Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
१४४
सिरिचंदकित्तचरियं
चंकमणवेयकंपियकणंतकलकिंकिणीवियाणेहिं । नीहरिय-महुर-महयर-झंकार-रवाउलेहिं च ॥४६३६।। विज्जाहररज्जं साहिऊण निय नयरमावयंतस्स । गयण-पहेणं तस्सेव खेयरिंदाणचक्किस्स ।।४६३७।। गयणसिरीए गयणंगणम्मि हरिसेण पयरिएहि व । वियसियतामरसेहिं नाणाविहवन्नसुहएहि ।।४६३८।। वसुकेउ-वासवेहिं दोहिं वि खयरेहि चंदउरनयरे । गंतूणं निवभवणे निवसेवयलोयमज्झम्मि ।।४६३९॥ पवरम्मि आसणे संठियस्स सुहुममइ-सचिव-तिलयस्स । पुरओ कहियं जह चंदकित्तिखरिदवरचक्की।४६४०।। संवहमाणो चिट्ठइ आगमणत्थं इमम्मि नियनयरे । पट्टविया तेणम्हे तुम्हं जाणावणट्ठाए ।।४६४१।। इयविज्जाहरवयणं सोऊणं सुहममइमहामंती । हरिसियचित्तो सह सव्वरायलोएण कारेइ ।।४६४२।। कोडुंबियपुरिसेहि सव्वत्थ महूसवं पुरे तम्मि । कुंकुम-रस-सित्त-समग्ग-मग्गमूसिय-पडायं च ॥४६४३।। अहिणवपट्टसुय-वेढिएहि मुत्ता-वऊल-रुइरेहिं । विहियबहुभूमिएहिं आलिंगंतेहिं गयणयलं ॥४६४४।। ऊसिय-धवलधएहि रणंतकलकिंकिणीकलावहिं । विरइयसब्बुत्तमवेस-वेसविलयाहिं कलिएहि ।।४६४५।। ठाणेठाणम्मि निवेसिएहिं उच्चेहिं मंचनिवहेहिं । अच्छरसासहिएहि व सुरिंदपेसियविमाणेहिं ।।४६४६।। सोहंतरायमगं मग्गम्मि अलब्भमाणअवयासं । पुरिसेहिं पहरिसाओ इओ तओ संचरंतेहिं ॥४६४७।। गेहेगेहम्मि निबद्धतोरणं गिज्जमाण-मंगलयं । अप्फालिय-वरतूरं हरिस-पणच्चंत-तरुणियणं ॥४६४८।। वसुकेउ-वासहिं विज्जासामन्यओ नयरबाहि । कारियपासाएहि खरिदाणं निवासकए ।।४६४९।। मणुइंद-नयर-सोहा विणिज्जिएणेव अमरनयरेण । विरइज्जमाणसेवं विरायमाणं विसेसेण ।।४६५०।। वसुकेउ-वासवा मंतिअणुमया सम्मुहा तओ चलिया । एतस्स चंदकित्तिस्स नहयले अंतरे मिलिया ॥४६५१।। साहेति पणमिऊण जह चंदउरम्मि देवनयरम्मि। सुहुममइमंति पमुहो चिट्टइ उक्कंठिओ लोओ ।।४६५२।। तुम्ह पयपंकयाणं दंसणकज्जम्मि कयपवेसमहो । मंतिपुरओ कहामो तुम्हागमणं पुरो गंतुं ।।४६५३।। सिरिचंद-कित्तिणा ते अणुनाया आगया पुणो तत्थ। मंतिस्स कहंति जहा नियडो पत्तो खयरचक्की ॥४६५४।। तं सोऊणं मंती विणिग्गओ सम्मुहं नरिदस्स । सामंति-मंति-मंडलिय-तंतवालाइलोएण ॥४६५५।। थडढेहि हयवराणं घडाहिं तह मत्त-गयवराणं च । पंतीहिं रहवराणं संघाएहि पयवराणं ॥४६५६।। नायर-जणो वि सव्वो निय नियविदेण झत्ति नीहरिओ। अणुमग्गेणं चिय तस्स मंतिणो सव्वविभूईए ॥४६५७।। पमयाउलाई गायण-वायण-बंदाई बंदि-निवहो य । पहरिसपरवसप्पा सब्बो नीहरइ नयराओ॥४६५८।। एवं कयसमुदाओ ताव गओ सो जणो समग्गो वि । जाव कमेणं पत्तो मणोरमुज्जाणपरभाए ॥४६५९।। पत्ता विमाणपंती नयणपहं तत्थ तस्स लोयस्स। तं दटठं सो जाओ अणिमिसनयणो सूरजणो व्व ॥४६६०।। विम्हइयमणो चितइ सबो विहु पुरजणो जहा पेच्छ । केरिसमच्छरियमहो इमस्स अम्हाण सामिस्स।।४६६११ एक्केण विमाणेणं एक्कंगे णेव निग्गओ तइया । नियनयराओ गिरिकाणणाओ केसरिकिसोरो व्व ॥४६६२।। संपइ पुण संपत्तो बयसहस्सेहिं सह विमाणाणं । विज्जाहर-कोडीहि य भिच्चत्तणमुव्वहंतीहिं ।।४६६३।। सप्पुरिसाणं जायइ सोहाए निमित्तमेवपरिवारो। सिद्धी पुण कज्जाणं ताणं निय भुयबले वसइ ॥४६६४।। इय चितंतस्सेव य पच्चोणी निग्गयस्स लोयस्स । सो संपत्तो सह सत्ति तस्स पासे खयरचक्की ॥४६६५।। नूमीए आसन्नं कारावेऊण तो नियविमाणं ! मणिचूडबाहुलग्गो तत्तो उत्तरइ नरनाहो ॥४६६६।। वसुकेउ-वासवा पुण कहंति मंतिस्स पुच्छिया तेण । एक्केक्केणं नामाई खेयरिंदाण सव्वेसि ॥४६६७।।
Jain Education International
For Private & Personal Use Only
www.jainelibrary.org
Loading... Page Navigation 1 ... 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 