Book Title: Munisuvratasvamicarita
Author(s): Chandrasuri, Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
View full book text ________________
सिरिमुनिसुव्वयजिणिदचरियं
अह् सो पंर्चाहं धाइहिं परिगओ पइदिणं पि वड्ढतो । नवससहरो व्व गयणे भवणे नरपुंगवनिवस्स ।।५३१४।। । नीसेसरिजणस्स खीरनीरायरम्मि व मणम्मि । सलिलस्स व कल्लोले हरिसस्स पवित्थरं नेइ ।। ५३१५ ।। संचरइ कराउ करं महग्घरयणं व थेवकयमुल्लं । सिरिवम्मकुमारो निवजणस्स विम्यपवन्नस्स ।। ५३१६।। अह जंपिउं पवत्तो अव्वत्तक्खरगिराहिं सो कुमरो । संजणइ परमसोक्खं कस्स ण सवणंतरासु ।। ५३१७।। तं चिय संभासंतो अवरोहजणो खणं न विरमेइ । नियसद्दविणिज्जियमत्त कोइलावेणुवीणरवं ॥ ५३१८।। अवरोहसुंदरीणं सोउं तस्सेव वयणमहिलासो । सिढिलीकयसुय-सारियविहंग - पाढणपयत्ताण ||५३१९।। निरुवमरूवं नवणीयमउयफासं सुगंधिनीसासं । परहुय - सुमहुर - सद्दं सिरिवम्मकुमारमणवरयं ।। ५३२०।। नयणेहिं निहालतो आलिंगंतो य निययहियएण । नासाए नीसासं अग्घायंतो य तह तस्स ।। ५३२१ । । सवणेहि निसुतो वयणं नरपुंगवाइरायजणो । सुहमिदियाण पावइ तेणेक्केण वि चउन्हं पि ॥ ५३२२।। arrafsयम्मि सगडे नाणाविहरयणजालजडियम्मि । अह सो लग्गकरग्गो चंकमणविलासमब्भसइ ।।५३२३ अइकोमलाई सुहलक्खणाई अहिणवकइ व्व संकंतो । सणियं सणियं ठावइ पयाइं सिरिवम्मवरकुमरो ।। ५३२४।। इयपइदिणं कुणंतो कमेण चंकमणपच्चलो जाओ । सो कत्थइ अविलग्गो वि कुट्टिमे चलइ लीलाए ।।५३२५ ।। कुंकुम - रसच्छडा सेयसोहिरे कुट्टिमम्मि मणिबद्धे । तम्मि चलते कुमरे पयपडिबिबे सुउट्ठति ।।५३२६।। सत्थिय-सरोय-कलस-च्छत्तायाराई लंछणवराई | काई पि जाई तेसुं घणसाररएण रेहाओ ।।५३२७।। अवरोहवहूओ पूरयंति कोऊहलेण सिक्खेउं । तारिसख्वाइं सयं पि जेण जाणंति आलिहिउं ।।५३२८ ।। नाणावन्नमहामणिविणिम्मिएहिं तुरंगमाईणं । पडिरूवेहि जहिच्छं अह सो कीलइ निवकुमारो ।।५३२९ ।। कुमरो परिप्फुडक्खरवाणीए जंपिरो जया जाओ । न तया कस्सइ सो जंपिऊण विरमंतओभिमओ ।। ५३३० ।। नियकणयपंजराणं पासे कुमरस्स संचरंतस्स । गिहकीर - सारियाओ कुणंति बहुचाडुवयणाई || ५३३१ ।। तप्पडिवयणायन्नणसयन्हहिययाउ कंखमाणीओ । सिक्खेडं तस्स परिप्फुडक्खरुच्चारसक्कारं ।।५३३२।। चउ-पंच-वरिसजम्मो सिरिवम्मो जाव सो निवकुमारो । जाओ ताव उरब्भं, तरुणं आणाविरं राया ।।५३३३ ।। चारेऊणं हरियं जवाइयं कारिऊणं बलवंतं । मुहदिन्नलोहकडियालियं च हत्थे गहियवग्गं ॥ ५३३४।। एक्केणं पुरिसेणं दक्खणं भूमिसंठिएव । कारिय चकमणसमं जाणाविय वग्गसंचारं ।। ५३३५ ।। परिकम्मिऊण एवं कंचणकवियं मुहम्मि दावेउं । कयपट्टसूत्तवग्गं आरोवियपवरपल्लाणं ॥ ५३३६।। आय पट्टां कंठमि कर्णत किंकिणीजालं । चउसु वि चरणेसु तहा वज्जिरसंजमियघग्धरियं ॥ ५३३७।। आरुणत्थं अप्पइतं सिरिवम्मस्स तस्स कुमरस्स । कयसिंगारो सो वि हु तत्थारूढो परिब्भमइ ।। ५३३८ ।। पासायांगणे दसुदिसासु पासट्ठिएहि पुरिसेहिं । धारिज्जतो आसणथेज्जत्थ कइ विदिहाई || ५३३९।। तयतरं सयं चिय आरोहइ तत्थ अवरपुरिसाण | साहेज्जेण विणा वि हु वाहेइय तं जहिच्छाए ।।५३४० ।। पुरओ धावंतेहि समाणजम्मे हि सेवयसुएहिं । दाहिणकरग्गसंठियमसिकसिणियकट्टखग्गे हि ।। ५३४१ ।। वामकरुप्पाडियखेडएहिं इयचाडुयं भणतेहि । जयजीवनंदसुइरं अवहारह आसणं कुमर || ५३४२।। अवरोहचारिणीओ दासीओ पइखणंपि तस्सुवरि । उत्तारिऊण लोणं खिवंति सव्वासु विदिसासु ||५३४३ ।। दक्खा खज्जूराईणि खाइमाई तहा बहुविहारं । तस्सुवरि भमाडेउं खिवंति तह चैव सव्वत्तो ॥ ५३४४।। मत्तू खगखेडयजुलाई महीयलम्मि अह तुरियं । सेवर्याडभा अहमहमियाए धावंति गहणत्थं ॥ ५३४५।।
Jain Education International
१६५
For Private & Personal Use Only
www.jainelibrary.org
Loading... Page Navigation 1 ... 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 263 264 265 266 267 268 269 270 271 272 273 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 