Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
१७८
सिरिवम्मकुमारचरियं
तस्स य दाहिणभुयदंडसन्निहाणम्मि जाव उवविट्ठो। निवमुहनिविट्ठदिट्ठी चिट्ठइ सिरिवम्मवरकुमरो।।५७०७।। ताव पणिवायपुव्वं आगंतुं झत्ति दारवालेण । विन्नत्तो नरनाहो जोडियनियपाणिजुयलेण ।।५७०८।। जह देव! दारदेसे चिट्ठति समागया नरा दो वि । दुव्वलदेहामलिणियदंडीखंडेहि ठइय-तणू ।।५७०९।। बद्धवणपट्टया बाहु-जंघमूलेसु देव ! पायाणं । इच्छंति दसणं ते तेसि को देव ! आएसो ॥५७१०।। तो झत्ति पवेसेहि त्ति जंपिए नरवरेण पडिहारो। तेसिं पवेसणत्थं नियत्तिऊणं वयइ दारे ।।५७११।। राया वि कलुसियमणो चिंतइ जह केवि किं इमे वरया । केहि वि चोरेहि पहम्मि पमुसिया आहया य तहा गरुओ एस पमाओ मंडलआरक्खिएहितो विहिओ। जं एवमुद्दवकारओ जणो वियरइ जहिच्छं ।।५१३।। अह ते वि परोप्परमेवजुज्झिया कारणेण कणा वि। तह वि हु निओगियाणं पमायपरिविलसियं एयं ।।५७१४।। किमेमेहिं वियप्पेहि अहवा एए सयं मुहेणे व । इन्हि चिय जहवत्तं सरूवमम्हं कहिस्संति ।।५७१५।। एत्यंतरम्मि पत्ता पडिहारपवेसिया नरा दो वि । पुव्वकहियस्स रूवा नमिऊण निवं समवविठ्ठा।।५७१६।। भूसन्नाए पुट्ठा निवेण ते जोडिऊण करजुयलं । अन्नोन्नं वयणाइं पलोइऊणं तओ एक्को ।।५७१७।। इयरेण अणुन्नाओ विन्नवइ निवं इहत्थि भरहम्मि । वासवउरं ति नयरं वासवदत्तो तहिं राया ॥५७१८॥ वासवसिरी य भज्जा तस्स नरिंदस्स ताण संजाया । नामेण वसंतसिरी धूया अइसयपवररूवा ।।५७१९।। जीसे पासम्मि ठिया मयरद्धयसुंदरी वि दासि व्व । पडिहासइ सेसाणं नारीणं कहं पि को कुणइ ।।५७२०।। सा गह्यि समुचियकला कमेण अह जोव्वणं समणुपत्ता।देवाण विहरइ मणं मणुयाण न का वि पुण गणणा।५७२१। समहिगयसत्थपरमत्थसाहणे भारइ व्व पच्चक्खा । जुत्तिजुयं जपंती सक्खं मुत्ति ब्व सुरगुरुणो ।।५७२२।। उज्जाणसंठिया सा पडिम कामस्स पूयए निच्चं । अट्ठाहियं च कारइ वसंतसमयम्मि पहबरिसं ।।५७२३।। एत्तो दंतउरपुरे अत्थि नरिदो महाबलो नाम । तस्स य सुदंसणो नाम नंदणो अत्थि गुणकलिओ ।।५७२४।। तस्स य समीवसेवयनरेण एक्केण कज्जजोएण । तत्थागएण दिट्ठा सा अट्ठाहियसमयमझे ।। ५७२५।। तेण कयसकज्जेणं गंतूण तओ पुरम्मि दंदउरे । कहिया कुमरस्स सुदंसणस्स पुरओ वसंतसिरी ।।५७२६।। रूवाइगुणसमेया तं सोऊणं सुदंसणो जाओ । मयणसरपहरविहुरो अरइसमुद्दम्मि निबड्डो ।।५७२७।। तस्स वयंसेहि इमो अट्ठो नाउं महाबलनिवस्स । कहियो तेण वि दूयं पट्टविउं वासवउरम्मि ।।५७२८।। वासवदत्तो राया धूयं मग्गाविओ वसंतसिरि । नियसुयसुदंसणकए तेण वि कयमुत्तरं एयं ।।५७२९।। जह किर सयंवरामंडवो मए चिट्ठए समारद्धो । धूयाए वसंतसिरी नामाए विवाहकज्जम्मि ।।५७३०।। तत्थ महाबलराया कुमरो य सुदंसणो तहा अन्ने । रायाणो रायसुया य सुबहुणो आगमिस्संति ।।५७३१।। जो को वि तीए दिट्ठो पडिहासिस्सइ नियस्स चित्तस्स । तस्स खिविस्सइ एसा वरमालं कठदेसम्मि ।।५७३२।। वासवदत्तस्स इमं पडिवयणं तेण दूयपुरिसेण । गंतूण महाबलपस्थिवस्स कहियं इमेणावि ॥५७३३।। जयाणावियं सुदंसणकुमरस्स इमो वि तीए अणुरायं । नियहिययाओ न मुयइ बाहि जाणावए न उणो।।५७३४।। एत्तो य वसंतसिरी जत्ता समयम्मि मयणपडिमाए। देसंतरागयाणं बंदिजणाणं च वणियाणं ।।५७३५।। वयणेहि कुमरसिरिवम्मगुणगणुगन्भिणेहिं दढं । सवनप्पत्तेहि हया मयणसरेहिं व हिययम्मि ।।५७३६।।
Jain Education International
For Private & Personal Use Only
www.jainelibrary.org
Loading... Page Navigation 1 ... 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 