दिट्ठो । गहपालो सिरिवम्मेण पुच्छिओ किं कहेसि त्ति ।।५७।। जोडियकरेण तत्तो रणसीहेणं निवेइयं तस्स । जह कहियमिमेणेयं सुदंसणो जेमिओ कुमरो ॥६६५८।। तेणेव सरूवेणं ठिओ तओ वीरपालवरकुमरो । आइसइ दूसलं गहपालं भुंजावह इमं ति ।।६६५९।। नेऊण तेण एसो गहपालो गोरवेण गरुएण। भुंजाविओ तओ सो भोत्तूण समागओ तत्थ ।।६६६०।। कप्पूरागुरुमयनाहिमीसवरचंदणेण निम्मवियं । संचरियं तयणु विलेवणं च कमसो समग्गाण ।।६६६१।। घणसारचंदणेहिं सुरहीकयपवरपूगफालीहिं । नवसरसनायवल्लीदलाण तह बीडएहि च ।।६६६२।। तत्तो कमेण दिन्नं तंबोलं सधणसारमइपउरं । एलालवंगकवकोलजाइफलपमुहवत्थुजुयं ।।६६६३।। अह वीरपालकुमरो सिरिवम्मेणं सणंकुमारेण । काऊण चिरं कालं पीइकहाओ बहुविहाओ ॥६६६४॥ वत्थालंकारेहिं पवरतुरंगेहिं करिवरेहि च । तं सम्माणेऊणं जहजोग्गं सपरिवारं पि ।।६६६५।। हत्थे जोडेऊणं विसज्जिउं तह वसंतशिरिदेवि । तस्स पिया वीरमई अणुगंतूण य नियत्तेइ ।।६६६६।। सिरिवम्मो वि कुमारो सभारिओ सपरिवारसंजुत्तो । तत्तो निग्गंतुणं निययावासम्मि संपत्तो ।।६६६७।। चितइ जह सिद्धपओयणो वि चिट्ठामि केत्तिए वि दिणे। एत्थेव जाव घाइयपुरिसा तुरया य होंति खमा।।६६६८।। जं व वसंतसिरीए सह वोलावयमुवागयं सेन्नं । तेत्तियदिणाइं तं पि हु चिट्ठउ एत्थेव गोट्ठीए ।।६६६९।। अह कुमरवीरपालो दूसलदंडाहिवेण सह गोटुिं । कुणमाणो रयणीए पमुइयचित्तो वयइ एवं ॥६६७०॥ चारु तए कयमेयं जमेत्थ हक्कारिया वसंतसिरी । तसणेण जम्हा नयणफलं गहियमम्हेहिं ।।६६७१।। लोओ जं वन्नंतो तीसे रूवं तमप्पयं चेव । जं दिटे अम्हेहि तं तत्तो लक्खगुणियं तु ॥६६७२।। इच्चाइ जंपिऊणं सुत्तो पवरम्मि वासभवणम्मि । उठेऊण पभाए वच्चइ पासम्मि नियपिउणो ॥६६७३।। दूसलसेणाहिवई तं अणुगतूण तेण सिक्खविउं । विणियत्तिओ सठाणे पत्तो सिरिवम्मकुमरस्स ।।६६७४॥ पेसेउं नियपुरिसं कहावइ जहज्ज वीरपालेण । पिउपासे वच्चंतेण मज्झ सिक्खा इमा दिन्ना ॥६६७५।। जाव सिरिवम्मकुमरो इह चिट्ठइ ताव तस्स पासम्मि । गंतव्वं निच्च तए कायव्वं तह तयाइ॥६६७६।। ता इन्हि पि समीवे तुम्हाण उतओ अहं किंतु । तस्सेव य कज्जेणं अक्खप्पिओ कि पि चिट्ठामि ।।६६७७।।
Jain Education International
For Private & Personal Use Only
www.jainelibrary.org
Loading... Page Navigation 1 ... 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 