Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिमुनिसुव्वयजिणिदचरिय
आह् गुरुमिच्छत्तं तं भन्नइ जस्स उदयओ जीवा । वीवरीयं सव्वं पिहु तत्तं पेच्छेति विउसा वि ॥ ४८०० ।। देवत्तगुणो एक्को विनत्थि जस्सेह तंपि देवं ति । मन्नंति गुरुगुणेहिं मुक्कं पि गुरुत्तबुद्धीए ||४८०१ ।। पाप हु बुद्ध धम्मस्स गर्णेति एरिसं एयं । मिच्छत्तं तित्थयरेहिं वन्नियं मुणसु नरनाह ।।४८०२ ।। जो देव - गुणेहिं जुओ सो देवो जो य गुरुगुणसमेओ । सोउ गुरु निरवज्जो जो उण सो निच्छिओ धम्मो ॥। ४८०३ || सो अवसओ जायइ जीवस्स कोवि जो विमलो । तं संमत्तं ति वयंति जिणवरा विमलनाणधरा ।।४८०४ ।। नय रागो न य दोसो न य मोहो होइ जस्स 'देवो । जो रागाईहिं जुओ सो उण नेओ अदेवो त्ति ।।४८०५ ।। रागो कलत्तसंगेण नज्जए पहरणाण वहणेण । दोसो फुडो मुणिज्जइ मोहो वि अजुत्त वयणेहिं ॥४८०६॥ रागादोसको अरहंतो चेव सो परं देवो । तस्सेवाणाए ठिया गुरुणो वि सुसाहुणो नेया ||४८०७ ॥
कोह- माणमुक्का माया -लोभेहिं वज्जिया निच्चं । रुद्धेति इंदियपसरा दयावरा सव्वजीवेसु ||४८०८|| सत्सु य मित्ते य समचित्ता चत्तपुत्त-संबंधा । इच्चाइगुणगणजुया परोवाएसम्म उज्जुत्ता ||४८०९ ।। सोच्चि धम्मो जत्थ य मणेण वयणेण तह य कारण । वारिज्जइ परपीडा कीरंती निच्चकालं पि ।। ४८१० ।। अलिय-वयणं न भन्नइ गिन्हिज्जइ ने य परधणमदिनं । मुच्चइ मेहुणवंछा मुच्छा न निए वि देहम्मि ।।४८११ ।। रणी-भोयणविरई एवं सावज्जजोगपरिचत्तो । सव्वत्थ वि निरवज्जो धम्मो पडिवज्जियव्वोउ ।।४८१२ ।। एवं कहियगुणेहिं रहिओ न गुरू ने य धम्मो वि । जो तं पि गुरूं मन्नइ धम्मं वा तस्स मिच्छत्तं ॥ ४८१३।।
भवं पुदुक्ख इन्हि चिय वन्नियं पुरो तुम्ह । ता मिच्छत्तं मोत्तुं सम्मतं गिन्ह जह भणियं ॥। ४८१४ । । सम्मत्तम्मि पवन्ने रुद्धारं नरय- तिरिय-गमणाई | नर - सुर-सिव - सोक्खाई हवंति करयलगयाई व ।। ४८१५।। अह आह चंदकित्ती भयवं ! तुम्हेहिं जह इमं कहियं । मिच्छत्तं सम्मत्तं भवस्सरूवं च तं सव्वं ॥ ४८१६ ।। चित्तम्मि अवयं में तहत्ति इन्हि समाइसह किच्चं । अह ओहीनाणेणं नाऊण गुरु जहाएसो ||४८१७।। सम्मत्तमेत्तजोग्गो संपइ तं चेव तो पयच्छामो । एयस्स इय विचितिय भणइ जहा राय गिन्हाहि ||४८१९।। मिच्छत्तचायनियमं सो वि य गिन्हेइ उट्टिऊण तओ । जह अज्जप्पभिइ मए तिविहं तिविहेण मिच्छत्तं ।।४८१९॥ परिचत्तं सम्मत्तं पुण पडिवनं तहेव जा जीवं । संका - कंखाईया परिचयव्वा य अइयारा ।।४८२० ।। सामंत-मंतिमाई वि के वि सम्मत्तमहिणवं पत्ता । जेसि न आसि पुव्वं तहावरोहं गणाओ वि ।।४८२१ ।। अह पुण विन्नवइ गुरुं नरेसरो जह जुयाइजिणभवणे । कल्ले कल्लाणदिणा आरम्भे भविस्सए जत्ता ||४८२२ || ता काऊ पसायं अम्हाणं उवरि तेत्तियदिणाणि । एत्थ पडिक्खेयव्वं आगंतव्वं च जिण - भवणे ||४८२३ ।। तह पडिवन्ने गुरुणा तं नमिउं जिणहरम्मि गंतूण । देवमभिवंदिऊणं राया पत्तो नियावासं ।।४८२४।। सेसं विसज्जिऊणं मणिचूडनरेसराइपरिवारं । आइसइ सुत्तहारं हक्कारेऊण जह एगं ।। ४८२५ ।। फलिहरयणामयं कुण जुयाइजिणदेवसंतियं पडिमं । सव्वावयवविभत्तं नयणमणानंदसंजणयं ॥ ४८२६ ।। जिणभद्दसावयं तह हक्कारेऊण भणइ नरनाहो । जह एस मुत्तहारो तज्जेयव्वो तए निच्चं ।। ४८२७।। निष्फायइ जह सिग्धं जुयाइजिणपडिममेत्थआभारो । तुज्झ च्चिय मीसेसो अम्हे पुण इह निराभारा ।।४८२८। तो पविन्ना से दोवि विसज्जेइ सो महाराओ । तंबोलपयाणाई काऊणं गरुयसम्माणं ।।४८२९।। सिरिचंदकित्तिराया सयं सकज्जेसु वावडो होइ । जायम्मि पभायम्मिओ हक्कारेउं समाइसइ ||४८३०।। नयरारक्खं दुज्जोहणमेवं जं तए समग्गो वि । चारयगिहाउ लोओ मोत्तव्वो झत्ति इन्हि पि ।।४८३१।।
Jain Education International
For Private & Personal Use Only
१४९
www.jainelibrary.org
Loading... Page Navigation 1 ... 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 