Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिवम्मकुमारचरियं
संपत्तकुसुमसोहो संजाओ संपयं पुण जहा सो । फलइ महायस! तह कुणसु झत्ति पसिऊण अम्हुवरि ।। ६१६१।। अह सिरिवम्मो ऊसुहियओ वि तमाहवणसिरिं एवं । तुह सामिणिदूएहिं चंदउरिगएहि जम्मि खणे ।। ६१६२।। नरपुंगवनिवपुरओ कहिज्जमाणं इमं मए निसुयं । जह सिरिवम्मकुमारे कयाणुराया वसंतसिरी ।। ६१६३।। ती पहे निरुद्धा सुदंसणेणं महाबलसुण । तप्पभिइ मए नायं जइ कह वि विहंगमो होउं ।। ६१६४।। उप्पइउं नहमग्गे गंतु परिणेमि तं वसंतसिरिं । अह दिन्नाए सोहं जणएणं झत्ति इह पत्तो ।। ६१६५।। तायनिरूवियन्नस्स मज्झ सो थेवमेव गहिऊण । सारं सेन्नं सेसं सिबिरेण समं कयं एतं ।। ६१६६ ।। तो हं इमम्मि कज्जे सयमेव समूसुओ अइसएण । किंतु जणयाण पढमो पुत्तो हं पढमपरिणयणं ।। ६१६७।। मज्झ इमं तेसिं असमक्खं कह णु जुज्झए काउं । ता भणह तं जहा सा वि सहइ जा जामि चंदउरि ।। ६१६८।। तो भणइ वर्णासिरी सिरिवम्मकुमारं जहा तुमं सुहिओ । न मुणसि परस्स पीडं तो एवं वयसि लीलाए ।। ६१६९॥ साहि गुणसवणुब्भवाणुराएण । पकुवियमयणमहाभडसरेहिं ताडिज्जए निच्चं ।। ६१७० ।। सा पीडं अतरंती सहिउं मन्नइ खणं पि वाससमं । तेण सयं पि पयट्टा कुमार ! तुह पविसिउं सरणे ।। ६१७१ ।। जं पुणपणसि एवं नियपियराणं करेमि न परोक्खे । परिणयणं पि न जुत्तं वोत्तु ं तुह तं पि निवतणय ! ।। ६१७२।। जम्हा तुह पियरेहिं वासवदत्ताउ पत्थिउं एसा । न हु आणीया तो कह सयं विवाहे वि तुह दोसो ।। ६१७३ । किं चि सयं परिणयणे तुह दूसणमिणमहं हरिस्सामि । अपरिणयणम्मि दोसं देवं पि न तुज्झ अवहरिही । । ६१७४।। सिरिवम्मो आह कहं तो पभणइ वर्णासिरी जहा कुमर । न विही वि तं वि वन्नं जीवाविस्सइ वसंतसिरि।। ६१७५ ।। सोऊण वणसिरीए वयणमिणं नियमणम्मि सिरिवम्मो । चिंता अच्चावत्था मयणेण कया वसंतसिरी ।। ६१७६।। नूणं तेण स कोवं सोवालंभं च पियसही तीसे । एसा एवं जंपड़ सदुक्खहियया निरुयारं ।। ६१७७ ।। ता जइ पत्थणभंगे सुयम्मि सा जीवियं नियं चयइ । तो होइ गुरु अणत्थो एसो विहिओ मए चेव ।।६१७८ ।। जावज्जीवं पि तओ पच्छायावो न फिट्टइ ममेसो । हवइ य जयम्मि सयले अयसो गुरुयणपकोवो य ।। ६१७९।। ता पत्तालमिन्हि एयं चिय नूण मज्झ करणिज्जं । जं परिणिज्जइ एसा अविलंब चितिउं एवं ।। ६१८०।। सो आह वणसिरिं जह झत्ति तुमं संपयं पि गंतॄण । पवणं विवाहजोग्गं कारेहि अहं जहां एमि ।। ६१८१ । ध्रुवलग्गम्मि करिस्सं परिणयणं तुज्झ सामिणीए अहं । इय सा लद्धा एसा कुमारपासाउ उट्ठेउं ।।६१८२।। गंतूण वसंतसिरीए साह एसा वि वड्डपुरिसाणं । कहिऊणं कारावर पडणं सव्वं विवाहकए ।। ६१८३।। सिरिवम्मो वि कुमारो भणिए समयम्मि तत्थ गंतूण । संखेवेणं परिणेइ रायध्यं वसंतसिरिं ।। ६१८४।। रइसुहमणुहविऊणं निद्धं काऊण रयणिविरमम्मि । कयपाभाइयकिच्चो उवविट्ठो जाव चिट्ठेइ ।।६१८५।। ताव सुदंसणकडाउ पुरिसा समागया दो वि । तं पणमिऊण साहति अग्गओ तस्स ते एवं ।। ६१८६ ॥ अम्हे कुमार तुम्हा सेणं पढममेत्थ आगंतु । कहिऊण वसंतसिरीए अग्गओ तुम्ह आएसं ॥। ६१८७ ।। तं अणुजाणावेडं गया सुदंसणकुमारकडयम्मि । काऊण तेण सह दंसणं तओ भणियम हेहिं ।। ६१८८ ।। जह अम्हे पट्ठविया नरपु ंगवनिवइणा तुह समीवे । तेण भणावियमेवं जह अम्ह महाबलो राया ।। ६१८९।। मित्तं तस्संगहो तुमं तु सिरिवम्मकुमरठाणम्मि । अम्हेहिं जहा एसो सिवखवियव्वो तह तुमं पि ।। ६१९०॥ जह सिरिवम्मविभूईए होइ अम्हं मणम्मि परिओसो । तह तुज्झ वि विभवेणं जायइ अम्हाणमाणंदो ।।६१९१।। तो जइनियपीईए पडिवज्जइ कह वि तं वसंतसिरिं । तो परिणेहि तुममिमं असंगयं किं पि नो एयं ।। ६१९२।। वित्त व इमं तुह गिन्हंतस्स किं पि न भणामो । एवं पि कह वि एसा तुह भज्जा होइ तो होउ ।। ६१९३।।
१९२
Jain Education International
For Private & Personal Use Only
www.jainelibrary.org
Loading... Page Navigation 1 ... 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 